Sveitarstjórn Eyjafjarðarsveitar skorar á stjórnvöld að grípa til aðgerða vegna erfiðleika sem bændur standa frammi fyrir
„Staðan er mjög slæm og ég er langt í frá að mála skrattann á vegginn þegar ég segir að hún er grafalvarleg. Bændur eru ekki kvartsárir og hafa um árin borið sig vel, haft bjartsýni að vopni í þeirri von að upp rynni betri tíð. Það virðist hins vegar löng og erfið brekka framundan og ekki gott að sjá hver þróunin verður. Það er ljóst að margir eru við það að gefast upp og ég heyri að hér um slóðir séu menn farnir að hugleiða að hætta búskap,“ segir Hermann Ingi Gunnarsson oddviti Eyjafjarðarsveitar og bóndi í Klauf.
Sveitarstjórn Eyjafjarðarsveitar sendi frá sér ályktun þar sem hún lýsir þungum áhyggjum yfir þeirri stöðu sem upp er komin hjá bændum. Miklar kostnaðarhækkanir og hækkun stýrivaxta á liðnum tveimur árum hafi verið bændum mjög erfiðar og rekstrargrundvöllur margra búa brostið. „Það er sveitarfélaginu afar mikilvægt að matvælaframleiðslu séu skapaðar öruggar rekstraraðstæður enda er hún aðalatvinnuvegur sveitarfélagsins.“
Enn fremur kemur fram í ályktun að atvinnuvegur eins og landbúnaður sem í eðli sínu þarf miklar fjárfestingar með hlutafallslega litla veltu þurfi að geta gengið að lánakjörum sem skapi fyrirsjáanleika í afborgunum og vaxtakjörum. Sveitarstjórn skorar á stjórnvöld að grípa til aðgerða gagnvart þeim erfiðleikum sem bændur standa frammi fyrir svo ekki verði hrun í greininni. Tryggja þurfi að matvælaframleiðsla eflist og verði fjölbreyttari svo fæðuöryggi þjóðarinnar verði betur tryggt.
Þolinmæðin er á þrotum
Hermann Ingi segir bændur alvana að glíma við erfiðleika af allra handa tagi, náttúran geri þeim oft óleik og staða efnahagsmála hverju sinni geti líka leikið þá grátt líkt og nú er raunin. „Þetta hefur farið versnandi allt undanfarið ár og má segja að mælirinn sé fullur, þolinmæðin á þrotum. Fram undir þetta hafa stór kúabú haft þokkalega afkomu en staðan er aldeilis ekki þannig lengur. Bændur vinna baki brotnu og hafa ekki lengur svigrúm til að reikna sér laun. Öll innkoma fer í að greiða aðföng sem hafa hækkað gríðarlega og engan lækkun í kortunum þar sem og vexti sem eins og alþjóð veit hafa hækkað upp úr öllu valdi. Þetta getur ekki gengið svona lengur,“ segir hann og bætir við að á stöndugum kúabúum nái menn ekki lengur endum saman. Margir kúabændur hafi verið að endurnýja fjós til að uppfylla aðbúnaðarreglugerðir um dýravelferð og það með ærnum kostnaði. Það sé nú að koma í fangið á þeim nú þegar vextir á lánum sem tekin voru til framkvæmda hafi farið upp úr öllu valdi.
Þá nefnir hann að ekki sé hægt að ráða inn afleysingar vegna kostnaðar og því komist bændur ekki frá til að hvíla sig um stundarsakir. „Það vill enginn lifa þannig lífi lengur, fólk vill eiga frí, lifa fjölskyldulífi og geta gert sér dagamun stöku sinnum, en það er ekki hægt í þessari þröngu stöðu sem nú ríkir. Þreytan er orðin ansi mikil.“
Margir komnir með nóg og horfa til þess að hætta
Hermann Ingi segir að staðan hafi smám saman verið að færast á ógæfuhliðina hjá bændum og reksturinn að þyngjast eftir því sem vextir hafa hækkað og verðbólga aukist. Sprettgreiðslur sem ríkið greiddi bændum og var hluti að viðbrögðum vegna kórónuveiru hafi virkað skamma stund, „en staðan er orðin svo alvarleg núna að þó svo að slíkar greiðslur væru í boði núna myndi ástandið ekki lagast. Því miður er staðan þannig að bændur eru margir hverjir á því að nóg sé komið og ég hef heyrt á nokkrum að best sé að bregða búi og finna sér annað að gera.“
Landbúnaður skipti Eyjafjarðarsveit miklu máli og sé þar aðalatvinnuvegur, en í raun segir Hermann Ingi að sama gildi um allan Eyjafjörð og í fjórðunginn allan. Sem dæmi starfi allt að 900 manns á Akureyri við úrvinnslu landbúnaðarafurða og eða í störfum tengdum landbúnaði. Þannig séu hagsmunirnir ekki einungis bundnir við Eyjafjarðarsveit heldur héraðið allt. „Það er orðið aðkallandi að við getum búið við eðlileg starfskilyrði.“
Landbúnaður er aðalatvinnuvegurinn í Eyjafjarðarsveit og skiptir miklu máli fyrir
