Smíðaði hundrað myntmottur fyrir Frost í tilefni af Mottumars 2024
Guðmundur H. Hannesson framkvæmdastjóri Frosts til vinstri og Hörður Óskarsson, þúsundþjalasmiður til hægri. Hörður er fyrrv. starfsmaður Frosts en hefur frá 2006 verið kennari og brautarstjóri málmiðnbrautar VMA Myndir frost.is
Næstkomandi föstudag, 1. mars, hefst Mottumars - hið árlega átak Krabbameinsfélags Íslands og aðildarfélaga þess um allt land. Mottumars er hvatningarátak til karla um að halda vöku sinni gagnvart þeim vágesti sem krabbamein er og í ár er lögð áhersla á gildi hreyfingar sem forvarnar gegn krabbameinum. Jafnframt hefur Mottumars það að markmiði að safna fjármunum til þess að styrkja krabbameinsfélögin í landinu í sínu þarfa og mikilvæga starfi. Mottumars vísar vitaskuld til mottunnar, yfirvaraskeggsins sem karlmenn safna og skarta sérstaklega í mars til þess að vekja athygli á þessu forvarnaátaki og sýna stuðning sinn í verki.
Í tilefni af Mottumars gefur Frost öllum starfsmönnum sínum mottu-barmnælur sem þúsundþjalasmiðurinn og vélsmiðurinn Hörður Óskarsson hefur smíðað úr mynt – gömlum einnar krónu og fimm krónu peningum og kallar Myntmottur.
Frá 2017 hefur Hörður haft það áhugamál að smíða skartgripi af ýmsum toga úr gamalli mynt. Í byrjun smíðaði hann hringi úr myntinni en síðan hefur smíðin þróast og til hefur orðið fjölbreytt skart, m.a. Myntmotturnar. Smíðagripi sína kynnir Hörður á fb.síðunni Mynthringir og allskonar.
Guðmundur H. Hannesson, framkvæmdastjóri Frost, segir það hafa verið sjálfgefið að leita til Harðar að taka þetta smíðaverkefni að sér enda sé hann fyrrum starfsmaður fyrirtækisins. Hjá Frost starfaði Hörður frá 1995 til 2006 þegar hann færði sig um set og hefur síðan verið við kennslu og brautarstjórn á málmiðnbraut Verkmenntaskólans á Akureyri. Frá því Hörður hóf smíði á skartgripum úr mynt hefur hann styrkt Krabbameinsfélag Akureyrar og nágrennis veglega með því að láta hluta söluandvirðis smíðagripa sinna renna til félagsins. Á þennan hátt vill Hörður styðja við mikilvægt starf Krabbameinsfélagsins og jafnframt minnast bróður síns heitins, Sigurðar Viðars Óskarssonar, sem lést úr krabbameini árið 2010. Hann var borinn til grafar á fimmtugs afmælisdegi sínum, 25. nóvember 2010.
Vert er að geta þess að myntmottur Harðar eru til sölu hjá Krabbameinsfélagi Íslands og Krabbameinsfélagi Akureyrar og nágrennis. Einnig er hægt að panta þær í gegnum fb.síðuna Mynthringir og allskonar.
Guðmundur framkvæmdastjóri Frosts hvetur alla til þess að leggja þessu góða málefni lið. Stuðningur almennings og fyrirtækja við forvarnir krabbameinsfélaganna og að styðja fólk sem greinist með krabbamein og aðstandendur þeirra skipti gríðarlega miklu máli.
Það var www.frost.is sem sagði fyrst frá
Nýjast
-
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða.
