4. sept - 11. sept - Tbl 36
Stjórn Norðurorku telur gildandi gjaldskrá Reykjaveitu sem sér m.a. Grýtubakkahreppi fyrir heitu vatni eðlilega
Frá Grenivík Mynd grenivik.is
Stjórn Norðurorku telur gildandi gjaldskrá Reykjaveitu sem sér m.a. Grýtubakkahreppi fyrir heitu vatni eðlilega miðað við fyrirliggjandi forsendur. Mikilvægt sé að afkoma veitunnar standi undir rekstri og viðhaldskostnaði til framtíðar. Gjaldskrá Reykjaveitu hefur í tvígang verið hækkuð mun minna en hitaveitan á Akureyri, auk þess sem hún hefur fylgt verðlagi í samræmi við það fyrirkomulag sem lá fyrir við stofnun veitunnar.
Sveitarstjórn Grýtubakkahrepps fór á liðnum vetri fram á að gjaldskrá Reykjaveitu yrði lækkuð og að verðmunur á milli íbúa á Akureyri og í Grýtubakkahreppi yrði ekki meiri en 30% í upphafi árs 2026. Gjaldskráin er um þessar mundir um 60% hærri en sú sem notendur aðalveitunnar greiða, m.a. Akureyringar. Orkukostnaður íbúa í Grýtubakkahreppi er sá þriðji hæsti á landinu samkvæmt skýrslu Byggðastofnunar um húshitunarkostnað.
Stjórn Norðurorku hefur fjallað um erindi sveitarstjórnar Grýtubakkahrepps varðandi lækkun verðskrár og segir í bókun að samkvæmt samkomulagi um lagningu Reykjaveitu frá árinu 2006 sé kveðið á um að gjaldskrá skuli taka breytingum í samræmi við breytingar á vísitölu neysluverðs. Það hafi gengið eftir en þróunin frekar verið undir verðlagsþróun, ef eitthvað er. Einnig sé gert ráð fyrir sama fastagjaldi og er í gildi á Akureyri og það gengið eftir.
Niðurgreiðslur á rafmagni hafa aukist mikið
Í erindi Grýtubakkahrepps segir að grunnforsenda fyrir lagningu Reykjaveitu hafi verið að húshitunarkostnaður yrði lægri en við rafmagnskyndingu. Það sé með öllu óeðlilegt og verulega ósanngjarnt að hitaveitan sé um 17% hærri en rafmagnskynding. „Mikilvægt er að horfa til þess að niðurgreiðslur rafmagns til húshitunar voru allt aðrar á árunum 2005/2006 en þær eru nú,“ segir í bókun stjórnar Norðurorku. Þær hafi á liðnum árum, hækkað um 28% umfram verðlag á tímabilinu frá því samkomulag var gert um lagningu Reykjaveitu. Ánægjulegt sé að tekist hafi að jafna húshitunarkostnað á landinu líkt og að var stefnt en um leið verður samanburður hitaveitna við niðurgreidda rafmagnshitun heitaveitum í óhag í einhverjum tilvikum.
