20. nóvember - 27. nóvember - Tbl 47
Tækifærin í Norðurþingi
Jónas Þór Viðarsson, Árdal í Kelduhverfi
Höfundur er smiður, bóndi og kennari og skipar 3. sæti á V-listanum í Norðurþingi
Jónas Þór Viðarsson skrifar
Okkur íbúum í Norðurþingi hættir stundum til að gleyma því hve mörgum náttúruperlum sveitarfélagið býr yfir. Norðurþing er stórt og víðfemt sveitarfélag og þessar náttúruperlur eru dreifðar um allt sveitarfélagið. Þessi staðreynd er styrkleiki sem við þurfum að nýta okkur á skynsamlegan hátt. Í Norðurþingi hefur margt breyst í atvinnumálum á síðustu árum, sumt hefur reynst sveitarfélaginu erfitt en einnig hafa orðið jákvæðar breytingar. Í sveitarfélaginu hafa orðið til öflug ferðaþjónustufyrirtæki af ýmsum stærðum og gerðum sem hafa styrkt okkar mannlíf og innviði. Margir bændur í sveitarfélaginu hafa tekið þátt í þessari uppbyggingu og bjóða uppá gistingu á sínum búum sem oft eru nærri náttúruperlum á svæðinu. Ferðamenn streyma á okkar svæði ár hvert til að njóta náttúruperla og sumir staldra við í stuttan tíma en aðrir í lengri tíma. Ferðaþjónustan er nú eftir faraldurinn sem betur fer að komast á fullt skrið og stefnir í mikla atvinnumöguleika í greininni í sveitarfélaginu í sumar.
Þótt ferðaþjónustan hafi vaxið og svokallaðar axlir (apríl-maí og september-október) utan hásumars hafi stækkað mælt í fjölda gistinátta eða fjölda ferðamanna á okkar svæði - þá eru umsvifin enn árstíðarbundin og lang mest yfir sumarið. Það er því enn krefjandi verkefni í dreifbýlinu að laða að fólk sem sest að varanlega allt árið. Nú er vonandi að vaxandi umsvif í fiskeldi á landi í norðursýslunni verði styrkur fyrir heilsársatvinnumöguleika og svo einnig hitt að beint millilandaflug er nú að hefjast til Akureyrar allt árið sem ætti að styrkja ferðaþjónustuna sem heilsársgrein. Þetta er jákvæð þróun fyrir okkar svæði.
Vantar nýtt húsnæði
Auðvitað eru þessar breytingar í ytra umhverfi í atvinnumálum ekki eitthvað sem Norðurþing sem sveitarfélag getur stýrt en sveitarfélagið þarf að bjóða uppá aðlaðandi innviði fyrir íbúa alls staðar í sveitafélaginu til að tryggja heilsársbúsetu. Þar vegur hið augljósa þungt, þ.e. að sveitarfélagið þarf að bjóða barnafjölskyldum uppá góða grunn- og leikskóla og aðra nauðsynlega grunnþjónustu. Í norðurhluta sveitarfélagsins þar sem ég þekki vel til er sérstaklega aðkallandi að auka við framboð af húsnæði. Þetta verður sameiginlegt verkefni hins opinbera og einkaframtaks og vonandi munu verða tekin skref í þá átt á komandi kjörtímabili til að fólki geti fjölgað. Ég ætla að vera bjartsýnn á að með samvinnu íbúa, sveitarfélags og annarra hagaðila getum við hjálpast að og gera Norðurþing að sterku samfélagi sem hlúir að fólki og náttúru á komandi árum.
Jónas Þór Viðarsson, Árdal í Kelduhverfi
Höfundur er smiður, bóndi og kennari og skipar 3. sæti á V-listanum í Norðurþingi
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Ætla Íslendingar að standa vörð um orkuauðlindir sínar?
Einhver myndi segja að sá bóndi er seldi frá sér allar bestu mjólkurkýrnar væri vitlaus maður. Utan ef tilgangurinn væri að pakka saman, hætta rekstri og selja hæstbjóðanda. -
Stefna flokksins í utanríkismálum
Grunnstef Lýðræðisflokksins er gott samstarf við Nato sem er varnarbandalag og hefur verið hornsteinn í utanríkisstefnu Íslands -
Reynsla mín af smíðakennslu á Akureyri. Aldarfjórðungur í baksýn.
Í Menntastefnu Akureyrarbæjar segir: „Verkviti er gert hátt undir höfði til þess að börn nái í síauknum mæli að tengja saman hug og hönd í skapandi umhverfi. Akureyrarbær hefur ríkan metnað til þess að í hverjum skóla starfi hæft og öflugt fólk og að eftirsóknarvert sé að starfa þar. Stuðningur skólayfirvalda við starfsþróun leikur þar stórt hlutverk“. Skipulag skóla gerir ráð fyrir samvinnu starfsfólks, sveigjanleika í skipulagi, teymiskennslu og samþættingu námsgreina“ (Menntastefna Akureyrarbæjar, 2020-2025). -
Örugg skref um allt land.
Heilbrigðiskerfið okkar er hjartað í því velferðarsamfélagi sem tekist hefur að byggja upp á Íslandi. Á yfir 40 fundum sem Samfylkingin bauð til um allt land til að ræða heilbrigðis- og öldrunarmál var ljóst að sinnuleysi og fyrirhyggjuskortur undanfarinna ríkisstjórna er að hola innan öryggistilfinningu fólks. Ekki síst í okkar kjördæmi þar sem vegalengdir eru langar, veður viðsjál og langt til Reykjavíkur. Að heilsugæslan neyðist til að reiða sig á íhlaupalækna til að bjarga vandanum tímabundið stoðar lítt. Það byggir ekki upp það traust og samfellu sem þarf til að fólk njóti þess margháttaða ávinnings sem rannsóknir hafa sýnt að fylgi því að hafa fastan heimilislækni. Enda settum við það sem okkar fyrsta heit í nýju framkvæmdaplani heilbrigðismála til tveggja kjörtímabila. Við erum tilbúin. -
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg.
