20. nóvember - 27. nóvember - Tbl 47
Telja nýjan verslunarkjarna best komið fyrir utan miðbæjarins
Tölvumynd af fyrirhuguðum verslunarkjarna Samkaupa. Mynd T.ark og samkaup.is
Nú er lokið kynningu skipulagslýsingar vegna aðalskipulagsbreytingar í suðurbæ Húsavíkur, nýtt deiliskipulag í Aksturslág og breytingu deiliskipulags Stórhóls - Hjarðarholts. En til stendur að þar rísi nýr verslunarkjarni á vegum Samkaupa.
Umsagnir og athugasemdir bárust frá 18 aðilum en Skipulags og framkvæmdaráð Norðurþings fjallaði um málið á fundi sínum í dag.
Samkaup hf. og KSK eignir ehf. óskuðu snemma á þessu ári eftir lóð undir nýja verslunarmiðstöð við Norðausturveg sunnan Þorvaldsstaðaár á Húsavík. Ráðinu leist vel á hugmyndir sem kynntar voru og var skipulags- og byggingarfulltrúa verið falið að hefja vinnu við skipulag svæðisins. Skiptar skoðanir hafa verið uppi á Húsavík um staðsetninguna og vilja sumir að betur fari á því að opna nýja Nettóverslun í miðbæ Húsavíkur og efla hann í leiðinni. Margar umsagnanna bentu einmitt á þetta.
Skipulags og framkvæmdaráð hefur nú tekið ákvörðun um að halda áfram vinnu við breytingu aðalskipulagsins til samræmis við umfjöllun skipulagslýsingarinnar. Í bókun kemur meðal annars fram að sveitarfélagið hafi ekki lóð sem hentar undir uppbyggingu verslunarkjarna nærri miðbæ og því væri uppbygging stórrar matvöruverslunar háð uppkaupum á lóðarréttindum og/eða samstarfi milli fyrirliggjandi lóðarhafa, sveitarfélags og framkvæmdaaðila. Enn hafa að mati skipulagsráðs ekki komið neinar ákjósanlegar lausnir þar að lútandi þó gildandi aðalskipulag hafi heimilað það til langs tíma.
Bókun skipulags og framkvæmdaráð í heild sinni:
„Athugasemdir einstaklinga og Gb5 ehf snúa að mestu að því að ekki eigi í aðalskipulagi að heimila uppbyggingu nýs verslunar- og þjónustusvæðis sunnan núverandi íbúðarbyggðar, heldur eigi frekar að horfa til uppbyggingar matvöruverslunar í miðbæ Húsavíkur. Fyrir liggur beiðni til Norðurþings frá aðila um lóð til uppbyggingar stórrar matvöruverslunar, auk annar[r]ar þjónustu, sunnan núverandi byggðar. Ljóst er að sveitarfélagið hefur ekki lóð sem hentar undir þá uppbyggingu nærri miðbæ og því væri uppbygging stórrar matvöruverslunar háð uppkaupum á lóðarréttindum og/eða samstarfi milli fyrirliggjandi lóðarhafa, sveitarfélags og framkvæmdaaðila. Enn hafa að mati skipulagsráðs ekki komið neinar ákjósanlegar lausnir þar að lútandi þó gildandi aðalskipulag hafi heimilað það til langs tíma. Ráðið telur raunar á margan hátt heppilegast að stór matvöruverslun rísi utan núverandi miðbæjar svo ekki komi til þeirrar umferðaraukningar í miðbænum sem uppbygging stórar matvöruverslunar þar hefði í för með sér. Nú þegar er umtalsverð bílaumferð um miðbæ Húsavíkur, einkum að sumarlagi, þrátt fyrir að núverandi aðal matvöruverslun sé talsvert sunnan miðbæjar. Ráðið tekur ekki undir sjónarmið sem fram koma í athugasemdum um að nýtt þjónustusvæði í suðurbæ brjóti gegn ákvæðum landskipulagsstefnu, enda gert ráð fyrir að áfram verði gott aðgengi að verslun og þjónustu í miðbænum. Ráðið vill því halda áfram vinnu við breytingu aðalskipulagsins til samræmis við umfjöllun skipulagslýsingarinnar.“
Ráðið hefur falið skipulags- og byggingarfulltrúa að láta vinna tillögu að breytingu aðalskipulags til samræmis við umfjöllun skipulagslýsingarinnar.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
