Staða skólasálfræðings við VMA lögð niður næsta haust
Staða skólasálfræðings við Verkmenntaskólann á Akureyri verður lögð niður frá og með næsta hausti. Sálfræðingur tók fyrst til starfa við VMA haustið 2012, fyrst í 50% stöðugildi í tilraunaskyni en síðan í auknu starfshlutfalli eða 75%. Eftirspurn eftir þjónustu sálfræðings er mikil, en hlutverk hans er að veita nemendum ráðgjöf, fræðslu og bjóða þeim sem á þurfa að halda upp á einstaklingsviðtöl. Oft hefur fallið í hlut sálfræðings að frumgreina vanda nemenda og meta þörf á meðferðarúrræði.
Kennarafélag VMA, náms- og starfsráðgjafar skólans, forvarnarfulltrúti VMA og stjórn nemendafélagsins Þórdunu hafa þungar áhyggjur af afleiðingum þessarar ákvörðunar og sendu frá sér ályktun í vikunni þar um. Fram kemur að ákvörðun þessa megi rekja til viðvarandi rekstrarvanda skólans, fjárframlög endurspegli ekki fjölbreytt námsval og nemendahóp sem skólann sæki, auk endalausra hagræðingarkrafna frá hinu opinbera.
Vaxandi vanlíðan og aukið álag
Kennarar og nemendur við skólann óttast að í kjölfar þess að staða sálfræðings verði skorin niður aukist brottfall nemenda, vanlíðan fari vaxandi og aukið álag verði á stofnanir og félagasamtökum sem sinni geðheilbrigðisþjónustu í bænum með tilheyrandi bið og uppsöfnuðum vanda. Þá sé næsta víst að álag muni aukast á náms- og starfsráðgjafa skólans sem þó hafi ærin verkefni. Um 900 nemendur eru í VMA og ljóst að sálfræðingur í 75% stöðugildi nær engan veginn að anna þeim öllum, „en er vissulega betri en enginn,” eins og það er orðað í ályktun.
Skimun fyrir einkennum þunglyndis, kvíða og streitu meðal nemenda skólans bendir til að fjöldi nýnema þurfi á aðstoð að halda. Inn á framhaldsskólastig komi nú nemendur sem glími við vandamál sem ekki þekktust fyrir aðeins örfáum árum, skólaforðun sé þar ofarlega á blaði. Vanlíðan meðal ungs fólks hafi einnig aukist, ekki síst stúlkna og hinsegin nemenda. Stórum hluta þessara nemenda þykir best að ræða málin við skólasálfræðing.
Aðgengi að sálfræðingi getur skipt sköpum
Greitt aðgengi að sálfræðingi innan veggja framhaldsskóla getur skipt sköpum fyrir þann hóp sem glímir við sjálfsvígshugsanir. Nemendur af erlendum uppruna eru fleiri en áður og spár gera ráð fyrir að þeim fjölgi enn frekar á næstu árum. Margir séu markaðir af lífsreynslu sem þeir þurfi aðstoð við að vinna úr. Einnig hefur nemendum á starfsbraut fjölgað en innan þess hóps eru ungmenni sem glími við tilfinninga- og hegðunarvanda og er þörf fyrir þjónustu oft meiri og flóknari en annarra. Sálfræðingur gegni mikilvægu hlutverki í að styðja við þennan hóp.
Óyndisúrræði
Undanfarin ár hefur mikil áhersla verið lögð á snemmtæka íhlutun og samþættingu þjónustu og því skýtur það skökku við þegar skólastjórnendur grípa til þess óyndisúrræðis að segja upp lykilstarfsmanni þessarar þjónustu án þess að nokkuð komi í staðinn. Ljóst sé að afleiðingar af brotthvarfi sálfræðings úr starfi verði margvísleg og hafi neikvæð áhrif á ekki aðeins nemendur heldur líka starfsfólk og allt nærsamfélagið.
