Stefnumótun, sérstaða sjúkrahússins á Akureyri
Á nýliðnu landsþingi Miðflokksins var fest í sessi sú stefna að styrkja eigi sjúkrahúsið á Akureyri (SAk) til þess að veita sérfræðiþjónustu enda er það annað af tveimur háskólasjúkrahúsum landsins, það dregur úr álagi og kostnaði, t.d. með minni ferðakostnaði sjúklinga og fjölskyldna þeirra og með því er verið að tryggja heilbrigðisþjónustu um allt land.
Sjúkrahúsið á Akureyri er skilgreint sem sérhæft sjúkrahús líkt og Landspítali (LSH) þess vegna er mikilvægt að sýna það í verki. Í fjármálaáætlun ríkisstjórnarinnar sem birtist nýverið má lesa að hún er skrifuð fyrst og fremst með þarfir höfuðborgarsvæðisins í huga. Greinilegt er að LSH mun soga til sín frekari fjármuni á komandi árum og það er umhugsunarvert að ekki er tekið tillit til þess í fjármálaáætluninni að aukning er einnig á starfsemi bráðamóttöku, bráðalegudeilda og stoðdeilda sjúkrahússins á Akureyri og þjónusta göngudeilda er ört vaxandi. Eins og þetta birtist er ljóst að fjárveitingar sem ætlaðar eru til sjúkrahússins á Akureyri duga engan veginn og hættan er sú að öll þjónusta við landsmenn endi á suðvesturhorninu og þá sérstaklega á ofhlöðnum Landspítala með tilheyrandi álagi, ferðalögum og óhagræði fyrir alla.
Heilbrigðisráðherra hefur boðað að þverpólitísk heilbrigðisáætlun líti dagsins ljós, áætlunin átti að koma fram í febrúar sl. en ekkert bólar á henni enn og í skýrslu ríkisendurskoðunar um Sjúkratryggingar Íslands sem kaupanda að heilbrigðisþjónustu kom fram að sérfræðiþjónusta sé ófullnægjandi. Það eitt og sér er sláandi staðreynd. Rammasamningur við sérfræðilækna virðist virka betur fyrir þá sem eru á höfuðborgarsvæðinu en fyrir þá sem starfa utan þess.
Í stjórnarsáttmála ríkisstjórnarinnar sagði að geðheilbrigðisáætlun til 2020 verði hrint í framkvæmd og hún fjármögnuð. Geðheilbrigðisþjónusta á heilsugæslustöðvum og sjúkrahúsum úti um land verði efld og bráða- og barna- og unglingageðdeildum Landspítalans verði tryggt fjármagn til að standa undir rekstri þeirra. Ekkert er minnst á þjónustu sjúkrahússins á Akureyri í þessu sambandi. Ekki er vikið einu orði að BUG-teymi, sem er þverfaglegt teymi sem sinnir fjölþættum og alvarlegum vanda barna á Akureyri og í nágrenni Akureyrar.
Þá aftur að fjármálaáætluninni, talað er um að tekið verði á geðsjúkdómum með fjölþættum aðgerðum og það um allt land. Ef skoðað er áfram inn í áætlunina má sjá að styrkja á göngudeildarþjónustu BUGL í Reykjavík um 1 milljarð. Fjármunir eru m.a. ætlaðir í að fjölga starfsfólki við BUGL. Ekki er vikið einu orði að hvernig styrkja á þjónustu sem BUG teymið á Akureyri veitir.
Sjúkrahúsið á Akureyri sinnir mikilvægu hlutverki, sérstaða þess kemur hvað best fram í þeirri sérfræðiþekkingu sem þar er að finna. En það þarf að halda vel á spilunum, það þarf skýra pólitíska stefnumótun í verki. Því miður virðist það skorta hjá ríkisstjórninni. Það sést best í stjórnarsáttmálanum og í fjármálaáætluninni.
-Anna Kolbrún Árnadóttir, 2. varaformaður og þingmaður Miðflokksins í NA – kjördæmi.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
