Starfsleyfi til fiskþurrkunar á Laugum í Reykjadal framlengt um hálft ár
„Fiskþurrkun Samherja að Laugum er fjölmennur vinnustaður í sveitarfélaginu og lýsir sveitarstjórn þungum áhyggjum af stöðu mála, þar sem óljóst er um framtíð starfanna,“ segir í bókun sem Jóna Björg Hlöðversdóttir lagði fram á fundi sveitarstjórnar Þingeyjarsveitar. Þurrkun fiskafurða á Laugum var þar til umræðu.
Sveitarfélagið hefur fylgst grannt með stöðu mála eða frá því Heilbrigðisnefnd Norðurlands eystra gaf út starfsleyfi til eins árs haustið 2023 vegna heitaloftsþurrkunar fiskafurða á staðnum. Auknar kröfur hafa verið gerðar til mengunarvara og vöktunar en vinnslan er á vatnsverndarsvæði Laxár og Mvatns.
Byggðarráð fundaði með fulltrúum Samherja í mars síðastliðnum þar sem farið var yfir starfsemina á Laugum og stöðuna vegna þessara auknu krafna. Sveitarstjórn var jafnframt upplýst nú í september á fundi með fulltrúum Samherja um að sótt hefði verið um sex mánaða framlengingu á starfsleyfi til að skapa aukið svigrúm til að bregðast við auknum kröfum.
Kostnaðarsamt að uppfylla kröfur og óvíst að þær skili árangri
Gestur Geirsson framkvæmdastjóri landsvinnslu Samherja segir að starfsleyfi sem átti að renna út 15. nóvember næstkomandi hafi verið framlengt og gildi fram á vor, til 15. maí 2025. „Kröfur sem gerðar eru til starfseminnar hafa aukist sem er eðlilegt þar sem hún fer fram á verndarsvæði Laxár og Mývatns. Það er afskaplega kostnaðarsamt að uppfylla allar kröfur sem gerðar eru en að sem setur strik í reikninginn er að þó það verði gert er engin trygging fyrir hendi að lausnin sé fullkomin. Það hefur einmitt sýnt sig á öðrum stöðum sem eru að úrbætur skila ekki endilega árangri,“ segir Gestur.
Tíminn í vetur verður nýttur til að fara yfir málið. „Við fáum svigrúm til að kanna allar mögulegar leiðir sem færar eru og velta fyrir okkur hvernig best er að bregðast við, “ segir hann. Um 20 manns starfa hjá Fiskþurrkun Samherja á Laugum, sem er einn af fjölmennari vinnustöðum sveitarfélagsins. Fram kemur í bókun meirihlutans að íbúar verði upplýstir um framvindu málsins og boðað verði til íbúafundar verði þörf á því. „Mikilvægt er að tryggja störf á svæðinu og mun sveitarfélagið nú sem áður vinna að því.“
Nýjast
-
Veður- og sólfar sem og skaðvaldar geta ráðið hve mikil haustlitadýrðin er
„Haustlitir á birki virðast koma hægt þetta árið og getur bæði spilað inn í faraldur skaðvalda og svalt sumar,“ segir Pétur Halldórsson kynningarstjóri Lands og skóga. Birki á svæðinu er illa útleikið eftir tvo nýlega skaðvalda sem herjuðu sérstaklega illa á það hér um slóðir í sumar. -
Gleymum ekki fólkinu á Gaza
Í dag laugardag eru ráðgerðir viðburðir um allan heim til að minnast þess og mótmæla að þjóðarmorð hafa átt sér stað á G A Z A í heilt ár. -
Viðamiklar framkvæmdir í Hrafnagilshverfi
Viðamiklar framkvæmdir hafa staðið yfir undanfarnar vikur í Hrafnagilshverfi í Eyjafjarðarsveit þar sem breyta þurfti lagnaleiðum, koma fyrir nýjum lögnum/strengjum, afleggja og endurnýja eftir þörfum í nokkuð flókinni framkvæmd þar sem samræma hefur þurft vinnu nokkurs fjölda veitu- og fjarskiptafyrirtækja. -
Nemendur í vélstjórn komust í feitt
Heimasíða Samherja segir frá því að nemendum í vélstjórn við Verkmenntaskólann á Akureyri gafst nýverið kostur á að fylgjast með endurbótum á sveifarási frystitogarans Snæfells EA, sem er í eigu Samherja. Um er að ræða sérhæft verkefni, sem krefst mikillar nákvæmni og voru erlendir sérfræðingar fengnir til landsins í tengslum við vélarupptekt og slípun á sveifarási. -
Snýr aftur í heimahagana
Gabríel Ingimarsson snýr aftur í heimahagana og tekur við stöðu rekstrarstjóra Hríseyjarbúðarinnar eftir nokkurra ára fjarveru með viðkomu í Reykjavík, Laugum í Reykjadal og Brussel. -
Zontaklúbburinn Þórunn hyrna heldur afmælishóf og listaverkauppboð - Helena Eyjólfsdóttir heiðruð fyrir 40 ára starf fyrir klúbbinn
„Starf Zontaklúbbsins Þórunnar hyrnu er í nokkuð föstum skorðum. Við hittumst einu sinni í mánuði frá september og fram í maí á fundum þar sem tekin eru fyrir málefni sem tengjast Zontastarfinu, við njótum þess að vera saman og gleðjast, það er alltaf mikil gleði sem fylgir okkar samveru,“ segir Sesselja Sigurðardóttir talsmaður Zontaklúbbsins Þórunnar hyrnu og fyrrverandi svæðisstjóri Zonta á Íslandi. Klúbburinn heldur upp á 40 ára afmæli sitt í Deiglunni næstkomandi laugardag, 5. október kl. 15. Þar verður afmælisboð og efnt til listaverkauppboðs. Bæjarbúum er boðið að koma og fagna með Zontakonum. -
Góð gjöf Hollvina SAk
Hollvinir komu á dögunum færandi hendi með nýjar speglunarstæður á skurðstofur. Þeir létu nú ekki þar við liggja og færðu speglunardeild þvottavélar til handa speglunartækjum. -
Starfsleyfi til fiskþurrkunar á Laugum í Reykjadal framlengt um hálft ár
„Fiskþurrkun Samherja að Laugum er fjölmennur vinnustaður í sveitarfélaginu og lýsir sveitarstjórn þungum áhyggjum af stöðu mála, þar sem óljóst er um framtíð starfanna,“ segir í bókun sem Jóna Björg Hlöðversdóttir lagði fram á fundi sveitarstjórnar Þingeyjarsveitar. Þurrkun fiskafurða á Laugum var þar til umræðu. -
Bakþankar bæjarfulltrúa Að skipta um skoðun
Hafið smá þolinmæði með mér. Mig langar til að byrja á lítilli sögu af þeim skáldbræðrum og vinum, skáldinu á Sandi, Guðmundi Friðjónssyni, og þjóðskáldinu, Matthíasi Jochumssyni. Eitt sinn sem oftar leit Guðmundur við hjá vini sínum á Sigurhæðum. Þeir höfðu um margt að spjalla, báðir skrafhreifnir og áhugasamir um menn og málefni. Loks kemur þó að kveðjustund og þar sem þeir eru komnir út á tröppu spyr Guðmundur skyndilega: „Geturðu sagt mér, Sigurhæðabúi, hvernig ég muni geta haldið mér andlega ungum til æviloka?“ Matthías svaraði samstundis: „Það get ég sagt þér, minn elskulegi, með því að skipta oft um skoðun.“