Nýjast
-
Ferðast landa á milli til að taka þátt í lotu Viðskiptadeildar
Í þarsíðustu viku var lota hjá Viðskiptadeild og þá gafst stúdentum tækifæri á að hitta kennara, samstúdenta og annað starfsfólk Háskólans. Þannig tengjast þeir betur innbyrðis og í lotum er horfið frá hefðbundinni kennslu, til dæmis með því að bjóða gestum úr atvinnulífinu að vera með innlegg í námskeiðum. -
Gefur lífinu aukalit og við hefðum alls ekki viljað missa af honum
„Rúben hefur verið okkur dýrmætur kennari í lífinu og gefið því fallegan auka lit. Við hefðum alls ekki vilja missa af honum,“ segir Arnheiður Gísladóttir móðir Rúbens Þeys, sem fæddist í janúar árið 2020, með Downs heilkenni. Október er mánuður vitundarvakningar um Downs heilkenni á alþjóðavísu. Einstaklingar sem fæðst hafa með heilkennið hafa fylgt mannkyni frá upphafi vega. Þeim fer fækkandi og um tíma hélt Arnheiður að Rúben Þeyr yrði með þeim síðustu hér á landi sem fæddist með heilkennið. Sú hafi þó ekki orðið raunin. Faðir Rúbens er Vífill Már Viktorsson smiður og átti Arnheiður fyrir Karítas Von sem verður 11 ára gömul í nóvember. Fjölskyldan býr á Akureyri. -
Flokkur fólksins er fyrir þig
Ég er þakklátur fyrir að vera sýnt það traust að fara fyrir frábærum frambjóðendum Flokks fólksins í Norðausturkjördæminu í komandi Alþingiskosningunum. Öll mín orka og þrek mun fara í að standa vörð um kjördæmið okkar. Flokkur fólksins hefur verið einarður málsvari landsbyggðarinnar og talað óhikað fyrir framtíð sjávarbyggðanna og jöfnun búsetuskilyrða. -
Hvaða þjónusta skiptir þig máli?
Maskína er um þessar mundir að gera þjónustukönnun fyrir hönd Byggðastofnunar meðal íbúa um land allt (utan höfuðborgarsvæðis) vegna rannsókna á þjónustusókn og væntingum til breytinga á þjónustu. -
Uppeldi á Íslandi í dagsins önn
Sigurbjörg Anna Þorleifsdóttir, stúdent í meistaranámi við Sálfræðideild, vinnur þessa dagana að meistaraverkefni sínu og rannsókn sem skoðar mismunandi uppeldisaðferðir í tengslum við hegðun barna á Íslandi. Dr. Hilal Sen, lektor við Sálfræðideild, er leiðbeinandi Sigurbjargar. -
Fjárhagsáætlun Akureyrarbæjar fyrir árið 2025 lögð fram
Fjárhagsáætlun Akureyrarbæjar fyrir árið 2025 var lögð fram á fundi bæjarstjórnar sem haldinn var í Hrísey í dag. Rekstrarafkoma A- og B-hluta er áætluð jákvæð um 1.414 milljónir króna eftir fjármagnsliði og tekjuskatt. Jafnframt var lögð fram þriggja ára áætlun áranna 2026-2028. -
Sannkallaðir kyndilberar íþróttarinnar
Lýstu upp gönguskíðasvæði Húsavíkinga -
Baráttan sem ætti að sameina okkur
Það liggur þráður í íslensku þjóðarsálinni sem tengir okkur við landið. Okkur þykir vænt um það, við erum stolt af náttúrunni. Þó getur hlaupið snurða á þráðinn þegar samfélögum er stillt upp við vegg og þeim lofað öllu fögru, séu þau tilbúin að fórna náttúrunni. Fólk og fjármunir streymi til viðkvæmra svæða í skiptum fyrir að landi sé sökkt, vatnsfarvegum breytt, vindorkuver reist á sjóndeildarhringnum eða firðir fylltir af fiskeldi. Jafnvel sálir sem elska landið sitt geta látið glepjast, en auðhyggjuöflin sem sjá hvern blett ósnortinnar náttúru sem vannýtt gróðatækifæri hafa hag samfélagsins aldrei að sínu markmiði. -
Tæplega 500 nemendur Lundarskóla frá námi.
Á miðnætti hófst verkfall í nokkrum leik og grunskólum á landinu og er Lundarskóli fjölmennasti grunnskóli bæjarins einn þeirra.
