Standa vörð um barnafjölskyldur og tekjulægri hópa
Fjárhagsáætlun Akureyrarbæjar fyrir árið 2024 var lögð fram í bæjarstjórn þriðjudaginn 31. október. Heimir Örn Árnason, formaður bæjarráðs, kynnti áætlunina og sagði meðal annars að sveitarfélagið stæði frammi fyrir miklum áskorunum þar sem umtalsverð óvissa ríkti í efnahagsmálum landsins og ástandið í heimsmálunum flækti einnig myndina. Megináhersla væri lögð á að standa vörð um hagsmuni barnafjölskyldna, tekjulægri hópa og eldri borgara, ásamt því að leggja áherslu á lýðheilsu bæjarbúa með bættri aðstöðu og metnaðarfullri lýðheilsustefnu.
„Við komum til móts við barnafjölskyldur með tekjutengdum leikskóla- og frístundagjöldum. Einnig bjóðum við upp á sex gjaldfrjálsar klukkustundir sem er tilraunaverkefni en lagt verður mat á kosti þess og galla a.m.k. tvisvar sinnum á árinu 2024,“ sagði Heimir Örn.
Í áætluninni er gert ráð fyrir að rekstrarafkoma A- og B-hluta samstæðunnar verði jákvæð um 530 milljónir eftir fjármagnsliði og tekjuskatt. Til A-hluta telst starfsemi sem að hluta eða öllu leyti er fjármögnuð með skatttekjum en um 66% útgjalda í A-hluta eru vegna fræðslu- og uppeldismála og félagsþjónustu. Fjárhagslega sjálfstæð fyrirtæki sem eru að hálfu eða meirihluta í eigu sveitarfélagsins falla hins vegar undir B-hluta en þar er til að mynda átt við Hafnarsamlag Norðurlands, Norðurorku, bifreiðastæðasjóð, Hlíðarfjall og félagslegar íbúðir. Jákvæð niðurstaða reksturs B-hluta vegur upp á móti kostnaði við A-hlutann og því er heildarniðurstaðan jákvæð um 530 milljónir króna.
Framkvæmdir ársins 2024 eru áætlaðar alls rúmir 5,3 milljarðar króna sem skiptast nokkuð jafnt milli A- og B-hluta. Framkvæmt verður fyrir um 565 milljónir króna í skóla- og fræðslumálum og 943 milljónir í málaflokki æskulýðs- og íþróttamála. Í eignasjóði gatna er gert ráð fyrir ríflega 1,2 milljarði króna í framkvæmdir en áætluð gatnagerðargjöld ársins sem koma til lækkunar verða um 800 milljónir króna. Eins og áður eru helstu framkvæmdir B-hluta fyrirtækja hjá Norðurorku um 1,9 milljarða og hjá Hafnasamlagi Norðurlands um 429 milljónir króna.
"Rekstur sveitarfélagsins er viðamikill og á köflum þungur þrátt fyrir gríðarlegt aðhald á öllum sviðum. Það eru blikur eru á lofti í efnahagsmálum þjóðarinnar og töluverð óvissa um útlitið fyrir árið 2024 en við gerum það sem við getum til að verja hagsmuni barnafjölskyldna og þeirra sem minna mega sín. Rekstrarafkoma samstæðunnar er áætluð jákvæð um 530 milljónir sem hlýtur að teljast viðunandi í þessu árferði,“ segir Ásthildur Sturludóttir, bæjarstjóri á Akureyri.
