„Það er greinilega þörf á þessu“
Á heimsvísu er talið að um þriðjungi af framleiddum mat til manneldis eyðileggist eða sé sóað, það er um 1.3 milljarður tonna. Norðurlandabúar sóa um 3,5 milljónum tonna af mat árlega.
Anna Soffía Halldórsdóttir vildi leggja sitt af mörkum til þess að sporna við þessu alvarlega umhverfisvandamáli en eins og Vikublaðið greindi frá fyrir skemmstu lagði hún talsvert á sig til þess að koma upp svo kölluðum frískáp á Húsavík.
Frískápur er ísskápur þar sem fólk getur komið og sótt sér frían mat. Allir geta sett mat í frískápinn og öllum stendur til boða að nýta sér hann. Nú hefur frískápurinn á Húsavík verið tekinn í gagnið við Tún og segir Anna Soffía að viðtökurnar hafi farið fram út björtustu vonum.
Hrærð yfir viðtökunum
„Þetta er búið að fara ótrúlega vel af stað, gengur ekkert smá vel. Tilfinningin er dásamleg, hjartað mitt hefur bara stækkað ef eitthvað er,“ segir Anna Soffía í samtali við Vikublaðið full af stolti.
Hún segir íbúa Húsavíkur hafa verið mjög duglega að nýta sér skápinn fyrstu tvær vikurnar og að sama skapi að fylla á hann. „Nettó og Krambúðin hafa líka verið að gefa matvörur sem er verið að afskrifa vegna þess að þær eru komnar á síðasta söludag,“ Útskýrir Anna Soffía en bætir við að vörurnar séu í góðu lagi þrátt fyrir stimpilinn.
Þá segir hún að það liggi auðvitað töluverð vinna á bak við framtakið og þetta gerist ekki af sjálfu sér. En það sé gefandi að standa í þessu. „Það er auðvitað nokkur vinna við þetta þegar maður er svona einn í þessu en það er alveg þess virði því fólk er rosalega ánægt og það er greinilega þörf á þessu. Fólk er bæði að koma með mat og aðrir að sækja og svo allt þetta sem við fáum úr verslununum, ég hef stundum verið í vandræðum með að koma þessu fyrir í skápnum,“ segir hún.
Ánægð með umgengnina
Anna Soffía kveðst jafnframt vera ákaflega stolt af því hvað Húsavíkingar gangi vel um skápinn. „Já ég er rosalega ánægð með hvað fólk gengur vel um. Ég sé að sjálfsögðu um að þrífa skápinn en fólk er samt að ganga svo vel um, fólk ber virðingu fyrir þessu og það er æðislegt. Það má líka koma fram að þetta er fyrir alla óháð efnahag enda snýst þetta um að sporna gegn matarsóun en auðvitað er frábært að þetta geti hjálpað þeim sem minna hafa á milli handanna,“ segir hún.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
