Sveitarfélög hætta stuðningi við Flugklasann Air 66N
„Við höfum óskað eftir samtali við sveitarfélögin og vonum að ákvörðunin verði endurskoðuð,“ segir Arnheiður Jóhannsdóttir framkvæmdastjóri Markaðsstofu Norðurlands um þá ákvörðun nokkurra sveitarfélaga að hætta þátttöku í verkefni flugklasans Air66N. Alls eru 16 sveitarfélög á Norðurlandi og hafa 12 þeirra styrkt verkefnið, Akureyrarbær greiddi 9 milljónir króna á ári og önnur samtals um 5 milljónir eða sem næst 300 krónur á hvern íbúa þeirra.
Akureyrarbær var fyrstur til að hafna áframhaldandi þátttöku og nú í vikunni voru sveitarfélögin sem tilkynnt hafa að þau verði ekki lengur með orðin 5. Arnheiður býst við að fleiri fylgi fordæmi Akureyrarbæjar.
Stjórn Markaðsstofu Norðurlands hefur sagt að verið sé að grafa undan góðu og nauðsynlegu starfi MN með því að hætta stuðningi við þetta mikilvæga verkefni fyrir ferðaþjónustu á Norðurlandi. Stjórn MN segir að hætti sveitarfélögin stuðningi við verkefnið þýði það að óbreyttu að þetta starf leggist af og þar með markaðssetning fyrir beint millilandaflug til Akureyrar.Lýstu flestir stjórnarmenn vonbrigðum með þessa ákvörðun sveitarstjórnanna, sem í öllum tilfellum var tekin án nokkurs samtals við MN.
Arnheiður segir að áhrif inn í norðlenska ferðaþjónustu verði mikil, ekki síst af vetrarflug, en flug beint til Akureyrar á þeim árstíma vinni á árstíðasveiflu. Það komi með gesti yfir „tóma“ mánuði og eigi sinn þátt í að skapa heilsársstörf og grundvöll fyrir fjárfestingu á svæðinu. „Það er algjört lykilatriði fyrir þróun ferðaþjónustunnar að vinna niður árstíðarsveifluna og skapa grundvöll fyrir rekstri allt árið,“ segir hún.
Verkefnið byggir undir lífsgæði íbúanna
Breytingar á verkefninu eru mögulegar að sögn Arnheiðar, þ.e. að koma því fyrir á annan hátt til lengri tíma og segir hún nauðsynlegt að taka þá umræðu. Fara þurfi yfir þætti eins og hvar verkefninu er best fyrir komið og hvað það muni kosta.„Hver ætti að bera ábyrgð á verkefni um beint millilandaflug um Akureyrar- og Egilsstaðaflugvöll, er það ríki, sveitarfélög, ferðaþjónustan eða aðrar atvinnugreinar,“ segir hún. „Burtséð frá því hvar verkefnið er staðsett er nauðsynlegt að vinna það því verkefnið er ekki aðeins tekjuskapandi heldur byggir undir mikil lífsgæði fyrir íbúana og er grundvöllur að framtíðaruppbyggingu á svæðinu.“
Talsvert millilandaflug er fram undan um Akureyrarflugvöll en þar má m.a. nefna að easyjet muni fljúga áætlunarflug til London frá Akureyri tvisvar í viku og hefst það nú í lok október og stendur til loka mars á næsta ári. Leiguflug Voigt Travel er á dagskrá á tímabilinu janúar til mars 2024, alls 12 flug og félagið verður einnig á ferðinni frá Hollandi næsta sumar. Leiguflug frá Sviss með Kontiki eru í boði frá febrúar til mars og þá mun Edelwiss bjóð upp á vikulegt áætlunarflug frá Sviss í júní og til loka ágúst næsta sumar.
