20. nóvember - 27. nóvember - Tbl 47
Styttum vinnudag barnanna
Andri Teitsson.
Flestir eru líklega sammála um að börn hafi gott af því að vera á leikskóla einhvern hluta dags. Þar leika þau við jafnaldra sína í öruggu umhverfi og fá kennslu og þjálfun frá fagfólki á því sviði. Hins vegar er allt best í hófi og við fullorðna fólkið finnum það eflaust mörg sjálf að stundum getur það verið erfitt að vera of lengi innan um margt fólk. Ég vil til dæmis benda á athyglisverð skrif dönsku fræðimannanna Heckmann og Gjerding um þetta efni. Þá hafa rannsóknir sýnt að börn undir 2ja-3ja ára aldri mynda lítil tengsl við önnur börn en hafa hins vegar mikla þörf fyrir samskipti við foreldra sína. Mesti streituvaldur í lífi barna á þessum aldri er aðskilnaður frá nánustu aðstandendum.
L-listinn hefur sett fram hugmynd um gjaldfrjálsan leikskóla á Akureyri í 6 klukkustundir á dag. Þetta gæti orðið veruleg hvatning til að stytta vinnudag barna og gefa þeim meiri tíma með foreldrum sínum. Foreldrar sem þurfa ekki lengri vistun en 6 klst. gætu sparað talsverð útgjöld með þessu en einnig bætt lífsgæði sín og barnanna umtalsvert með fleiri samverustundum. L-listinn hefur líka sett fram hugmyndir um að aukin áhersla verði lögð á sveigjanlegan vinnutíma og hlutastörf, sem myndi gera fleiri foreldrum kleift að notfæra sér kosti 6 klst. gjaldfrjáls leikskóla.
L-listinn vill einnig beita sér fyrir því að íþrótta- og tómstundastarf barna í yngstu bekkjum grunnskóla komi inn í frístundina þannig að um klukkan 16 sé vinnudegi barnanna lokið. Markmiðið er að börn á þessum aldri kynnist mörgum íþróttagreinum, dansi, listum, handverki og fleiru. Minnkum „skutlið“ sem kostar tíma og peninga og er ekki umhverfisvænt.
L-listinn vill gera raunverulegar breytingar til batnaðar á stöðu barnafólks á Akureyri. Taktu þátt í því með okkur með að kjósa L fyrir Lífsgæði.
Andri á sex börn og skipar annað sæti á L-lista fyrir bæjarstjórnarkosningar á Akureyri.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
