20. nóvember - 27. nóvember - Tbl 47
Sterkt bakland er lykilatriði
Björn Snæbjörnsson.
Nýliðið ár var þjóðarbúinu um margt hagstætt, sé litið á ýmsar opinberar og viðurkenndar hagtölur. Samkvæmt hagspá ASÍ má vænta áframhaldandi hagvaxtar, þótt eitthvað hægi á vextinum. Lendingin ætti engu að síður að verða tiltölulega mjúk. Þega við metum stöðuna getum með öðrum orðum litið nokkuð björtum augum til framtíðar. Kjarasamningar þorra launafólks eru nú lausir og þessar jákvæðu hagtölur hljóta að vega þungt í kjaraviðræðunum.
Sanngjarnar og raunhæfar kröfur
Verkalýðshreyfingin hefur ítrekað bent á að skattbyrði launafólks hefur aukist verulega, mest hjá þeim sem eru með lægstu tekjurnar. Slíkt hefur neikvæð áhrif á lífskjör og stöðugleika.
Allir eiga að búa við atvinnu- og afkomuöryggi og öflugt velferðarkerfi sem fjármagnað er með réttlátu skattkerfi.
Aðalkrafa verkalýðshreyfingarinnar í kjaraviðræðunum er að launafólk geti framfleytt sér af dagvinnulaunum og að þau mæti opinberum framfærsluviðmiðum. T.d. gerir Starfsgreinasambands Íslands kröfu um að lágmarkslaun verði orðin 425 þúsund krónur á mánuði í lok samningstímans, skattkerfinu verði breytt þannig að láglaunafólk þurfi ekki að bera þyngstu byrðarnar og að bráður húsnæðisvandi verði leystur.
Verkalýðshreyfingin undirbjó kröfur sínar af kostgæfni og telur þær raunhæfar og sanngjarnar. Það fer ekki allt á hliðina þótt samið verði á þessum nótum.
Samráð við félagsmenn um mótun kröfugerðar
Við mótun kröfugerðarinnar skipti höfuðmáli að ná til sem flestra. Eining-Iðja kappkostaði að kalla eftir áliti sem flestra félagsmanna við undirbúning kröfugerðarinnar og efnt var til fjölda funda á öllu félagssvæðinu, þar sem rætt var um hvaða þætti félagið ætti að leggja áherslu á í kjaraviðræðunum.
Gerðar voru viðamiklar skoðanakannanir til þess að fá glögga mynd af viðhorfi félagsmanna. Í lögum Einingar-Iðjur er einmitt tekið fram að tilgangur Einingar-Iðju sé að sameina allt launafólk sem starfar á félagssvæðinu, vinna að sameiginlegum hagsmunamálum félagsmanna, svo sem með því að semja um kaup og kjör, bættan aðbúnað við vinnu og gæta þess að ekki sé gengið á rétt félagsmanna.
Fjórðungur býr í leiguhúsnæði
Verkalýðshreyfingin leggur þunga áherslu á að stórátak verði gert í húsnæðismálum. Samkvæmt könnun Gallup búa tæp 24% félagsmanna í Einingu-Iðju í leiguhúsnæði og 13% í foreldrahúsum.
Húsnæðisvandi þeirra tekjulægstu er gríðarlegur og hið opinbera verður að stórbæta réttarstöðu þeirra sem leigja húsnæði og sömuleiðis þarf að styðja við fólk sem vill eignast húsnæði.
Verkalýðshreyfingin hefur haft frumkvæði að mótun og endurreisn félagslegs leiguíbúðakerfis og beitt sér fyrir því að byggt verði upp varanlegt og traust kerfi. Bjarg íbúðafélag var stofnað í lok árs 2016 og er félagið rekið án hagnaðarmarkmiða. Stefnt er að því að á Akureyri verði á næstu misserum byggðar 75 íbúðir á vegum félagsins.
Eining-Iðja mun áfram leggja sín lóð á vogarskálarnar, þannig að þetta brýna hagsmunamál verði að veruleika, enda styðja langflestir félagsmanna Einingar-Iðju aðkomu verkalýðshreyfingarinnar að byggingu leiguíbúða.
Ánægja með félagið
Samkvæmt nýrri viðhorfs-og kjarakönnun sem Gallup gerði fyrir Einingu-Iðju kemur glögglega í ljós að félagsmenn eru ánægðir með þjónustu félagsins. 95,5% sögðust vera „sáttir“ eða „hvorki né,“ þegar spurt var hvort viðkomandi væri sáttur eða ósáttur við félagið þegar á heildina væri litið. 72% félagsmanna sögðust vera „ánægðir“ og 23% „hvorki né.“
Þessi niðurstaða er sérlega ánægjuleg, þar sem á síðasta ári var fagnað 100 ára sögu verkalýðshreyfingar á Eyjafjarðarsvæðinu. Eining-Iðja stendur vel á þessum tímamótum og innviðir þess eru sterkir.
