20. nóvember - 27. nóvember - Tbl 47
Slippurinn á óvenjulegum slóðum
Vinna stendur yfir í Reiðhöllinni við möstur skonnortunnar Opal. Mynd/epe
Blaðamaður Vikublaðsins leit við í reiðhöll Hestamannafélagsins Grana á dögunum en þar er nú tímabundið útibú fyrir slippinn á Húsavík og fjöldi manns á vegum Norðursiglingar að störfum við að útbúa möstur á skonnortuna Opal. 
Einar Víðir Einarsson, hestamaður með meiru segir í samtali við Vikublaðið að Norðursigling hafi leigt hjá þeim húsnæðið þar sem þeim vantaði aðstöðu til að vinna við möstrin. Leigan sé til tveggja mánaða og sé búbót fyrir félagið.
Bylting fyrir félagið
Einar segir að það hafi verið algjör bylting fyrir hestafólk á svæðinu að fá þetta hús á sínum tíma en það sé dýrt í rekstri og því sé brugðið á það ráð að leigja hluta hússins í skamman tíma í senn.
„Við þjálfum og temjum hesta hér inni. Þetta er náttúrlega stórt og veglegt hús sem er að okkar mati of lítið notað. Það þyrftu að vera fleiri hestmenn til að fá fulla nýtingu á húsið,“ segir Einar og bætir við að þess vegna hafi félagið tök á því að leigja það út.
„Við erum að vísu með hluta hússins í smá notkun þó við séum með það í útleigu. Við erum kannski ekki að nota það akkúrat á meðan verið er að pússa og græja heldur erum við að nota það eftir fimm á daginn,“ segir hann og ítrekar að húsið bjóði upp vöxt innan Grana enda sé vel hlúð að barna og unglingastarfi innan félagsins.
„Við erum með reiðnámskeið fyrri krakka á sumrin og húsið býður auðvitað líka upp á að hestafólk sé inni þegar er vont veður og ekki hægt að ríða út. Þá nær maður aðeins að hreyfa hrossin innandyra,“ útskýrir Einar.
Hestamannafélagið stofnaði á sínum tíma hlutafélag utan um uppbyggingu og rekstur hússins. „Norðurþing styrkti líka verkefnið myndarlega en húsið er svo rekið á ársgjöldum félagsfólks,“ segir hann og bætir við að það dugi varla til og því sé verið að grípa til þess ráðs að leigja hluta hússins til skamms tíma í senn.
Opin fyrir frekari útleigu
Þá segir Einar frá því að verið sé að reyna ná samkomulagi við Norðurþing um að leigja hluta hússins undir áhalda og tækjageymslu, s.s. snjótroðara og slíkt. „Við viljum leigja Norðuþingi endann á húsinu, undir tækjageymslu. við þurfum ekki allt húsið og erum að vinna í því að koma þessu í leigu. Það kostar tvær milljónir á ári að borga af þessu miðað við lánin sem eru eftir, þannig að það er alveg brekka að standa undir þessu. En svona eins og að leigja Norðursiglingu aðstöðu í tvo mánuði léttir verulega undir rekstrinum á húsinu,“ útskýrir Einar Víðir og bætir við að þarna gætu jafnvel einstaklingar eða fyrirtæki séð tækifæri til að leigja sér aðstöðu til að sinna sínum verkefnum jafnvel niður í hálfan mánuð í senn. „Við myndum þá bara draga aðeins saman seglin á meðan,“ segir Einar að lokum.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
