30. október - 6. nóember - Tbl 44
Þátttakendur og gestir ánægðir með framlag vísindafólksins okkar á Vísindavöku
Vísindavakan er velheppnuð Myndir aðsendar
„Það er svo nauðsynlegt að gera vísindi aðgengileg fyrir almenning” segir Þórhalla Sigurðardóttir, aðjúnkt við Háskólann á Akureyri (HA) um þátttöku í Vísindavöku. „ Mér fannst mjög gaman að taka þátt, starfsfólk Vísindavöku og HA voru mér innan handar um allt sem ég þurfti og allt vel skipulagt. Ég myndi svo gjarnan vilja taka þátt aftur,” bætir hún við.
Háskólinn á Akureyri hefur sótt í sig veðrið undanfarin ár hvað varðar framgang rannsókna við háskólann og því afar gaman að taka þátt í Vísindavöku þetta árið svo hægt sé að tefla fram þó ekki sé nema hluta af því öfluga starfi sem fer fram við HA.
Rannsakendur komu, sáu og spjölluðu við gesti um sínar rannsóknir ásamt því að gestir fengu meðal annars að prófa lögreglubíl, að setja sig í spor kennara, sjá raunverulega hversu hreinar hendurnar eru og að setja upp skugga- og ljósa sýningar.
Háskólinn á Akureyri er í samstarfi við nokkur fyrirtæki sem vinna að þróun rannsókna og eitt af þeirra er fyrirtækið Arctic Therapeutics (AT) sem vinnur að þróun á lyfi við íslenskri arfgengri heilablæðingu og standa vonir til að sú þróun geti jafnvel aðstoðað við að þróa lyf við framgangi Alzheimer sjúkdómsins.
Olga Ýr Björgvinsdóttir, forstöðumaður rannsóknarstofa og Guðný Jónsdóttir tóku þátt í Vísindavöku með HA fyrir hönd AT. Til gamans má geta að þær hafa báðar lokið BS gráðu í líftækni frá HA og samhliða starfi sínu hjá AT stundar Guðný rannsóknartengt meistaranám í auðlindafræðum við Auðlindadeild HA. Hún vinnur að rannsóknum varðandi þróun á ofangreindu lyfi auk þess sem hún rannsakar leiðir til að draga úr einkennum lithimnubólgu sem er alvarlegur bólgusjúkdómur í auga sem getur valdið sjónskerðingu og jafnvel blindu.
„Það er mikilvægt fyrir þróunarfyrirtæki líkt og AT að taka þátt á vettvangi Vísindavöku til að auka sýnileika fyrirtækisins og aðgengi almennings að sérfræðingum okkar, geta svarað spurningum og sagt frá okkar vinnu,” segir Olga Ýr aðspurð um þeirra þátttöku í Vísindavöku.
Hún bætir einnig við „það var ótrúlega gaman að taka þátt í Vísindavöku. Það var gaman hversu margir komu og spjölluðu við okkur. Fólk á öllum aldri sýndi fyrirtækinu og starfsemi þess mikinn áhuga. Það sem kom okkur helst á óvart var hversu mikinn áhuga krakkar höfðu á verkefnunum okkar. Nokkrir krakkar sem við spjölluðum við stefndu sjálfir að því að verða vísindamenn og vildu ólmir fá að heyra hvernig þau komast þangað.”
,,Það sem kom okkur helst á óvart var hversu mikinn áhuga krakkar höfðu á verkefnunum okkar"
Rannís stendur fyrir Vísindavöku á Íslandi en hún er haldin samtímis í helstu borgum Evrópu undir heitinu Researchers’ Night. Skipuleggjendum HA vegna vökunnar langar að koma á framfæri þakklæti til Rannís fyrir að bjóða upp á þennan viðburð, gestum og gangandi fyrir áhugann og heimsóknina á svæðið okkar og við hlökkum til að sýna fleiri áhugaverðar rannsóknir að ári liðnu.