Þökk sé félagsmönnunum.
Afstaða félagsmanna til hugsanlegs verkfalls
Stíf fundahöld eru framundan við samningaborðið og þá skiptir miklu máli að fulltrúar launþega hafi sterkt bakland. Samkvæmt fyrrgreindri könnun sem Gallup gerði fyrir félagið, segjast 64% „líklega“ vera tilbúin(n) að fara í verkfall til að knýja á um bætt kjör. 17% svöruðu „hvorki né“ og 18% „ólíklegt.“
Kröfur verkalýðshreyfingarinnar eru sanngjarnar og raunhæfar og við vitum mæta vel að samstaða skilar árangri. Félagsmenn í Einingu-Iðju og aðrir landsmenn. Bestu óskir um um gleðilegt ár með þökkum fyrir góða samvinnu á fyrri árum.
-Björn Snæbjörnsson formaður Einingar-Iðju og Starfsgreinasambands Íslands
Nýjast
-
Reynsla mín af smíðakennslu á Akureyri. Aldarfjórðungur í baksýn.
Í Menntastefnu Akureyrarbæjar segir: „Verkviti er gert hátt undir höfði til þess að börn nái í síauknum mæli að tengja saman hug og hönd í skapandi umhverfi. Akureyrarbær hefur ríkan metnað til þess að í hverjum skóla starfi hæft og öflugt fólk og að eftirsóknarvert sé að starfa þar. Stuðningur skólayfirvalda við starfsþróun leikur þar stórt hlutverk“. Skipulag skóla gerir ráð fyrir samvinnu starfsfólks, sveigjanleika í skipulagi, teymiskennslu og samþættingu námsgreina“ (Menntastefna Akureyrarbæjar, 2020-2025). -
Örugg skref um allt land.
Heilbrigðiskerfið okkar er hjartað í því velferðarsamfélagi sem tekist hefur að byggja upp á Íslandi. Á yfir 40 fundum sem Samfylkingin bauð til um allt land til að ræða heilbrigðis- og öldrunarmál var ljóst að sinnuleysi og fyrirhyggjuskortur undanfarinna ríkisstjórna er að hola innan öryggistilfinningu fólks. Ekki síst í okkar kjördæmi þar sem vegalengdir eru langar, veður viðsjál og langt til Reykjavíkur. Að heilsugæslan neyðist til að reiða sig á íhlaupalækna til að bjarga vandanum tímabundið stoðar lítt. Það byggir ekki upp það traust og samfellu sem þarf til að fólk njóti þess margháttaða ávinnings sem rannsóknir hafa sýnt að fylgi því að hafa fastan heimilislækni. Enda settum við það sem okkar fyrsta heit í nýju framkvæmdaplani heilbrigðismála til tveggja kjörtímabila. Við erum tilbúin. -
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Svik við launafólk: Loforð um samráð brotin með gegndarlausum gjaldskrárhækkunum
Anna Júlíusdóttir formaður Einingar Iðju skrifar bréf til bæjarstjórnar Akureyrar í dag sem birt er að heimasíðu félagsins, það lætur hún í ljós mikla óánægju með boðaðar hækkanir hjá hinum ýmsu fyrirtækjum og stofnunum bæjarins og er óhætt að segja að Önnu sé misboðið. „Við erum tilbúin til uppbyggilegs samtals,“ sögðum við í júlí þegar bæjaryfirvöld á Akureyri boðuðu breytingar á gjaldskrám. Við fögnuðum loforðum um samráð, um víðtækt samtal við hagsmunaaðila og um reglulegt endurmatsferli þar sem allir kæmu að borðinu. Nú aðeins fjórum mánuðum síðar stendur eftir sársaukafullt svik á trausti launafólks. Í stað samtals og samráðs virðast vera að raungerast víðtækar gjaldskrárhækkanir sem eru hrein árás á kaupmátt launafólks. -
Vegamálin liggja þungt á Grímseyingum
Vegamál liggja þungt á heimamönnum í Grímsey. Bundið slitlag var sett á götur þar árið 1994 og aftur árið 2014, en þá var verkið ekki klárað almennilega, „því það mátti bara setja á ákveðið marga kílómetra,“ eins og það er orðað í bókun hverfisnefndar. -
Gripmælar, róbótar og ratleikur á Opnum degi Um 300 framhaldsskólanemendur lögðu leið sína í Háskólann á Akureyri
Stuðið var gífurlegt á dögunum þegar um 300 framhaldsskólanemendur heimsóttu Háskólann á Akureyri á Opnum degi. Skólinn hefur gert þetta í mörg ár í góðu samstarfi við náms- og starfsráðgjafa í framhaldsskólum á norðaustursvæðinu. -
Óska eftir frambjóðendum sem eru tilbúnir í alvöru breytingar!
Ég óska eftir breytingum svo að ég og allir aðrir menntaðir Heilsunuddarar viti hvað við eigum að kjósa í komandi alþingiskosningum. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin.
