30. október - 6. nóember - Tbl 44
Það er ekki síður val að vera heldur en val að fara
Gréta Bergrún Jóhannesdóttir, doktorsnemi við Háskólann á Akureyri
Byggðaráðstefnan 2023 – Búsetufrelsi? verður haldin 2. nóvember 2023, í Reykjanesbæ. Fjallað verður um búsetufrelsi og niðurstöður rannsóknarverkefnisins Byggðafesta og búferlaflutningar sem unnið var á vegum Byggðastofnunar í samvinnu við sérfræðinga við ýmsar íslenskar og erlendar háskólastofnanir. Á vef Byggðastofnunar segir að tilgangur ráðstefnunnar sé að tengja saman fræðilega og hagnýta þekkingu á byggðaþróun með það að markmiði að stuðla að sjálfbærri þróun byggðar um allt land.
Ein af þeim sem flytja mun erindi á ráðstefnunni er Gréta Bergrún Jóhannesdóttir, doktorsnemi við Háskólann á Akureyri en hún var þátttakandi í stýrihópi verkefnisins um búferlaflutninga. Hún segir Íslendinga duglega að ferðast um heiminn og búa á mismunandi stöðum en ekki eins duglega að dreifa sér um landið sjálft til búsetu. Þá sé frelsi til búsetu mögulega huglægt val, „Sjálf hef ég oft valið. Sest niður með sjálfri mér og velt hlutunum fram og til baka. Því ég bý á Þórshöfn á Langanesi. Og eins og einn kunningi sagði á förnum vegi, „býrðu enn þarna“, eins og þetta hafi verið eitthvað tilraunaverkefni sem var dæmt til að sýna mér fram á villu míns vegar. Enn sem komið er hefur valið farið á sama veg. Því það er ekki síður val að vera heldur en val að fara“.
Ótal þættir hafa áhrif
Hún segist brenna fyrir byggðamálum enda starfað við byggðarannsóknir og nú kennslu og rannsóknir í byggðamálum. Það er þó ekki alltaf einfalt að velja sér búsetu, enda eru þar ótal þættir svo sem atvinna, húsnæðismál, makaval, menntun of.l. þættir sem hafa áhrif. Gréta segist sjálf oft taka þessa rökræður við sjálfa sig, með búsetuvalið; „Ekkert samfélag eða búseta er gallalaus. Hverjir eru helstu kostir þess að búa í litlu samfélagi, eru börnin mín að missa af tækifærum? Væri auðveldara að vera nær þessari eða hinni þjónustunni? Fengi ég betri vinnu annarsstaðar? Því ekki skortir mig menningu hér í fámenninu, það er bara annars konar menning. Eða annað en hvað þá, er eitthvað ákveðið norm í menningu? Ég veit ekki menningarlegri daga en réttarhelgina, tala nú ekki um þorrablótið, bæjarhátíðina, kvenfélagið mitt eða hvað annað. Af nógu að taka. Og ég fer oftar í leikhús og bíó en vinir mínir sem þó búa með það við fótskör sína. Af því að ég bý víst líka við ferðafrelsi og vel hvernig ég nýti tíma minn. Tæknin er líka til staðar og það þarf að þora að nýta hana til jákvæðrar búsetuþróunar“
Að hafa kjart til að velja búsetu sem auðgar tilveruna
Það eru sannarlega tækifæri og áskoranir sem fólk stendur frammi fyrir þegar kemur að búsetuvali en Gréta Bergrún segir mikilvægast að fólki finnist það hafa val, og hafi kjark til að velja sér búsetu sem auðgar tilveruna. Sjálf segist hún ætla að slúðra svolítið í sínu erindi á ráðstefnunni en doktorsrannsókn hennar fjallar um samfélagsleg áhrif á ungar konur í litlum byggðarlögum, þar með talið slúður og drusluskömmun. „Lítil samfélög eru svo margslungin, mannleg og dásamleg, en þar bítur umtalið stundum. Slúður fylgir öllum félagslegum rýmum, hvort sem það eru lítil samfélög, íþróttafélög, vinnustaðir eða aðrir hópar, en ég er að skoða litlu samfélögin og hef fundið ýmislegt áhugavert þegar kemur að búsetuvali og búferlaflutningum þessu tengdu“.
Ráðstefnan á erindi við alla áhugasama um byggðamál, sveitarstjórnarfólk, fulltrúa atvinnulífs og stefnumótendur á sviði byggðamála. Skráning er á byggdastofnun.is fyrir 26. október.