sveitarfélagið. Mynd MÞÞ
Nýjast
-
Fjármagn í hugmyndavinnu við 50 metra innilaug áætluð árið 2028
Ellert Örn Erlingsson forstöðumaður íþróttamála hjá Akureyrarbæ segir að í framkvæmdaáætlun Akureyrarbæjar sé gert ráð fyrir fjármagni árið 2028 til að fara í formlega vinnu við að skoða möguleika og hugmyndir um 50 metra innisundlaug á Akureyri. „Það verður spennandi og skemmtilegt verkefni,“ segir hann. Um tíðina hafi af og til verið umræður við og innan Akureyrarbæjar um hugmyndir um nýja 50 metra innisundlaug. -
Sálfræðingur með merkan feril í Fantasy Premier League að baki
Vísindafólkið okkar — Árni Gunnar Ásgeirsson Vísindafólkið okkar er mánaðarleg kynning á vísindafólkinu okkar. Árni Gunnar Ásgeirsson, deildarforseti Sálfræðideildar, er vísindamanneskjan í október. -
Gleðilega töfrandi kosningabaráttu
Snörp og spennandi kosningabarátta er að hefjast og eru stjórnmálaflokkar í óðaönn að draga fram helstu stefnur og forgangsmál. Ýmislegt bendir til þess, eins og oft áður, að komandi kosningar muni að þónokkru leyti snúast um efnahagsmál og fjármál heimila og fyrirtækja. Verðbólga og vextir bíta fast og fólk vill svör um framtíðina. Eðlilega. -
Geðverndarfélag Akureyrar fagnar 50 ára afmæli
„Geðverndarfélag Akureyrar hefur ekki verið mjög áberandi undanfarin ár, en á sér engu að síður merka sögu og hefur staðið fyrir mikilvægum framförum í geðheilbrigðismálum í bænum og ýmislegt sem til bóta er í þessum viðkvæma málaflokki,“ segir Valdís Eyja Pálsdóttir formaður Geðverndarfélags Akureyrar. Félagið var stofnað 15. desember árið 1974 og verður því 50 ára gamalt innan tíðar. Haldið verður upp á tímamótin næstkomandi laugardag. -
Verðandi sjávarútvegsfræðingar kynna sér starfsemi Samherja til sjós og lands
Hátt í fjörutíu nemendur í sjávarútvegsfræðum við Háskólann á Akureyri hafa á undanförnum dögum heimsótt skip og landvinnslu Samherja. Nemendur auðlindadeildar skólans hafa um langt árabil átt þess kost að skoða og kynnast starfsemi félagsins, sem hluta námsins. Magnús Víðisson brautarstjóri segir afar mikilvægt að öflug sjávarútvegsfyrirtæki séu starfandi í námunda við skólann, sem geri nemendum kleift að kynnast betur sjávarútvegi og haftengdri starfsemi. -
Aðeins fleira fé slátrað þetta haustið miðað við í fyrra
„Heilt yfir hefur gengið mjög vel, auðvitað hafa rafmagnstruflanir, nettruflanir, veðurtruflanir og ýmislegt af því tagi, stungið sér niður hjá okkur, en sem betur fer gekk allt upp að lokum,“ segir Sigmundur Hreiðarsson framleiðslustjóri Kjarnafæði Norðlenska á sláturhúsinu á Húsavík. -
Að þora að vera hræddur
Nú haustar og í haustmyrkrinu leynast oft myrkraverur og alls konar furðuleg fyrirbæri sem skjóta okkur stundum skelk í bringu. Flest tengjast þau reyndar hrekkjavöku og ýmiskonar skálduðum hryllingi þannig að það er lítið mál að sýna hugrekki og láta sem ekkert sé. Eða hvað, erum við kannski hræddari en við sýnumst, og hvenær erum við annars hugrökk? -
Ferðast landa á milli til að taka þátt í lotu Viðskiptadeildar
Í þarsíðustu viku var lota hjá Viðskiptadeild og þá gafst stúdentum tækifæri á að hitta kennara, samstúdenta og annað starfsfólk Háskólans. Þannig tengjast þeir betur innbyrðis og í lotum er horfið frá hefðbundinni kennslu, til dæmis með því að bjóða gestum úr atvinnulífinu að vera með innlegg í námskeiðum. -
Gefur lífinu aukalit og við hefðum alls ekki viljað missa af honum
„Rúben hefur verið okkur dýrmætur kennari í lífinu og gefið því fallegan auka lit. Við hefðum alls ekki vilja missa af honum,“ segir Arnheiður Gísladóttir móðir Rúbens Þeys, sem fæddist í janúar árið 2020, með Downs heilkenni. Október er mánuður vitundarvakningar um Downs heilkenni á alþjóðavísu. Einstaklingar sem fæðst hafa með heilkennið hafa fylgt mannkyni frá upphafi vega. Þeim fer fækkandi og um tíma hélt Arnheiður að Rúben Þeyr yrði með þeim síðustu hér á landi sem fæddist með heilkennið. Sú hafi þó ekki orðið raunin. Faðir Rúbens er Vífill Már Viktorsson smiður og átti Arnheiður fyrir Karítas Von sem verður 11 ára gömul í nóvember. Fjölskyldan býr á Akureyri.