Þetta kemur fram á vefsíðu Akureyrarbæjar
Nýjast
-
Fjármagn í hugmyndavinnu við 50 metra innilaug áætluð árið 2028
Ellert Örn Erlingsson forstöðumaður íþróttamála hjá Akureyrarbæ segir að í framkvæmdaáætlun Akureyrarbæjar sé gert ráð fyrir fjármagni árið 2028 til að fara í formlega vinnu við að skoða möguleika og hugmyndir um 50 metra innisundlaug á Akureyri. „Það verður spennandi og skemmtilegt verkefni,“ segir hann. Um tíðina hafi af og til verið umræður við og innan Akureyrarbæjar um hugmyndir um nýja 50 metra innisundlaug. -
Sálfræðingur með merkan feril í Fantasy Premier League að baki
Vísindafólkið okkar — Árni Gunnar Ásgeirsson Vísindafólkið okkar er mánaðarleg kynning á vísindafólkinu okkar. Árni Gunnar Ásgeirsson, deildarforseti Sálfræðideildar, er vísindamanneskjan í október. -
Gleðilega töfrandi kosningabaráttu
Snörp og spennandi kosningabarátta er að hefjast og eru stjórnmálaflokkar í óðaönn að draga fram helstu stefnur og forgangsmál. Ýmislegt bendir til þess, eins og oft áður, að komandi kosningar muni að þónokkru leyti snúast um efnahagsmál og fjármál heimila og fyrirtækja. Verðbólga og vextir bíta fast og fólk vill svör um framtíðina. Eðlilega. -
Geðverndarfélag Akureyrar fagnar 50 ára afmæli
„Geðverndarfélag Akureyrar hefur ekki verið mjög áberandi undanfarin ár, en á sér engu að síður merka sögu og hefur staðið fyrir mikilvægum framförum í geðheilbrigðismálum í bænum og ýmislegt sem til bóta er í þessum viðkvæma málaflokki,“ segir Valdís Eyja Pálsdóttir formaður Geðverndarfélags Akureyrar. Félagið var stofnað 15. desember árið 1974 og verður því 50 ára gamalt innan tíðar. Haldið verður upp á tímamótin næstkomandi laugardag. -
Verðandi sjávarútvegsfræðingar kynna sér starfsemi Samherja til sjós og lands
Hátt í fjörutíu nemendur í sjávarútvegsfræðum við Háskólann á Akureyri hafa á undanförnum dögum heimsótt skip og landvinnslu Samherja. Nemendur auðlindadeildar skólans hafa um langt árabil átt þess kost að skoða og kynnast starfsemi félagsins, sem hluta námsins. Magnús Víðisson brautarstjóri segir afar mikilvægt að öflug sjávarútvegsfyrirtæki séu starfandi í námunda við skólann, sem geri nemendum kleift að kynnast betur sjávarútvegi og haftengdri starfsemi. -
Aðeins fleira fé slátrað þetta haustið miðað við í fyrra
„Heilt yfir hefur gengið mjög vel, auðvitað hafa rafmagnstruflanir, nettruflanir, veðurtruflanir og ýmislegt af því tagi, stungið sér niður hjá okkur, en sem betur fer gekk allt upp að lokum,“ segir Sigmundur Hreiðarsson framleiðslustjóri Kjarnafæði Norðlenska á sláturhúsinu á Húsavík. -
Að þora að vera hræddur
Nú haustar og í haustmyrkrinu leynast oft myrkraverur og alls konar furðuleg fyrirbæri sem skjóta okkur stundum skelk í bringu. Flest tengjast þau reyndar hrekkjavöku og ýmiskonar skálduðum hryllingi þannig að það er lítið mál að sýna hugrekki og láta sem ekkert sé. Eða hvað, erum við kannski hræddari en við sýnumst, og hvenær erum við annars hugrökk? -
Ferðast landa á milli til að taka þátt í lotu Viðskiptadeildar
Í þarsíðustu viku var lota hjá Viðskiptadeild og þá gafst stúdentum tækifæri á að hitta kennara, samstúdenta og annað starfsfólk Háskólans. Þannig tengjast þeir betur innbyrðis og í lotum er horfið frá hefðbundinni kennslu, til dæmis með því að bjóða gestum úr atvinnulífinu að vera með innlegg í námskeiðum. -
Gefur lífinu aukalit og við hefðum alls ekki viljað missa af honum
„Rúben hefur verið okkur dýrmætur kennari í lífinu og gefið því fallegan auka lit. Við hefðum alls ekki vilja missa af honum,“ segir Arnheiður Gísladóttir móðir Rúbens Þeys, sem fæddist í janúar árið 2020, með Downs heilkenni. Október er mánuður vitundarvakningar um Downs heilkenni á alþjóðavísu. Einstaklingar sem fæðst hafa með heilkennið hafa fylgt mannkyni frá upphafi vega. Þeim fer fækkandi og um tíma hélt Arnheiður að Rúben Þeyr yrði með þeim síðustu hér á landi sem fæddist með heilkennið. Sú hafi þó ekki orðið raunin. Faðir Rúbens er Vífill Már Viktorsson smiður og átti Arnheiður fyrir Karítas Von sem verður 11 ára gömul í nóvember. Fjölskyldan býr á Akureyri.
