Þingmenn allra flokka í heimsókn á SAk í kjördæmaviku
Á fimmtudag í síðustu viku tók forstjóri SAk auk hluta framkvæmdastjórnar á móti fríðum flokki þingmanna Norðausturkjördæmis. Þingmenn allra flokka voru í svokallaðri kjördæmaviku en þá fara þeir um kjördæmið og kynna sér málefnin frá fyrstu hendi.
„Við erum öllu jafnan í mjög góðu sambandi við okkar þingmenn en svona fundir eru alltaf góðir til að skerpa á áherslunum okkar og til að eiga samtal um þær áskoranir sem SAk stendur frammi fyrir. Ég hef fundið það í gegnum tíðina að þingmennirnir vilja vera með okkur í liði og vekja athygli á því mikilvæga starfi sem fer fram á Sjúkrahúsinu á Akureyri og þeirri sérstöðu sem við höfum sem annað tveggja sérgreina-sjúkrahús í landinu fyrir utan höfuðborgarsvæðið,“ sagði Hildigunnur Svavarsdóttir, forstjóri SAk.
Í kynningunni fór forstjórinn yfir helstu áskoranir sjúkrahússins á árinu en þar ber helst að nefna mikið álag vegna veikinda starfsfólks, aukinn fjöldi ferðamanna á svæðinu svo og keðjuverkandi áhrif mygluvanda hjúkrunarheimilis á svæðinu. Allt þetta hefur slæm áhrif á útgjaldahlið sjúkrahússins. Þá rakti hún til hvaða aðgerða hefur verið gripið til að koma til móts við starfsfólk og þá vegferð að koma starfseminni aftur í gott horf.
Eftir kynningu forstjóra tók Björn Gunnarsson stutta kynningu á góðum og sanngjörnum staðsetningum fyrir sjúkraþyrlur en á eftir spunnust áhugaverðar umræður.
„Á sjúkrahúsinu er unnið gríðarlega mikilvægt og öflugt starf. Það sem vakti athygli mína og hefur í raun gert áður er hversu lausnamiðað og jákvætt starfsfólk SAk er á því að sjá tækifæri og lausnir í þeim verkefnum sem blasa við. Eftir kynninguna sé ég enn betur fyrir mér tækifærin sem felast í því að færa sérfræðiþjónustu í meira mæli til stofnana á landsbyggðinni. Svo ekki sé talað um baráttuna um að fá þyrlu til Akureyrar – það styðja einfaldlega útreikningar og vísindaleg rök,“ sagði Ingibjörg Isaksen, þingmaður í forsvari fyrir hópinn.
Frá þessu segir á heimasíðu SAk.
Nýjast
-
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns. -
Pólarhestar eru fyrirtæki ársins
Markaðsstofa Norðurlands veitir viðurkenninguna Fyrirtæki ársins til fyrirtækis sem er búið að slíta barnsskónum og hefur skapað sér sterka stöðu á markaði. Fyrirtækið hefur unnið að stöðugri uppbyggingu, vöruþróun og nýsköpun og er með höfuðstöðvar á Norðurlandi. -
Íslenska kerfið framleiðir afbrotamenn
Að refsa einstaklingi fyrir alvarleg afbrot með fangelsisvist, er eitthvað sem flestir geta verið sammála um að sé nauðsynlegt. Fæstir átta sig hins vegar á hve frelsissviptingin ein og sér hefur gríðarleg áhrif á einstakling sem dæmdur hefur verið til vistar í fangelsi og ef betrunarúrræðin eru ekki til staðar er næsta öruggt að sá einstaklingur er lýkur afplánun, kemur út í samfélagið aftur í verra ástandi en hann var í þegar afplánun hófst. Stundum held ég að þessi hópur samfélags okkar sé álitinn hin skítugu börn Evu sem flestir vita af en enginn vill af þeim vita. Eins og að vandamálin hverfi um leið og kveðinn er upp dómur. Allir þeir einstaklingar sem fá á sig dóma eru synir, dætur, bræður, systur og barnabörn einhverra. Að afplána dóm hefur ekki bara gríðarleg áhrif á fangann heldur líka hans nánustu aðstandendur sem ég tel vera algjörlega týndan hóp innan kerfisins. Kerfis sem fyrir löngu er molnað í sundur. Kerfi sem nær ekki að eiga samskipti. Kerfi sem þarf að taka alvarlega til í og snýst hreinlega um líf eða dauða fólksins okkar. -
KOSNINGARÉTTUR
Við vanmetum oft það sem þykir sjálfsagt! Árið 1843 rak kosningaréttur fyrst á fjörur okkar Íslendinga með tilskipun Kristjáns VIII, en eingöngu til karlmanna eldri en 25 ára sem áttu jörð. Það var um 2% íslensku þjóðarinnar. Árið 1857 var ekki lengur þörf á að eiga jörð, nægjanlegt að búa á eigin heimili og borga skatta. Konur virtust ekki vera landsmenn á þessum tíma. -
Afleitt að Sæfari verði í slipp í apríl
Grímseyingar óska eftir aðstoð við að fá aðra tímasetningu en nú er þegar fyrirhugað er að ferjan Sæfari sem siglir milli lands og eyjar fer í slipp, sem er „afleit tímasetning bæði hvað varðar sjávarútveg og sérstaklega slæmt fyrir ferðaþjónustu í eynni,.“ segir í bókun frá íbúafundi sem haldinn var í eyjunni. -
Framkvæmdir að hefjast við innisundlaugina
Framkvæmdir eru hafnar við talsvert umfangsmiklar breytingar á innisundlaugin í Sundlaug Akureyrar. Umhverfis- og mannvirkjaráð hefur samþykkt að taka lægstu tilboðum í lagnir, raflagnir og múrverk en hafnaði aftur á móti tilboðum sem bárust í útboði á verkefnum í húsasmíði og blikksmíði þar sem þau voru hátt yfir kostnaðaráætlun. -
Nytjamarkaður Norðurhjálpar er eins árs
„Þetta var dásamlegur dagur og við erum þakklátar öllu því góða fólki sem styður við bakið á okkur, við erum eiginlega alveg vissar um að við er með langbesta fólki í kringum okkur,“ segir Sæunn Ísfeld Guðmundsdóttir ein þeirra fjögurra kvenna sem reka nytjamarkaðinn Norðurhjálp. -
Fjármagn í hugmyndavinnu við 50 metra innilaug áætluð árið 2028
Ellert Örn Erlingsson forstöðumaður íþróttamála hjá Akureyrarbæ segir að í framkvæmdaáætlun Akureyrarbæjar sé gert ráð fyrir fjármagni árið 2028 til að fara í formlega vinnu við að skoða möguleika og hugmyndir um 50 metra innisundlaug á Akureyri. „Það verður spennandi og skemmtilegt verkefni,“ segir hann. Um tíðina hafi af og til verið umræður við og innan Akureyrarbæjar um hugmyndir um nýja 50 metra innisundlaug.
