Sundlaugar Akureyrar - Ríflega 400 þúsund gestir á liðnu ári
„Það er líf og fjör hjá okkur alla daga og jafnan mikið um að vera,“ segir Gísli Rúnar Gylfason forstöðumaður Sundlauga Akureyrar. Nýtt útisvæði var tekið í notkun nýverið við Glerárlaug og framkvæmdir standa sem hæst við breytingar í innlauginni við Sundlaug Akureyrar.
Ríflega 400 þúsund gestir sóttu Sundlaugar Akureyrar heim á liðnu ári og segir Gísli Rúnar það á svipuðu róli og árið þar á undan. „Gestir hafa verið á því bili nokkur undanfarin ár þannig að fjöldinn er svipaður og verið hefur,“ segir hann.
Bretar flykkjast í sund
Yfir vetrarmánuði eru grunnskólabörn í skólasundi áberandi í hópi gesta lauganna og að frá vori fram á haust er ferðafólk stór hluti af sundlaugargestum. „Annars eru ferðalangar á ferðinni allan ársins hring núna og við tökum vel eftir því hversu margir Bretar hafa komið í sund síðustu mánuði en þar eru á ferðinni farþegar með beinu flugi easyJet til Akureyrar. Þeir kunna greinilega vel að meta að skella sér í góðar útisundlaugar.“
Framkvæmdir við endurbætur í innisundlaug standa nú yfir. Búið er að rífa niður bakka laugarinnar og saga glugga niður. „Svo verður byrjað að byggja upp og við gælum við að geta tekið laugina í notkun áður en skólahald hefst síðsumars,“ segir hann en sundkennsla yngsta aldurshóps grunnskólann fer fram í innilauginni. Á meðan á framkvæmdum stendur er kennt í lendingarlaug við rennibrautir og þær lokaðar á morgnana. „Verkið gengur vel en vissulega eru alls konar þættir sem geta haft áhrif á framvinduna og tafið hana en við vonum það besta.“
Nýju útisvæði vel tekið
Nýtt útisvæði við Glerárlaug var opnað í liðinni viku eftir umfangsmiklar endurbætur. Tveir nýir heitir pottar eru á svæðinu, kalt kar, útisturta og saunaklefi var settur upp. Þá var skipt um yfirborðsefni og aðgengi og umhverfi bætt. Gömlu útiklefarnir voru fjarlægðir og skjólveggur endurnýjaður að hluta.
„Þetta eru kærkomnar breytingar enda var útisvæðið löngu komið á tíma. Við heyrum að okkar gestir eru mjög ánægðir og glaðir með breytingarnar á útisvæðinu. Þeim þykir mikill fengur að gufubaðinu sem er nýjung við Glerárlaug og skemmtilegt viðbót,“ segir Gísli Rúnar og á allt eins von á að nýtt og betra útisvæði laði að sér nýja notendur til viðbótar við trygga fastagesti.
Nýr saunaklefi hefur vakið lukku meðal sundiðkenda í Glerárlaug
Nýjast
-
Sandra María Jessen og Alex Cambray Orrason íþróttafólk Akureyrar 2024
Þau Sandra María Jessen knattspyrnukona í Þór/KA og Alex Cambray Orrason kraftlyftingamaður í KA voru nú síðdegis útnefnd sem íþróttakona og íþróttakarl Akureyrar fyrir nýliðið ár í hófi sem fram fór í Hofi. -
Ágúst með nýtt myndband - Eins og þú
Ágúst Þór Brynjarsson er einn af þátttakendum í Söngvakeppni Sjónvarpsins en þar mun hann flytja lagið Eins og þú (e. Like You). Í dag kom út nýtt myndband við lagið sem hægt er að hlýða á neðst í fréttinni. -
Rúm 90% bæjarbúa ánægð með að búa á Akureyri
Ánægja með þjónustu Akureyrarbæjar eykst á milli ára samkvæmt niðurstöðum nýrrar þjónustukönnunar sem Gallup gerði og kynnt hefur verið fyrir fulltrúum sveitarfélagsins. -
Sundlaugar Akureyrar - Ríflega 400 þúsund gestir á liðnu ári
„Það er líf og fjör hjá okkur alla daga og jafnan mikið um að vera,“ segir Gísli Rúnar Gylfason forstöðumaður Sundlauga Akureyrar. Nýtt útisvæði var tekið í notkun nýverið við Glerárlaug og framkvæmdir standa sem hæst við breytingar í innlauginni við Sundlaug Akureyrar. -
Súlur Björgunarsveit býður á opið hús í tilefni af 25 ára afmæli
Súlur Björgunarsveit á Akureyri fagnaði 25 ára afmæli sínu á liðnu hausti. Sveitin varð til með sameiningu þriggja björgunarsveita; Flugbjörgunarsveitarinnar á Akureyri, Hjálparsveitar skáta á Akureyri og Sjóbjörgunarsveit SVFÍ. Stofndagur var 30. október árið 1999 „Þetta varð mikið gæfuspor og til varð ein öflugasta björgunarsveit landsins sem á sér sterkt bakland meðal íbúa og fyrirtækja á Akureyri,“ segir Halldór Halldórsson formaður Súlna. -
MA-Dagný Reykjalín gefur skólanum mynd af Gamla skóla
Í október sl. fagnaði Gamli skóli 120 ára afmæli, en hann var reistur að sumri 1904. -
VMA-Plast er ekki bara plast
Plast er ekki það sama og plast. Því komust nemendur Jóhannesar Árnasonar að í verklegum tíma í efnafræði. -
Akureyri-Verkefnastjórar sinna stuðningi við nemendur af erlendum uppruna
Í öllum grunnskólum á Akureyri starfa verkefnastjórar sem sinna stuðningi við nemendur af erlendum uppruna. Tilraunaverkefnið hófst árið 2020 í Brekkuskóla og Oddeyrarskóla og haustið 2021 byrjaði Síðuskóli með sitt tilraunaverkefni, þar sem Sigrún Helga Snæbjörnsdóttir var ráðin í stöðu ÍSAT kennara og utanumhald allra fjöltyngda nemenda. Haustið 2022 voru svo verkefnastjórar ráðnir í öll skólahverfi og á sama tíma var aukið í stuðning við fjöltyngda nemendur í grunnskólum bæjarins. -
Shawlee Gaudreault og Jóhann Már Leifsson íþróttafólk SA fyrir árið 2024.
Bæði tvö koma úr íshokkídeild félagsins og eru íþróttakona og íþróttakarl íshokkídeildar. Bæði eru tilnefnd af Skautafélagi Akureyrar til Íþróttafólks Akureyrar fyrir árið 2024.
