20. nóvember - 27. nóvember - Tbl 47
Sprellmót SHA – „ekki bara drykkjukeppni
Föstudaginn 22. september síðastliðinn urðu gestir í miðbæ Akureyrar varir við hóp fólks í hinum ýmsu búningum og í fyrstu héldu eflaust mörg að um dimmiteringuframhaldsskólanema væri að ræða.
Það var þó ekki svo heldur voru það líflegir háskólanemar sem áttu sviðsljósið og var að ræða Sprellmót Stúdentafélags Háskólans á Akureyri (SHA). Í gegnum tíðina hefur Sprellmótið verið vinsælasti viðburður SHA. . Um er að ræða einstakan viðburð í félagslífi HA sem þekkist hvergi annarsstaðar.
Sprellmótið hefst á Ráðhústorgi þar sem aðildarfélög SHA, sjö talsins, mæta, syngjandi glöð og sýna búningana sína í fyrsta skipti. Í ár mátti til dæmis sjá hljómsveitina IceGuys, bændur úr Skagafirði, karaktera úr nýjustu Barbie kvikmyndinni, Binary tölur og eldri borgara. Á Ráðhústorgi er svo keppt í pokahlaupi og pýramídakeppni. Að því loknu halda leikarnir áfram og hafa farið fram á hinum ýmsu stöðum, oftast í Sjallanum og eitt árið var mótið haldið á Melgerðismelum. Frá árinu 2018 hefur Sprellmótið þó verið haldið í húsnæði HA.
Í háskólanum halda leikarnir áfram og keppa aðildarfélögin í ýmsum fjölbreyttum þrautum og áskorunum eins og belghoppi, hjólbörukeppni og ásadansi svo fátt eitt sé nefnt. Leikarnir enda svo á glæsilegri hæfileikakeppni þar sem hvert félag sýnir atriði.
„Ég heyrði einhverstaðar út í bæ að Sprellmótið væri bara drykkjukeppni háskólastúdenta. Það er alls ekki svo. Sprellmótið er svo miklu meira, þetta er rótgróinn viðburður í félagslífi HA og einn stærsti og vinsælasti viðburðurinn okkar. Þetta er einstakur viðburður sem þekkist hvergi annars staðar og vegna stærðarinnar og þeirrar staðreyndar að í HA er persónulegt samfélag, er viðburður sem þessi mögulegur,“segir Sólveig Birna Elísabetardóttir, forseti SHA.
Hún leggur áherslu á að Sprellmótið sé fyrir öll. „Á þessum viðburði geta öll tekið þátt og á mótinu kynnast stúdentar á milli félaga og námsleiða. Sem er mikilvægt. Ég hef til dæmis eignast mjög góða vini sem ég kynntist fyrst á Sprellmóti. Það sem gerir Sprellmótið líka einstakt er sú staðreynd að dómarar eru starfsfólk háskólans og þau taka virkan þátt í mótinu. Í ár toppuðu þau sig þó og mætti í glæsilegum búningum og tóku í fyrsta skipti þátt í hæfileikakeppninni með glæsilegu atriði þar sem þau sungu til stúdenta HA.“
Áður en leikarnir hefjast fá dómarar stigablað og fást X mörg stig fyrir hverja þraut sem keppt er í og aðra þætti eins og búninga, mútur til dómara, stemmingu og frágang svo fátt eitt sé nefnt.
„Ég tók fimm sinnum þátt í Sprellmótinu sem stúdent við HA og ég hef aldrei upplifað Sprellmótið eins og það var í ár. Stúdentar HA voru algjörlega til fyrirmyndar og við í dómnefndinni erum einstaklega stolt af þessum flotta hópi. Það voru öll komin til að skemmta sér og hafa gaman þó svo að þetta sé keppni sem er að sjálfsögðu tekið mjög alvarlega. Þá er svo einstakt að sjá gleðina, kærleikann, samheldnina, metnaðinn og ekki síst virðinguna sem þau bera fyrir hvert öðru, dómurum, húsnæðinu og bara háskólanum sínum, segir Sólveig María Árnadóttir.“ ein dómara Sprellmótsins í ár að lokum.
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
