Þegar ekki er hægt að versla í heimabyggð
Það dró til tíðinda á dögunum þegar Húsasmiðjan tilkynnti um að verslanir félagsins á Húsavík og Dalvík myndu sameinast nýrri og stærri verslun við Freyjunes á Akureyri.
Óhætt er að segja að þetta útspil hafi fallið í grýttan farveg hjá Húsavíkingum og þeir gefa lítið fyrir sameiningartal Húsasmiðjunnar. Þarna sé einfaldlega verið að leggja niður þjónustu sem bæjarbúum þykir afar nauðsynleg.
Vikublaðið greindi frá því í mars á þessu ári að Húsasmiðjan hefði sagt upp húsaleigusamningi verslunarinnar. Svör frá forsvarsmönnum fyrirtækisins voru á þá leið að verið væri að endurskoða samningana en að það væru ekki komin nein plön um að loka versluninni, þó það væri vissulega ekki útilokað.
Dagsetningin á útrunnum húsaleigusamningi gaf þó ekki ástæðu til bjartsýni en hann rennur út á sama tíma og fyrirhugað er að opna nýju verslunina á Akureyri. Húsavíkingar sáu í gegn um þetta en reyndu þó að telja Húsasmiðjumönnum hughvarf. Þeir voru boðaðir á fund byggðarráðs Norðurþings og Framsýn stéttarfélag hefur reynt hvað það getur til að fá forsvarsmenn Húsasmiðjunnar til að halda verslunarrekstri áfram á Húsavík. Allt fyrir ekkert.
Hefði ekki verið heiðarlegra af Húsasmiðjunni að segja bara strax hvernig staðan var í mars. Að verslunin kæmi til með að loka, það trúir því engin að annað hafi staðið til. Þannig hafi a.m.k. mátt spara fólki tímann sem farið hefur í að berjast fyrir áframhaldandi rekstri verslunarinnar.
Það er ekki víst að allir geri sér grein fyrir hversu alvarleg staðan er fyrir Húsavík og sveitarfélagið allt. Þetta þýðir ekki aðeins skerta þjónustu fyrir bæjarbúa; að nú þurfi þeir að aka með tilheyrandi kolefnisspori til Akureyrar í hvert sinn sem þá vantar skrúfupakka eða pallaefni. Þarna tapast störf sem eru litlu bæjarfélagi dýrmæt.
Sveitarfélagið er líka stærra en bara Húsavík. Nú lengist leiðin til muna fyrir íbúa austast í sveitarfélaginu. Fólk sem áður gat sótt þessa þjónustu til Húsavíkur og nýtt í ferðina í leiðinni til að kaupa aðra þjónustu. Nú fækkar enn ástæðunum fyrir þetta fólk til að stoppa á Húsavík, aðrar verslanir, veitingastaðir og aðrir þjónustu aðilar munu því einnig tapa á brotthvarfi Húsasmiðjunnar.
Og allt þetta kemur á saman tíma og Íslandspóstur hefur ákveðið að þjarma að landbyggðinni með viðurstyggilegum gjaldskrárhækkunum á bögglasendingar úti á landi en lækka verðin í höfuðborginni. Aldeilis dásamleg byggðastefna sem ríkið bíður okkur upp á. Húsvíkingar og nærsveitungar geta þó huggað sig við það að geta verslað í Bónus á sama verði og höfuðborgarbúar í sömu ferðinni og þeir sækja pallaefnið sitt í Byko á Akureyri.
Egill P. Egilsson
ritstjóri
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Ætla Íslendingar að standa vörð um orkuauðlindir sínar?
Einhver myndi segja að sá bóndi er seldi frá sér allar bestu mjólkurkýrnar væri vitlaus maður. Utan ef tilgangurinn væri að pakka saman, hætta rekstri og selja hæstbjóðanda. -
Stefna flokksins í utanríkismálum
Grunnstef Lýðræðisflokksins er gott samstarf við Nato sem er varnarbandalag og hefur verið hornsteinn í utanríkisstefnu Íslands -
Reynsla mín af smíðakennslu á Akureyri. Aldarfjórðungur í baksýn.
Í Menntastefnu Akureyrarbæjar segir: „Verkviti er gert hátt undir höfði til þess að börn nái í síauknum mæli að tengja saman hug og hönd í skapandi umhverfi. Akureyrarbær hefur ríkan metnað til þess að í hverjum skóla starfi hæft og öflugt fólk og að eftirsóknarvert sé að starfa þar. Stuðningur skólayfirvalda við starfsþróun leikur þar stórt hlutverk“. Skipulag skóla gerir ráð fyrir samvinnu starfsfólks, sveigjanleika í skipulagi, teymiskennslu og samþættingu námsgreina“ (Menntastefna Akureyrarbæjar, 2020-2025). -
Örugg skref um allt land.
Heilbrigðiskerfið okkar er hjartað í því velferðarsamfélagi sem tekist hefur að byggja upp á Íslandi. Á yfir 40 fundum sem Samfylkingin bauð til um allt land til að ræða heilbrigðis- og öldrunarmál var ljóst að sinnuleysi og fyrirhyggjuskortur undanfarinna ríkisstjórna er að hola innan öryggistilfinningu fólks. Ekki síst í okkar kjördæmi þar sem vegalengdir eru langar, veður viðsjál og langt til Reykjavíkur. Að heilsugæslan neyðist til að reiða sig á íhlaupalækna til að bjarga vandanum tímabundið stoðar lítt. Það byggir ekki upp það traust og samfellu sem þarf til að fólk njóti þess margháttaða ávinnings sem rannsóknir hafa sýnt að fylgi því að hafa fastan heimilislækni. Enda settum við það sem okkar fyrsta heit í nýju framkvæmdaplani heilbrigðismála til tveggja kjörtímabila. Við erum tilbúin. -
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg.
