20. nóvember - 27. nóvember - Tbl 47
Skútaberg - Vonbrigði hjá Heilbrigðisnefnd Norðurlands eystra með ástandið á Moldhaugnahálsi
Á undanförum árum hefur miklu magni af lausamunum verið safnað saman á Moldhaugnahálsi og fyrir vikið er svæðið verulegt lýti í umhverfinu. Mynd frá Heilbrigðiseftirliti
Heilbrigðisnefnd Norðurlands eystra lýsir yfir vonbrigðum með að áform fyrirtækisins Skútabergs um tiltekt á athafnasvæði sínu á Moldhaugnahálsi hafi ekki gengið eftir.
„Heilbrigðisnefnd gerir þá kröfu að tekið verði rækilega til á svæðinu og þeim hlutum sem ekki hafa varðveislugildi verði komið í viðeigandi förgun. Jafnframt óskaði nefndin eftir skriflegri úrbótaáætlun frá fyrirtækinu, fyrir daginn í dag 1 október þar sem fram kæmi hvenær og hvernig verði orðið við kröfum nefndarinnar um úrbætur. Heilbrigðisnefnd óskað á dögunum eftir upplýsingum um hvernig framkvæmdum við tiltekt á svæðinu og gerð varanlegs geymslusvæðis miðaði. Engar upplýsingar bárust frá fyrirtækinu um framvinduna.
„Á undanförum árum hefur miklu magni af lausamunum verið safnað upp á Moldhaugnahálsi og fyrir vikið er svæðið verulegt lýti í umhverfinu. Umgengni um svæðið var til umræðu á fundi Heilbrigðisnefndar í júní og í samskiptum við fyrirtækið í aðdraganda þess fundar kom fram að til stæði að taka til á svæðinu í sumar og farga rusli og öðrum ónothæfum hlutum. Þessi áform fyrirtækisins hafa ekki gengið eftir og eru það mikil vonbrigði,“ segir Leifur Þorkelsson framkvæmdastjóri Heilbrigðiseftirlits Norðurlands eystra.
Lausamunir með takmarkað varðveislugildi
Hann segir það kröfu heilbrigðisnefndar að tekið verði rækilega til á svæðinu og að þeim hlutum sem ekki hafa varðveislugildi verði komið í viðeigandi förgun. „Þarna er talsvert af gömlum vinnuvélum sem munu eiga að prýða safn í framtíðinni, á svæðinu er líka mikið af lausamunum sem hafa afar takmarkað varðveislugildi. Það má líka nefna að á svæðinu hafa safnast upp fjölmargir gámar en þeir eru háðir stöðuleyfi frá viðkomandi sveitarfélagi samkvæmt byggingarreglugerð,“ segir Leifur og að heilbrigðisnefnd hafi ekki upplýsingar um hvort slík leyfi eru til staðar varðandi gámana á Moldhaugnahálsi.
„Verði ekki orðið við kröfum Heilbrigðisnefndar Norðurlands eystra um skriflega úrbótaáætlun og tiltekt á svæðinu má gera ráð fyrir því að nefndin ákveði að beita þvingunarúrræðum í formi áminningar og dagsekta í þeim tilgangi að knýja fram nauðsynlegar úrbætur,“ segir hann.
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit. -
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið.
