Stóra myndin – Norðurþing í forystu
Soffía Gísladóttir skrifar
Norðurþing er stórt sveitarfélag, samtals 3.732 km² og öflugt samfélag þéttbýlis og dreifbýlis. Við í Framsókn og félagshyggju, X-B, viljum að Norðurþing verði leiðandi afl í þingeyskri samvinnu sveitarfélaga og til þess að það megi gerast verðum við að horfa á stóru myndina. Ef við ætlum að byggja upp heilbrigð samfélög með virkri þátttöku allra þá verðum við að bera virðingu fyrir fjölbreytni. Allir hafa eitthvað fram að færa og innst inni vilja allir vera virkir þátttakendur í samfélaginu með því að leggja sitt af mörkum.
Tryggja þarf samráð
„Ekkert um okkur, án okkar“ er gott að hafa sem mottó í víðtækri samvinnu og uppbyggingu sveitarfélagsins. Við þurfum að hafa alla með, bera jafna virðingu fyrir öllum, hvar sem þeir búa innan samfélagsins og sama hvaða hópi þeir tilheyra. Við sem sveitarstjórnarfólk eigum að hlusta á raddir íbúa og fá sjónarmið þeirra í málefnum sem þá varða. Það eru gríðarlega ólíkir hagsmunir innan svo fjölbreytts sveitarfélags sem Norðurþing er og því mikilvægt að virkja sem flesta til að tryggja sem víðtækast samráð og samtal við ákvarðanatöku og stefnumótun. Þetta viljum við í Framsókn og félagshyggju gera með því að endurskoða fyrirkomulag hverfisráða, stofna fjölmenningarráð og auka samráð við ungmenna- og öldungaráð. Við ætlum okkur að efla íbúalýðræði með reglubundnum íbúafundum og bjóða upp á reglulega viðtalstíma við kjörna fulltrúa.
Verðmætir innviðir
Í Norðurþingi eru verðmætir innviðir sem nýta mætti betur. Dettifossvegur er orðinn að heilsársvegi og skiptir sú framkvæmd verulegu máli hvað varðar framtíðaruppbyggingu á austursvæði sveitarfélagsins. Því miður hefur Dettifossvegur ekki fengið þá vetrarþjónustu sem þarf til þess að halda veginum opnum og stendur það samfélaginu fyrir þrifum. Við í Framsókn og félagshyggju munum beita okkur fyrir því að Dettifossvegur verði opinn allt árið um kring og tryggja þannig nýtingu á þessum mikilvæga innviði. Húsavíkurflugvöllur er annar verðmætur innviður sem við í Norðurþingi verðum að standa vörð um. Kynna þarf betur þau tækifæri sem liggja í beinu flugi til Húsavíkur og beina þeirri umferð sem leið á til Norðurþings um þessa gátt.
Nýsköpun og atvinnuuppbygging
Horfa þarf til stærðar og fjölbreytileika sveitarfélagsins við atvinnuuppbyggingu. Við ætlum okkur að sækja fram í frumkvöðla- og nýsköpunarstarfi með því að koma á fót sóknarsjóði til eflingar atvinnuuppbyggingar sérstaklega í dreifðum byggðum Norðurþings. Einnig viljum við stuðla að stóraukinni skógrækt og umhverfisfegrun í sveitarfélaginu meðal annars með því að bjóða fyrirtækjum, félagasamtökum og einstaklingum að taka svæði í fóstur.
Kæri kjósandi, við í Framsókn og félagshyggju, X-B, óskum eftir þínum stuðningi næstkomandi laugardag, 14. maí og við hvetjum alla til að fara á kjörstað og nýta kosningarétt sinn. Þannig höfum við áhrif.
Höfundur er Soffía Gísladóttir sem skipar 2. Sæti á lista Framsóknar og félagshyggju í Norðurþingi.
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Ætla Íslendingar að standa vörð um orkuauðlindir sínar?
Einhver myndi segja að sá bóndi er seldi frá sér allar bestu mjólkurkýrnar væri vitlaus maður. Utan ef tilgangurinn væri að pakka saman, hætta rekstri og selja hæstbjóðanda. -
Stefna flokksins í utanríkismálum
Grunnstef Lýðræðisflokksins er gott samstarf við Nato sem er varnarbandalag og hefur verið hornsteinn í utanríkisstefnu Íslands -
Reynsla mín af smíðakennslu á Akureyri. Aldarfjórðungur í baksýn.
Í Menntastefnu Akureyrarbæjar segir: „Verkviti er gert hátt undir höfði til þess að börn nái í síauknum mæli að tengja saman hug og hönd í skapandi umhverfi. Akureyrarbær hefur ríkan metnað til þess að í hverjum skóla starfi hæft og öflugt fólk og að eftirsóknarvert sé að starfa þar. Stuðningur skólayfirvalda við starfsþróun leikur þar stórt hlutverk“. Skipulag skóla gerir ráð fyrir samvinnu starfsfólks, sveigjanleika í skipulagi, teymiskennslu og samþættingu námsgreina“ (Menntastefna Akureyrarbæjar, 2020-2025). -
Örugg skref um allt land.
Heilbrigðiskerfið okkar er hjartað í því velferðarsamfélagi sem tekist hefur að byggja upp á Íslandi. Á yfir 40 fundum sem Samfylkingin bauð til um allt land til að ræða heilbrigðis- og öldrunarmál var ljóst að sinnuleysi og fyrirhyggjuskortur undanfarinna ríkisstjórna er að hola innan öryggistilfinningu fólks. Ekki síst í okkar kjördæmi þar sem vegalengdir eru langar, veður viðsjál og langt til Reykjavíkur. Að heilsugæslan neyðist til að reiða sig á íhlaupalækna til að bjarga vandanum tímabundið stoðar lítt. Það byggir ekki upp það traust og samfellu sem þarf til að fólk njóti þess margháttaða ávinnings sem rannsóknir hafa sýnt að fylgi því að hafa fastan heimilislækni. Enda settum við það sem okkar fyrsta heit í nýju framkvæmdaplani heilbrigðismála til tveggja kjörtímabila. Við erum tilbúin. -
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg.
