20. nóvember - 27. nóvember - Tbl 47
Styðjum við öflugt íþróttastarf
Hafrún Olgeirsdóttir.
Hafrún Olgeirsdóttir skrifar
Svör við grein framkvæmdastjóra Völsungs sem birtist í Vikublaðinu þann 4.maí sl.
Ég vil hefja skrif mín á því að þakka framkvæmdastjóra Völsungs fyrir að vekja athygli á málaflokknum í aðdraganda kosninga. Þátttaka í íþróttastarfi hefur margvísleg áhrif, m.a. á líkamlega og andlega líðan. Í gegnum íþróttastarf þroska iðkendur líka með sér margskonar eiginleika og færni eins og að takast á við sigra og töp, vinna í hópi, setja sér markmið, virða skoðanir og fara eftir reglum sem endurspeglast svo í framkomu og vinnusemi í skóla, vinnu og almennri þátttöku í samfélaginu.
En að spurningum framkvæmdastjóra Völsungs.
Sjálfstæðisflokkurinn er hlynntur því að mótuð verða stefna í íþrótta- og æskulýðsmálum. Afstaðan birtist meðal annars í því að fulltrúi flokksins lagði til á kjörtímabilinu sem er að ljúka að unnin yrði þarfagreining vegna uppbyggingar og viðhalds íþróttamannvirkja og að jafnframt setti sveitarfélagið sér stefnu varðandi íþrótta- og tómstundastarf og aðkomu sveitarfélagsins að því. (Sjá nánar í fundargerð sveitarstjórnar frá 19. febrúar 2019).
Tillagan var samþykkt samhljóða og unnin var þarfagreining sem markaði upphaf þessarar vinnu en líkt og kemur fram í metnaðarfullri og raunsærri stefnuskrá Sjálfstæðisflokksins viljum við hefja að nýju þessa vinnu og setja fram stefnu og aðgerðaáætlun um uppbyggingu á íþrótta- og tómstundaaðstöðu til framtíðar.
Áherslur okkar í íþrótta- og æskulýðsmálum koma skýrt fram í stefnuskrá okkar í eftirfarandi atriðum:
- Frístundastyrkur barna verði hækkaður í 30.000 kr. á kjörtímabilinu til að jafna tækifæri þeirra til þáttöku í íþrótta- og tómstundastarfi.
- Áfram unnið að uppbyggingu skíðasvæðis á Reyðarárhnjúk til samræmis við hönnun á svæðinu sem er í gangi. Tryggja þarf húsnæði undir vélar á svæðinu.
- Áfram verði stutt við starfsemi íþróttafélaga innan sveitarfélagsins.
- Á kjörtímabilinu verði lokið við betrumbætur á leikvöllum sveitarfélagsins með það til hliðsjónar að þeir verði betur tækjum búnir en þeim að sama skapi fækkað.
- Hafin verði að nýju þarfagreining fyrir íþrótta og tómstundaaðstöðu í sveitarfélaginu og sett fram stefna og aðgerðaáætlun um uppbyggingu á íþrótta- og tómstundaaðstöðu til framtíðar.
- Skipuð verður afmælisnefnd vegna 100 ára afmælis Völsungs 12. apríl 2027, sem mun safna saman hugmyndum, útfæra og gera tillögu að afmælisgjöf Norðurþings til félagsins.
Varðandi knattspyrnuvellina, rekstur og umhirðu þeirra, þá ber sveitarfélagið ábyrgð á öllum sínum eignum og ber að viðhalda þeim. Þann 2. maí sl. komst fjölskylduráð Norðurþings að þeirri niðurstöðu að sveitarfélagið sæi um rekstur knattspyrnuvallanna í sumar eftir samtal við Völsung. Unnið er að ráðningu starfsfólks til að sinna þeirri vinnu í sumar. Meðal verkefna verður að sjá til þess að daglegum rekstri vallarins verði sinnt, svosem sláttur og umhirða á grasi og hreinsun og tiltekt á útisvæði. Það á bæði við um vellina sjálfa og svæðið þar um kring. Það er hagur allra aðila að svæðið líti þannig út að sómi sé af og hægt sé að nýta svæðið í þeim tilgangi sem því var ætlað.
Við erum þeirrar skoðunar að gildi íþrótta í nútímasamfélagi er mikið. Að framansögðu má draga þá ályktun að þeim fjármunum sem varið er til íþróttastarfsins sé vel varið þar sem líkur eru á því að þeir skili sér til baka í bættri andlegri og líkamlegri heilsu.
Allir í gallana!
Hafrún Olgeirsdóttir
Oddviti D-lista
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Ætla Íslendingar að standa vörð um orkuauðlindir sínar?
Einhver myndi segja að sá bóndi er seldi frá sér allar bestu mjólkurkýrnar væri vitlaus maður. Utan ef tilgangurinn væri að pakka saman, hætta rekstri og selja hæstbjóðanda. -
Stefna flokksins í utanríkismálum
Grunnstef Lýðræðisflokksins er gott samstarf við Nato sem er varnarbandalag og hefur verið hornsteinn í utanríkisstefnu Íslands -
Reynsla mín af smíðakennslu á Akureyri. Aldarfjórðungur í baksýn.
Í Menntastefnu Akureyrarbæjar segir: „Verkviti er gert hátt undir höfði til þess að börn nái í síauknum mæli að tengja saman hug og hönd í skapandi umhverfi. Akureyrarbær hefur ríkan metnað til þess að í hverjum skóla starfi hæft og öflugt fólk og að eftirsóknarvert sé að starfa þar. Stuðningur skólayfirvalda við starfsþróun leikur þar stórt hlutverk“. Skipulag skóla gerir ráð fyrir samvinnu starfsfólks, sveigjanleika í skipulagi, teymiskennslu og samþættingu námsgreina“ (Menntastefna Akureyrarbæjar, 2020-2025). -
Örugg skref um allt land.
Heilbrigðiskerfið okkar er hjartað í því velferðarsamfélagi sem tekist hefur að byggja upp á Íslandi. Á yfir 40 fundum sem Samfylkingin bauð til um allt land til að ræða heilbrigðis- og öldrunarmál var ljóst að sinnuleysi og fyrirhyggjuskortur undanfarinna ríkisstjórna er að hola innan öryggistilfinningu fólks. Ekki síst í okkar kjördæmi þar sem vegalengdir eru langar, veður viðsjál og langt til Reykjavíkur. Að heilsugæslan neyðist til að reiða sig á íhlaupalækna til að bjarga vandanum tímabundið stoðar lítt. Það byggir ekki upp það traust og samfellu sem þarf til að fólk njóti þess margháttaða ávinnings sem rannsóknir hafa sýnt að fylgi því að hafa fastan heimilislækni. Enda settum við það sem okkar fyrsta heit í nýju framkvæmdaplani heilbrigðismála til tveggja kjörtímabila. Við erum tilbúin. -
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg.