Nýjast
-
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns. -
Pólarhestar eru fyrirtæki ársins
Markaðsstofa Norðurlands veitir viðurkenninguna Fyrirtæki ársins til fyrirtækis sem er búið að slíta barnsskónum og hefur skapað sér sterka stöðu á markaði. Fyrirtækið hefur unnið að stöðugri uppbyggingu, vöruþróun og nýsköpun og er með höfuðstöðvar á Norðurlandi. -
Íslenska kerfið framleiðir afbrotamenn
Að refsa einstaklingi fyrir alvarleg afbrot með fangelsisvist, er eitthvað sem flestir geta verið sammála um að sé nauðsynlegt. Fæstir átta sig hins vegar á hve frelsissviptingin ein og sér hefur gríðarleg áhrif á einstakling sem dæmdur hefur verið til vistar í fangelsi og ef betrunarúrræðin eru ekki til staðar er næsta öruggt að sá einstaklingur er lýkur afplánun, kemur út í samfélagið aftur í verra ástandi en hann var í þegar afplánun hófst. Stundum held ég að þessi hópur samfélags okkar sé álitinn hin skítugu börn Evu sem flestir vita af en enginn vill af þeim vita. Eins og að vandamálin hverfi um leið og kveðinn er upp dómur. Allir þeir einstaklingar sem fá á sig dóma eru synir, dætur, bræður, systur og barnabörn einhverra. Að afplána dóm hefur ekki bara gríðarleg áhrif á fangann heldur líka hans nánustu aðstandendur sem ég tel vera algjörlega týndan hóp innan kerfisins. Kerfis sem fyrir löngu er molnað í sundur. Kerfi sem nær ekki að eiga samskipti. Kerfi sem þarf að taka alvarlega til í og snýst hreinlega um líf eða dauða fólksins okkar. -
KOSNINGARÉTTUR
Við vanmetum oft það sem þykir sjálfsagt! Árið 1843 rak kosningaréttur fyrst á fjörur okkar Íslendinga með tilskipun Kristjáns VIII, en eingöngu til karlmanna eldri en 25 ára sem áttu jörð. Það var um 2% íslensku þjóðarinnar. Árið 1857 var ekki lengur þörf á að eiga jörð, nægjanlegt að búa á eigin heimili og borga skatta. Konur virtust ekki vera landsmenn á þessum tíma. -
Afleitt að Sæfari verði í slipp í apríl
Grímseyingar óska eftir aðstoð við að fá aðra tímasetningu en nú er þegar fyrirhugað er að ferjan Sæfari sem siglir milli lands og eyjar fer í slipp, sem er „afleit tímasetning bæði hvað varðar sjávarútveg og sérstaklega slæmt fyrir ferðaþjónustu í eynni,.“ segir í bókun frá íbúafundi sem haldinn var í eyjunni. -
Framkvæmdir að hefjast við innisundlaugina
Framkvæmdir eru hafnar við talsvert umfangsmiklar breytingar á innisundlaugin í Sundlaug Akureyrar. Umhverfis- og mannvirkjaráð hefur samþykkt að taka lægstu tilboðum í lagnir, raflagnir og múrverk en hafnaði aftur á móti tilboðum sem bárust í útboði á verkefnum í húsasmíði og blikksmíði þar sem þau voru hátt yfir kostnaðaráætlun. -
Nytjamarkaður Norðurhjálpar er eins árs
„Þetta var dásamlegur dagur og við erum þakklátar öllu því góða fólki sem styður við bakið á okkur, við erum eiginlega alveg vissar um að við er með langbesta fólki í kringum okkur,“ segir Sæunn Ísfeld Guðmundsdóttir ein þeirra fjögurra kvenna sem reka nytjamarkaðinn Norðurhjálp. -
Fjármagn í hugmyndavinnu við 50 metra innilaug áætluð árið 2028
Ellert Örn Erlingsson forstöðumaður íþróttamála hjá Akureyrarbæ segir að í framkvæmdaáætlun Akureyrarbæjar sé gert ráð fyrir fjármagni árið 2028 til að fara í formlega vinnu við að skoða möguleika og hugmyndir um 50 metra innisundlaug á Akureyri. „Það verður spennandi og skemmtilegt verkefni,“ segir hann. Um tíðina hafi af og til verið umræður við og innan Akureyrarbæjar um hugmyndir um nýja 50 metra innisundlaug.
