Stytting vinnuvikunnar-Minni vinna-allir vinna?
„Er ekki alltaf brjálað að gera?“ er líklega algengasta spurningin sem ég hef fengið þegar ég hitti vini og kunningja á förnum vegi. „Jú, jú alveg brjálað eins og alltaf“ svara ég án þess að blikna. Á bak við þetta svar hefur engu að síður stundum verið löngun í meiri tíma til að vera með fjölskyldunni, vinum, ættingjum, meiri tími til að hreyfa mig, næra mig og hvílast.
Vegna þessara hugleiðinga hefur tilraunaverkefni um styttingu vinnuvikunnar hjá Reykjavíkurborg, ríki og einkareknum fyrirtækjum vakið áhuga minn. Niðurstöður rannsókna virðast benda til þess að ef stytting vinnuvikunnar er útfærð með faglegum hætti og mikill vilji er fyrir hendi til þess að láta verkefnið ganga upp, þá er ágóðinn verulegur.
Lífsfylling og farsæld
Við heyrum síendurtekna og alvarlega umræðu um kvíða, þunglyndi, kulnun í starfi, streitu, hreyfingarleysi, of mikinn skyndibita, of lítinn svefn og of litla samveru með börnum og eldra fólki svo eitthvað sé nefnt. Ef hægt er að stytta vinnuvikuna án þess að það bitni á framleiðni eða þjónustu þá getum við grætt tíma sem við getum nýtt í það sem veitir okkur lífsfyllingu og tryggir farsæld okkar sem mannverur og þar af leiðandi farsæld samfélagsins alls.
Niðurstöður tilraunar kynntar
Mögulegur ávinningur verkefnisins er svo mikill að ég tel að Akureyrarbær eigi að stíga það skref að fara í tilraunaverkefni um styttingu vinnuvikunnar, án launaskerðingar, og nýta þá reynslu sem er fyrir hendi við útfærsluna. Algjör grundvallar forsenda fyrir slíku verkefni er að vinnubrögðin séu fagleg og markviss, auk þess er nauðsynlegt að árangurinn sé metinn. Slíkar niðurstöður geta einnig verið gagnlegar við gerð kjarasamninga á almennum markaði. Til þess að fræðast nánar um tilraunaverkefni Reykjavíkurborgar þá höfum við hjá Samfylkingunni á Akureyri ákveðið að bjóða upp á opinn fund með Magnúsi Má Guðmundssyni, formanni stýrihóps um styttingu vinnuvikunnar hjá Reykjavíkurborg, þar sem hann mun segja okkur frá verklagi og niðurstöðum tilraunarinnar auk þess sem boðið verður upp á umræður. Fundurinn verður haldinn á Greifanum mánudagskvöldið 30. apríl kl. 20:00 og eru allir hjartanlega velkomnir.
Ég er sannfærð um að ef rétt er haldið á spilunum þá verði minni vinna til þess að allir vinna.
-Hilda Jana Gísladóttir, höfundur skipar 1. sæti á lista Samfylkingarinnar á Akureyri
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
