20. nóvember - 27. nóvember - Tbl 47
Soffía hættir sem fræðslustjóri
Soffía Vagnsdóttir. Mynd/Þröstur Ernir
Soffía Vagnsdóttir hefur verið ráðinn skrifstofustjóri grunnskólaskrifstofu Reykjavíkurborgar og verður faglegur leiðtogi skólastjóra í borginni. Soffía hefur undanfarin þrjú ár gegnt stöðu fræðslustjóra á Akureyri en á árunum 2006-2014 var hún skólastjóri á Bolungarvík. „Ég er óendanlega þakklát fyrir reynsluna sem ég hef hlotið á Akureyri og öllu því frábæra fólki sem ég hef átt í samstarfi við,“ segir Soffía í samtali við Vikudag.
„Mér finnst skólastarf á Akureyri vera öflugt og það ríkir mikil samstaða í pólitíkinni um að gera vel í því starfi. Það er mikilvægt að þættir í skólastarfi séu ekki gerðir að pólitísku bitbeini, heldur að pólitískir fulltrúar geti rætt sig til niðurstöðu um einstök mál og mér hefur fundist það farsælt í tilfelli fræðsluráðsins og bæjarstjórnar. Vissulega hefur mikið mætt á stjórnendum skólanna á undanförnum misserum, athyglin beinist stöðugt að því sem skólarnir geti gert betur, en samfélagið getur auðvitað líka gert betur, bæði foreldrar og aðrir sem koma að börnum með einum eða öðrum hætti. Börn eiga alltaf að vera í forgangi.“
Aftur í höfuðborgina eftir 19 ára fjarveru
Soffía segist spennt fyrir nýju starfi og mun hún setjast aftur að í höfuðborginni eftir 19 ára fjarveru, en Soffía bjó áður í Bolungarvík þar sem hún er uppalin. „Ég er auðmjúk og þakklát fyrir traustið sem mér er sýnt með því að taka við þessu starfi. Einnig er ég full tilhlökkunar að mæta nýjum áskorunum. Það eru spennandi tímar framundan.“
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