Nýjast
-
Fjármagn í hugmyndavinnu við 50 metra innilaug áætluð árið 2028
Ellert Örn Erlingsson forstöðumaður íþróttamála hjá Akureyrarbæ segir að í framkvæmdaáætlun Akureyrarbæjar sé gert ráð fyrir fjármagni árið 2028 til að fara í formlega vinnu við að skoða möguleika og hugmyndir um 50 metra innisundlaug á Akureyri. „Það verður spennandi og skemmtilegt verkefni,“ segir hann. Um tíðina hafi af og til verið umræður við og innan Akureyrarbæjar um hugmyndir um nýja 50 metra innisundlaug. -
Sálfræðingur með merkan feril í Fantasy Premier League að baki
Vísindafólkið okkar — Árni Gunnar Ásgeirsson Vísindafólkið okkar er mánaðarleg kynning á vísindafólkinu okkar. Árni Gunnar Ásgeirsson, deildarforseti Sálfræðideildar, er vísindamanneskjan í október. -
Gleðilega töfrandi kosningabaráttu
Snörp og spennandi kosningabarátta er að hefjast og eru stjórnmálaflokkar í óðaönn að draga fram helstu stefnur og forgangsmál. Ýmislegt bendir til þess, eins og oft áður, að komandi kosningar muni að þónokkru leyti snúast um efnahagsmál og fjármál heimila og fyrirtækja. Verðbólga og vextir bíta fast og fólk vill svör um framtíðina. Eðlilega. -
Geðverndarfélag Akureyrar fagnar 50 ára afmæli
„Geðverndarfélag Akureyrar hefur ekki verið mjög áberandi undanfarin ár, en á sér engu að síður merka sögu og hefur staðið fyrir mikilvægum framförum í geðheilbrigðismálum í bænum og ýmislegt sem til bóta er í þessum viðkvæma málaflokki,“ segir Valdís Eyja Pálsdóttir formaður Geðverndarfélags Akureyrar. Félagið var stofnað 15. desember árið 1974 og verður því 50 ára gamalt innan tíðar. Haldið verður upp á tímamótin næstkomandi laugardag. -
Verðandi sjávarútvegsfræðingar kynna sér starfsemi Samherja til sjós og lands
Hátt í fjörutíu nemendur í sjávarútvegsfræðum við Háskólann á Akureyri hafa á undanförnum dögum heimsótt skip og landvinnslu Samherja. Nemendur auðlindadeildar skólans hafa um langt árabil átt þess kost að skoða og kynnast starfsemi félagsins, sem hluta námsins. Magnús Víðisson brautarstjóri segir afar mikilvægt að öflug sjávarútvegsfyrirtæki séu starfandi í námunda við skólann, sem geri nemendum kleift að kynnast betur sjávarútvegi og haftengdri starfsemi. -
Aðeins fleira fé slátrað þetta haustið miðað við í fyrra
„Heilt yfir hefur gengið mjög vel, auðvitað hafa rafmagnstruflanir, nettruflanir, veðurtruflanir og ýmislegt af því tagi, stungið sér niður hjá okkur, en sem betur fer gekk allt upp að lokum,“ segir Sigmundur Hreiðarsson framleiðslustjóri Kjarnafæði Norðlenska á sláturhúsinu á Húsavík. -
Að þora að vera hræddur
Nú haustar og í haustmyrkrinu leynast oft myrkraverur og alls konar furðuleg fyrirbæri sem skjóta okkur stundum skelk í bringu. Flest tengjast þau reyndar hrekkjavöku og ýmiskonar skálduðum hryllingi þannig að það er lítið mál að sýna hugrekki og láta sem ekkert sé. Eða hvað, erum við kannski hræddari en við sýnumst, og hvenær erum við annars hugrökk? -
Ferðast landa á milli til að taka þátt í lotu Viðskiptadeildar
Í þarsíðustu viku var lota hjá Viðskiptadeild og þá gafst stúdentum tækifæri á að hitta kennara, samstúdenta og annað starfsfólk Háskólans. Þannig tengjast þeir betur innbyrðis og í lotum er horfið frá hefðbundinni kennslu, til dæmis með því að bjóða gestum úr atvinnulífinu að vera með innlegg í námskeiðum. -
Gefur lífinu aukalit og við hefðum alls ekki viljað missa af honum
„Rúben hefur verið okkur dýrmætur kennari í lífinu og gefið því fallegan auka lit. Við hefðum alls ekki vilja missa af honum,“ segir Arnheiður Gísladóttir móðir Rúbens Þeys, sem fæddist í janúar árið 2020, með Downs heilkenni. Október er mánuður vitundarvakningar um Downs heilkenni á alþjóðavísu. Einstaklingar sem fæðst hafa með heilkennið hafa fylgt mannkyni frá upphafi vega. Þeim fer fækkandi og um tíma hélt Arnheiður að Rúben Þeyr yrði með þeim síðustu hér á landi sem fæddist með heilkennið. Sú hafi þó ekki orðið raunin. Faðir Rúbens er Vífill Már Viktorsson smiður og átti Arnheiður fyrir Karítas Von sem verður 11 ára gömul í nóvember. Fjölskyldan býr á Akureyri.
