Styrkur samfélags er samhugurinn
Eftirfarandi grein birtist fyrst sem leiðari í Skarpi fimmtudaginn 14. júní.
Þá er ég mættur enn og aftur lesendur góðir þrátt fyrir loforð um það að vera hættur og horfin á braut. Heimsmeistarakeppni í fótboltasparki er rétt í þann mund að hefjast og ritstjórinn þarf sitt frí. Þið sitjið því uppi með mig næstu fimm vikurnar og við getum þá allt eins reynt að gera eitthvað gott úr því.
Í Skarpi vikunnar er m.a. að finna ítarlegt viðtal við eina bestu fyrirmynd sem Húsavík hefur átt, lifandi goðsögnina Villa Páls. Í viðtalinu fer Villi yfir sögu Björgunarsveitarinnar Garðars og það vekur mann til umhugsunar um mikilvægi samhugs og samtryggingar í litla samfélaginu okkar hér á Húsvík. Björgunarsveitin eins og fram kemur á allt sitt undir velvilja fólksins í samfélaginu. Án stuðnings einstaklinga, fyrirtækja og félagssamtaka myndi Björgunarsveitin Garðar einfaldlega hætta að vera til. En, svo er nú aldeilis ekki. Þökk sé dyggum stuðningi samfélagsins eiga Húsvíkingar vel útbúna og vel mannaða björgunarsveit.
Það má nefna að í gegnum tíðina hafa fiskiútgerðir í bænum, stórar og smáar verið sérstaklega duglegar við að styðja við þetta starf. Enda hafa útgerðarmenn löngum vitað það að þeir geta hvenær sem er lent í því að vera með lífið í lúkum björgunarsveitarmanna. Nú er reyndar orðin sú breyting orðin að fiskiútgerðirnar eru nær alveg horfnar úr plássinu en þeirra í stað eru komnar annars konar útgerðir, sem einnig róa á haf út og eru ekki síður öflugar. Þær láta eflaust ekki sitt eftir liggja þegar kemur að því að styðja við bakið á björgunarsveitinni, hér eftir sem áður.
Sólstöðuhlaup Völsungs
Fyrir Ívar Hrafn
Erfið veikindi leggjast ekki aðeins á einstaklingin sem fyrir þeim verður, þau leggjast á alla fjölskylduna og stundum á allt samfélagið. Mín versta martröð sem foreldris er að eitthvað komi fyrir börnin mín. Ég get varla gert mér í hugarlund hvernig það er að horfa upp á barnið mitt alvarlega veikt, vita ekki hvað framtíðin ber í skauti sér og geta ekkert gert til að hjálpa barninu nema elska það og vera til staðar. Þess vegna er það óhugsandi ef foreldrar í slíkri stöðu þurfa að hafa fjárhagsáhyggjur vegna vinnutaps, ferðalaga á milli landshluta til að koma barni sínu á sjúkrahús, gistingar og uppihalds,- í landi allsnægtanna.
Sumarsólstöðuhlaup Völsungs fer fram fimmtudagskvöldið 21. júní n.k. klukkan 20. Þá gefst okkur sem samfélagi tækifæri til að sýna samhug í verki því ágóði hlaupsins rennur óskiptur til styrktar litlum fallegum dreng, Ívari Hrafni Baldurssyni sem hefur glímt við erfið veikindi frá fæðingu með tilheyrandi kostnaði. Ekki nóg með það, því Íslandsbanki mun styrkja drenginn um aðra eins upphæð og safnast með skráningargjöldum þátttakenda.
Skráning fer fram á hlaup.is til miðnættis 20. júní og er skráningargjaldið 2000 krónur. Einnig er hægt að skrá sig á staðnum frá klukkan 19 á hlaupadag en þá hækkar þátttökugjaldið í 3000 krónur.
Ég skora á alla, einstaklinga og fyrirtæki til að sýna samhug í verki, skrá sig til þátttöku hvort sem þið ætlið að hlaupa, ganga eða einfaldlega horfa á. Margt smátt gerir eitt stórt. Samhugur er það fallegasta og sterkasta sem samfélag getur átt.
Egill P. Egilsson ritstjóri Skarps í afleysingu
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