Nýjast
-
Miklar endurbætur á gömlu heimavist Þelamerkurskóla í gangi
Miklar framkvæmdir hafa verið í gangi í Hörgársveit undanfarin misseri sem miða að því að styrkja innviði sveitarfélags þar sem íbúafjölgun hefur verið mikil hin síðari ár. Gagngerar endurbætur standa yfir á gamla heimavistarhúsnæði Þelamerkurskóla og var nú við upphaf skólaárs tekið í notkun nýtt rými þar fyrir unglingadeild skólans. Áður eða í fyrrahaust var enn ein nýja byggingin tekin í notkun við Heilsuleikskólann Álfastein. Þar var horft til framtíðar, pláss er fyrir 90 börn en þau eru kringum 70 um þessar mundir. Stærstu vinnustaðir sveitarfélagsins eru í leik- og grunnskólanum, en þar eru starfsmenn nú samtals 51. Í Hörgársveit búa nú 866 íbúar og er að því stefnt að þeir verði 1001 í það minnsta um mitt ár 2026. -
Umhverfisvænni kostir fundust ekki fyrir nýjan ferlibíl
Leitað verður eftir nýjum ferlibíl fyrir Strætisvagna Akureyrar sem gengur fyrir dísel orkjugjafa og uppfyllir að lágmarki Euro 6 mengunarstaðal. Ekki fundust aðrir umhverfisvænni kostir segir í bókun umhverfis- og mannvirkjaráðs. -
Fataslá sett upp í MA - Kaupum sjaldnar, kaupum notað
Nú má finna fataskiptislá framan við bókasafn Menntaskólans á Akureyri. Fólki er frjálst að koma með fatnað og/eða taka af sláni eftir því hvað hentar hverju sinni. Í tilkynningu frá umhverfisnefnd skólas segir að textíliðnaðurinn sé einn sá umfangsmesti í heimi og að honum fylgi gríðarleg mengun og umhverfisspjöll. -
Nýtt stjórnsýsluhús á Laugum tilbúið
Í dag var merkilegur áfangi í sögu Þingeyjarsveitar þegar nýtt stjórnsýsluhús á Laugum var formlega tilbúið. Ragnheiður Jóna Ingimarsdóttir, sveitarstjóri fékk lyklana afhenta við óformlega athöfn í haust blíðunni. Húsið mun hýsa skrifstofu sveitarfélagsins og þar verða einnig rými sem fyrirtæki, stofnanir og einyrkjar geta nýtt sér. Vonast er til þess að húsið verði iðandi af lífi, suðupottur hugmynda og verkefna þar sem allir eru velkomnir -
Grýtubakkahreppur, Norðurþing og Þingeyjarsveit - Ekki innheimt gjald fyrir ávexti
Ekki verður innheimt gjald fyrir þjónustu mötuneytis Grenivíkurskóla við nemendur skólans fá og með haustinu 2024. Allur matur sem börnin fá í skólanum, morgunmatur, hádegisverður, ávextir eða annað er gjaldfrjáls. Áður var innheimt eitt gjald fyrir allan mat. -
Síðuskóli 40 ára
Eins og fram hefur komið var því fagnað í gær að þá voru 40 liðin frá þvi að Síðuskóli á Akureyri tók til starfa. -
Áætlað að slátra um 88 þúsund fjár á Húsavík
Sláturtíð hófst hjá Kjarnafæði Norðlenska á Húsavík í fyrradag. Áætlað er að hún standi yfir til loka október, ljúki 31. þess mánaðar og á þeim tíma er gert ráð fyrir að slátra á bilinu 87.500 til 88.000 fjár. -
Ekkert ferðaveður á Mývatnsöræfum
Lögreglan á Norðurlandi eystra segir á Facebooksíðu embættisins frá illviðri á Mývatnsöræfum og er færslan svohljóðandi: ,,Lögreglunni á Norðurlandi Eystra voru að berast upplýsingar um mjög slæmt verður á Mývatnsöræfum. Sandstormur og ofsarok. Malbik er að flettast af veginum vestan við Jökulsá á Fjöllum við Grímsstaði. Ökumenn hafa leitað vars með bíla sína á aðeins skjólsælli stöðum. Lögreglumenn sem fóru um svæðið fyrir skammri stundu óskuðu þess að vegfarendur yrðu upplýstir með þessar aðstæður ef nokkur kostur væri. Vegagerðin er einnig að setja inn viðvörun um hættulegar aðstæður á veginum vegna veðurs, á sinn vef í þessum töluðu orðum. Látið endilega vini og kunningja vita ef þið vitið af ferðum fólks þarna efra. Bíðið af ykkur veðrið og fylgist með veðurspá og færð.” -
Sólin skín og vindur blæs
Það er óhætt að segja sem svo að það blási ansi hressilega hér i bæ enda hefur samkvæmt mælum Veðurstofu Íslands vindhraðinn slegið í 27 metra hér í kviðum og þó aðeins hafi lægt s.l. klukkustundina eru enn 10 metrar á klst og fer i 20 metra í kviðum.
Athugasemdir