20. nóvember - 27. nóvember - Tbl 47
Skrifum aldrei upp á kjarasamning sem mismunar fólki enn frekar eftir búsetu
Aðalsteinn Árni Baldursson formaður Framsýnar
Aðalsteinn Árni Baldursson formaður Framsýnar
„Aðstöðumunur á milli landsbyggðar og þéttbýlis er að verða gríðarlegur og hann er okkur sem búum fjarri höfuðborgarsvæðinu í óhag. Við erum að gera þá skýlausu kröfu að tekið verði á þessum mun, en það á ekki síst við um verð á raforku og eldsneyti, vöruverð, flutningskostnað og aðgengi að opinberri þjónustu, m.a. heilbrigðisþjónustu og framhaldsnámi,“ segir Aðalsteinn Árni Baldursson formaður Framsýnar í Þingeyjarsýslu. Þar vísar hann í yfirstandandi viðræður milli stjórnvalda og verkalýðshreyfingarinnar.
Hann segir að einhver þurfi að grípa boltann á lofti og tala máli landsbyggðarfólks við gerð kjarasamninga, minna á að fólk búi víða um land og að þjóðarsátt megi ekki bara virka í eina átt, inn á höfuðborgarsvæðið. Framsýn muni tala máli íbúa landsbyggðar og aldrei skrifa upp á kjarasamning sem mismuni fólki enn frekar en orðið er eftir búsetu. „Það verður að horfa til alls landsins við gerð kjarasamninga og að skoða þennan mikla mun sem fólk býr við eftir búsetu,“ segir hann og bendir m.a. á þá sem búi á köldu svæðunum á Norðausturhorni landsins.
Margir hreinlega að bugast
„Þar fá menn verulega háa rafmagnsreikninga vegna húshitunar, samgöngukostaður hefur rokið upp úr öllu valdi eftir því sem eldsneyti hefur hækkað í verði, vörur kosta meira þar og aðgengi að heilbrigðisþjónustu versnar. Allt þarf að sækja um langan veg með sífellt meiri kostnaði. Ég heyri það að margir eru hreinlega að bugast á þessu ástandi. Það búa ekki allir við það sjálfsagða öryggi að hafa læknisþjónustu í heimabyggð eða aðgengi að hátæknisjúkrahúsum, en því miður er það svo að almennt launafólk á mjög erfitt með að tákast á við þessa kostnaðarsömu liði. Því miður eru fjölmörg dæmi um að fjölskyldur hafi þurft að flytja búferlum á höfuðborgarsvæði þar sem þær hafa verið að sligast undan gríðarlegum útgjöldum sem fylgja því að búa á landsbyggðinni,“ segir Aðalsteinn Árni
Nýjast
-
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða.
