Þróa kennsluefni fyrir aldraða um stafræna heiminn
Þekkingarnet Þingeyinga (ÞÞ) vinnur um þessar mundir að evrópsku samstarfsverkefni sem gengur út á að þróa kennsluefni fyrir eldri borgara. Þar sem markmiðið er að kenna þessum hópi fólks að fóta sig í hinum stafræna heimi.
Heiðrún Óladóttir, verkefnastjóri ÞÞ á Þórshöfn segir í samtali við Vikublaðið að sex samstarfsaðilar frá fimm Evrópulöndum vinni sameiginlega að því að greina rafræna þjónustu í hverju landi sem gagnast getur eldri borgurum á landsbyggðinni. Í verkefninu felst einnig þróun hæfniþjálfunar á sviði stafrænnar tækni og þróun verkfæra á sama sviði fyrir eldra fólk. Samstarfsverkefninu er ætlað að efla leiðbeinendur í heimabyggð til að styðja við stafræna hæfni eldri borgara.
„Við erum að greina fræðsluþörf eldri borgara, og búin að leggja fyrir þau könnun. Markmiðið er að búa til kennsluefni fyrir þennan hóp til þess að bjarga sér í stafrænum heimi. Með rafræn skilríki og ýmislegt. Þegar þetta verður tilbúið þá verða þetta stutt kennslumyndbönd, raundæmi um hvernig á að bera sig að í stafræna heiminum,“ útskýrir Heiðrún.
Verkefnið gengur undir heitinu: „STAFFRÆN SAMFÉLÖG: Stafræn færni og hæfni sveitarfélaga á landsbyggðinni“ og miðar að því að tryggja að sveitarfélög í dreifðari byggðum fái tækifæri til að þróa stafræna færni, tileinka sér nýja tækni og byggja upp samfélög í kringum þessa sameiginlegu reynslu.
MARKMIÐ VERKEFNISINS ERU AÐ
• efla stafræna færni eldri borgara og sjálfsöryggi þeirra við notkun verkfæra á vefnum til að bæta heilsu og auka lífsgæði
• veita leiðbeiningar, skref fyrir skref, um hvernig eigi að fá aðgang að og nota opinbera þjónustu á vefnum
• þróa færni leiðbeinenda í heimabyggð til að veita þjálfun og stuðning við notkun aldraðra á stafrænni tækni
• efla tengslanet og samheldni innan samfélagsins
Þá verða búnir til vegvísar sem veita upplýsingar um rafræna opinbera þjónustu á Íslandi, Spáni, í Búlgaríu og Svíþjóð. Kennsluefni verður í formi teiknaðra myndskeiða sem byggð eru á raunverulegum aðstæðum og þörfum eldra fólks. Farið er yfir hvar og hvernig er hægt að nálgast þjónustu á vefnum.
Einnig verður útbúin sérstök handbók fyrir leiðbeinendur á sviði stafrænnar hæfni í samfélaginu, með aðferðum, verkfærum og dæmum. Handbókin nýtist við þróun færni leiðbeinenda í heimabyggð til að veita öldruðum stafræna hæfniþjálfun og stuðning.
Verkefnið er unnið með styrk frá Erasmus+, samstarfsáætlun ESB.
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit. -
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið.