Nýjast
-
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns. -
Pólarhestar eru fyrirtæki ársins
Markaðsstofa Norðurlands veitir viðurkenninguna Fyrirtæki ársins til fyrirtækis sem er búið að slíta barnsskónum og hefur skapað sér sterka stöðu á markaði. Fyrirtækið hefur unnið að stöðugri uppbyggingu, vöruþróun og nýsköpun og er með höfuðstöðvar á Norðurlandi. -
Íslenska kerfið framleiðir afbrotamenn
Að refsa einstaklingi fyrir alvarleg afbrot með fangelsisvist, er eitthvað sem flestir geta verið sammála um að sé nauðsynlegt. Fæstir átta sig hins vegar á hve frelsissviptingin ein og sér hefur gríðarleg áhrif á einstakling sem dæmdur hefur verið til vistar í fangelsi og ef betrunarúrræðin eru ekki til staðar er næsta öruggt að sá einstaklingur er lýkur afplánun, kemur út í samfélagið aftur í verra ástandi en hann var í þegar afplánun hófst. Stundum held ég að þessi hópur samfélags okkar sé álitinn hin skítugu börn Evu sem flestir vita af en enginn vill af þeim vita. Eins og að vandamálin hverfi um leið og kveðinn er upp dómur. Allir þeir einstaklingar sem fá á sig dóma eru synir, dætur, bræður, systur og barnabörn einhverra. Að afplána dóm hefur ekki bara gríðarleg áhrif á fangann heldur líka hans nánustu aðstandendur sem ég tel vera algjörlega týndan hóp innan kerfisins. Kerfis sem fyrir löngu er molnað í sundur. Kerfi sem nær ekki að eiga samskipti. Kerfi sem þarf að taka alvarlega til í og snýst hreinlega um líf eða dauða fólksins okkar. -
KOSNINGARÉTTUR
Við vanmetum oft það sem þykir sjálfsagt! Árið 1843 rak kosningaréttur fyrst á fjörur okkar Íslendinga með tilskipun Kristjáns VIII, en eingöngu til karlmanna eldri en 25 ára sem áttu jörð. Það var um 2% íslensku þjóðarinnar. Árið 1857 var ekki lengur þörf á að eiga jörð, nægjanlegt að búa á eigin heimili og borga skatta. Konur virtust ekki vera landsmenn á þessum tíma. -
Afleitt að Sæfari verði í slipp í apríl
Grímseyingar óska eftir aðstoð við að fá aðra tímasetningu en nú er þegar fyrirhugað er að ferjan Sæfari sem siglir milli lands og eyjar fer í slipp, sem er „afleit tímasetning bæði hvað varðar sjávarútveg og sérstaklega slæmt fyrir ferðaþjónustu í eynni,.“ segir í bókun frá íbúafundi sem haldinn var í eyjunni. -
Framkvæmdir að hefjast við innisundlaugina
Framkvæmdir eru hafnar við talsvert umfangsmiklar breytingar á innisundlaugin í Sundlaug Akureyrar. Umhverfis- og mannvirkjaráð hefur samþykkt að taka lægstu tilboðum í lagnir, raflagnir og múrverk en hafnaði aftur á móti tilboðum sem bárust í útboði á verkefnum í húsasmíði og blikksmíði þar sem þau voru hátt yfir kostnaðaráætlun. -
Nytjamarkaður Norðurhjálpar er eins árs
„Þetta var dásamlegur dagur og við erum þakklátar öllu því góða fólki sem styður við bakið á okkur, við erum eiginlega alveg vissar um að við er með langbesta fólki í kringum okkur,“ segir Sæunn Ísfeld Guðmundsdóttir ein þeirra fjögurra kvenna sem reka nytjamarkaðinn Norðurhjálp. -
Fjármagn í hugmyndavinnu við 50 metra innilaug áætluð árið 2028
Ellert Örn Erlingsson forstöðumaður íþróttamála hjá Akureyrarbæ segir að í framkvæmdaáætlun Akureyrarbæjar sé gert ráð fyrir fjármagni árið 2028 til að fara í formlega vinnu við að skoða möguleika og hugmyndir um 50 metra innisundlaug á Akureyri. „Það verður spennandi og skemmtilegt verkefni,“ segir hann. Um tíðina hafi af og til verið umræður við og innan Akureyrarbæjar um hugmyndir um nýja 50 metra innisundlaug.
