20. nóvember - 27. nóvember - Tbl 47
Skortur á hentugu leiguhúsnæði fyrir eldri borgara á Akureyri
Karl Erlendsson formaður Félags eldri borgara
Augljós skortur er á á leiguhúsnæði sem hentar eldri borgurum á Akureyri. Í húsnæðiskönnun sem Félag eldri borgara á Akureyri gerði nýverið kemur fram að margir horfa til þess að minnka við sig húsnæði á næstu þremur árum og vilja sumir gjarnan flytja í leiguíbúð í eigu óhagnaðardrifins leigufélags, í búseturéttar íbúð eða þjónustuíbúð fyrir 60 ára og eldri. Um 35% félagsmanna svöruðu könnuninni.
„Því miður er ekki um auðugan garð að gresja þegar kemur að slíkum íbúðum fyrir þennan aldurshóp,“ segir Karl Erlendsson formaður Félags eldri borgara.
Fram kom að stór hluti félagsmanna, 89% býr í eigin húsnæði. Tæplega fjórðungur, 23% svaraði því til að líklegt væri að þeir muni skipta um húsnæði á næstu þremur árum og segir Karl að þar sé um að ræða um 600 manns. „Það þýðir að það vantar um 300 íbúðir sem henta þessum aldurshóp, það er ljóst að mikil þörf er á að byggja nýjar íbúðir fyrir þetta fólk,“ segir hann.
Margir vilja á Tjaldsvæðareitinn
Fram kom í könnuninni að flestir vilja búa í frá 71 til 120 fermetrar stórum íbúðum með tveimur svefnherbergjum. Langflestir vilja búa á Brekkunni og 90 manns sem tóku þátt vildu búa á svonefndum „Tjaldsvæðareit“. Þá nefndu 28 að þeir vildu gjarnan búa í íbúðarkjarna í Þursaholti. Yfir helmingur þeirra sem svöruðu könnuninni sagði líklegt að þeir vildu búa í svokölluðum „Lífsgæðakjarna“ fyrir eldra fólk. Starfshópur vinnur að því máli en slíkir kjarnar er heiti yfir nýja nálgun í húsnæði fyrir eldra fólk þar sem áhersla er á fjölbreytt búsetuform, eignar- og leiguíbúðir og jafnvel hjúkrunarrými sem raðað er upp í aðlaðandi umhverfi með aðgengi að margs konar þjónustu.
Tjaldstæðisreiturinn tillaga í vinnslu Mynd Nordic
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
