Þetta gamla fólk!
Einn harðasti verkalýðssinni Íslands, Jón Ingimarsson, kom eitt sinn að máli við Stefán Jónsson, alþingismann og flokksbróður í Alþýðubandalaginu, og áminnti hann um að standa vörð um hagsmuni fátækra Íslendinga.
Áttu þá við iðnverkafólk, vildi Stefán fá að vita.
„Já,“ svaraði Jón Ingimarsson, „og þó er fjölmennur hópur sem er enn þá ver settur og Alþýðubandalagið á enn ríkari skyldur við. Það er gamla fólkið og öryrkjarnir.“
Allar götur frá því ég man eftir mér hafa stjórnmálamenn allra flokka tekið undir með Jóni Ingimarssyni. Kjör aldraðra þarf að bæta. Og hvað hefur gerst á liðnum áratugum? Í hnotskurn, ósköp lítið. Enn eru laun ellilífeyrisþega skert með óásættanlegum hætti á sama tíma og stefnt er að því að hækka lífeyristökualdur í 70 ár – „enda sýna rannsóknir að aldraðir sem stunda vinnu séu almennt heilsuhraustari og njóti meiri lífsgæða en þeir sem ekki eiga kost á því að stunda vinnu“, segir í opinberu plaggi úr ráðuneyti velferðarmála.
Núverandi alþingismenn þjóðarinnar stefna sem sagt að því að hækka ellilífeyrisaldur upp í sjötugt, meðal annars vegna þess að það hægir á öldrunarferlinu. En þangað til þessum sjötíu-ára áfanga er náð skal ellilífeyrisþegum, að minnsta kosti hinum snauðari, beinlínis refsað ef þeir voga sér út á vinnumarkaðinn.
En hvað er til ráða? Meðaltekjur ellilífeyrisþega eru sagðar rúmar 384 þúsund krónur á mánuði. Ekki lífvænleg innkoma það. Enn nöturlegri mynd blasir við þegar kafað er dýpra. Þá kemur í ljós að í febrúar síðastliðnum, þegar keisaranum hafði verið goldið sitt í formi skatta og tekjuskerðinga, voru 67% eldri borgara með tekjur á bilinu 200 til 280 þúsund krónur á mánuði. Þetta er árangurinn eftir áratugalangt streð stjórnmálamanna við að bæta hag aldraðra.
Er ekki orðið tímabært að þessir menn girði sig í brók og standi við loforð sem þeir hafa gefið elstu kynslóð þessa lands – og éta upp aftur og aftur, einkum fyrir kosningar, með þessari vægast sagt hörmulegu niðurstöðu sem þætti brottrekstrarsök á almennum vinnumarkaði.
Þörf er átaks sem felst einfaldlega í því að laun aldraðra verði skattlaus upp að þeim mörkum er teljast meðallaun í landinu hverju sinni. Þetta þarf að binda í þjóðarsáttmála því að löngu er orðið ljóst að pólitíkusum hættir til að misnota hvers konar tekjutengingar, borgaranum í óhag.
Nú kunna einhverjir að hvá en ég minni á að Alþingi hefur áður sett sérreglur um undanskot frá skatti. Á árum áður gat fólk sett til hliðar ákveðið hlutfall tekna sinna, skattfrjálst, til væntanlegra húsnæðiskaupa – sem var gott mál en drepið. Síðar tóku gildi reglur um skattfrelsi einstaklinga til kaupa á hlutabréfum fyrirtækja sem var kannski umdeilanlegra. Og nú eru í gildi reglur sem leyfa að ákveðið hlutfall lífeyrissparnaðar megi nota til að greiða niður húsnæðislán eða til kaupa á nýju. Upphæðin er skattfrjáls.
Að þessu sögðu hlýt ég að spyrja, er ekki orðið tímabært að við kjósum um gömul og ný loforð stjórnvalda til handa hinum ótrúlega þolinmóða og nægjusama hópi sem eru ellilífeyrisþegar þessa lands?
-Jón Hjaltason sagnfræðingur
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
