Skógræktarfélag Eyfirðinga stendur í umfangsmikilli grisjun
„Þetta er verkefni sem verður að vinna og við erum afskaplega ánægð með að fá þessa vönduðu fagmenn til verksins,“ segir Ingólfur Jóhannsson framkvæmdastjóri Skógræktarfélags Eyfirðinga. Menn frá Lettlandi með skógarhöggsvélar sérhannaðar til grisjunar hafa verið að störfum í reitum félagsins undanfarið. Þeir verða um það bil einn mánuð við störf nú í haust og vonast eftir að þeir taki upp þráðinn á næsta ári enda ærið verkefni fyrirliggjandi.
Ingólfur segir að Maríus sem rekur skógarþjónustu í Lettlandi sé eigandi tækjanna en skógarafurða fyrirtækið Tandrabretti á Eskifirði hafði milligöngu um komu Lettanna til landsins. Með honum í för er Kasper sem starfar hjá fyrirtækinu. „Þeir byrjuð fyrir austan, voru í Hallormsstaðaskógi og víðar og komu síðan við í Vaglaskógi á leið í Eyjafjörðinn,“ segir Ingólfur, en grisjunarliðið hófst handa í skógarreit SE að Hálsi í Eyjafjarðarsveit þar sem mikil þörf var fyrir grisjun. Þá var farið í Kjarnaskóg og Naustaborgir.
„Þetta eru annars vegar vélar sem saga trén og afkvistar þau en hins vegar hefur Maríus yfir að ráða vélum sem safna saman trjábolum sem síðan er staflað saman við nærliggjandi stíg eða slóða. Greinar og toppar eru skildar eftir í skógarbotninum hvar þeir nýtast lífríki skógarins, en trjábolir eru flokkaðir og verða nýttir á ýmsan máta, til kurlunar, eldiviðarframleiðslu og framleiðslu borðviðar,“ segir Ingólfur.
Margvíslegar afurðir skóganna
Afurðir skóganna segir hann margvíslegar, „við framleiðum m.a. lýðheilsu, verðmætt gjaldeyrissparandi timbur, stuðlum að landbótum, landgræðslu og bættum kolefnisbúskap jarðar svo eitthvað sé nefnt,“ bætir hann við og að grisjun skóga sé eilífðarverkefni á vegum skógræktarfélaga en því verkefni þurfi að sinna. „Það er afskaplega mikilvægt til að tryggja vöxt og viðgang trjánna sem okkur ber að skila skikkanlega til komandi kynslóða. Grisjun skilar því líka að fleiri sveppir vaxa á svæðinu og einnig ber þar sem það á við þannig að það ávinningur af því að standa vel að grisjun skóga er mikill.“
Gamla góða keðjusagarfólki áfram ómissandi
Ingólfur segir skógarhöggsvélar og notkun þeirra fremur nýlegt verkfæri í skógrækt á Íslandi, en mikill og góður árangur náist á skemmri tíma en þegar keðjusagir eru notaðar til verksins. „Gamla góða keðjusagarfólkið okkar verður þó engu að síður áfram ómissandi við að hirða ört vaxandi trjálendi,“ segir hann.
Gert er ráð fyrir að nú í september náist að fara yfir 8 til 10 hektara svæði á vegum Skógræktarfélags Eyfirðinga og er sjónum beint að reitnum á Hálsi, Kjarnaskógi og Naustaborgum að þessu sinni, en fleiri svæði bíða þess að farið verði um þau með vélarnar og vonast Ingólfur til þess að hægt verði að semja við Maríus og félaga til að koma til Íslands á ný næsta ár og halda verkinu áfram.
Nýjast
-
Ferðamönnum fjölgar milli ára í Grímsey
„Ég er sátt við sumarið, ferðafólki hefur fjölgað jafnt og þétt hin síðari ár. Ég hef á tilfinningunni að það hafi verið aukning á milli ára þó tölur liggi ekki fyrir,” segir Halla Ingólfsdóttir eigandi ferðaþjónustufyrirtækisins Arctic Trip í Grímsey. Veður hafi þó ekki endilega alltaf sýnt sínar bestu hliðar en það sama megi segja um aðrar staði á landinu. -
„Ég kann afskaplega vel við sjómannslífið“ - Uppskrift að dýrindis lúðurétti
Þórhildur Þórhallsdóttir sem búsett er á Akureyri hefur verið kokkur á skipum Samherja í nærri þrjú ár, síðustu tvö árin á Kaldbak EA 1. Þórhildur hafði ásamt tveimur konum rekið veitingahúsið Kaffi Ilm á Akureyri í tíu ár. Þær ákváðu að selja þetta vinsæla veitingahús og þar með stóð Þórhildur á krossgötum varðandi atvinnu. -
SFF - Samtök fyrirtækja í fjármálaþjónustu NÝ TEGUND SVIKA
Það virðist gilda það sama um varnaðarorð og góða vísu. Verður aldrei of oft kveðin. Glæpahringir sem herja á fólk til að komast inn í heimabanka verða sífellt tæknilegri og aðferðir þeirra trúverðuglegri. Borið hefur á að svikarar hringi í fólk og hafi af þeim fé með ýmiss konar blekkingum. Það nýjasta er að hringt er úr, að því virðist, íslenskum númerum en svikararnir eru þó enskumælandi. Tilboð þeirra eru oft of góð til að vera sönn, og þá er það oft málið, þetta eru svik. -
Fagnaðarefni að þekkingarstofnanir festi rætur á landsbyggðinni
Ákvörðun Guðlaugs Þórs Þórðarsonar, umhverfis-, orku- og loftslagsráðherra um að höfuðstöðvar nýrrar umhverfis- og orkustofnunar verði staðsettar á Akureyri felur í sér mikil tækifæri ekki aðeins fyrir okkur íbúa Norðurlands heldur einnig fyrir landsbyggðina alla og íslenskt samfélag. -
Svalbarðsstrandarhreppur Loka almenningsbókasafni
Sveitarstjórn Svalbarðsstrandarhrepps hefur tekið þá ákvörðun að loka almenningsbókasafni en jafnframt að efla skólabókasafnið í sveitarfélaginu. -
Skógræktarfélag Eyfirðinga stendur í umfangsmikilli grisjun
„Þetta er verkefni sem verður að vinna og við erum afskaplega ánægð með að fá þessa vönduðu fagmenn til verksins,“ segir Ingólfur Jóhannsson framkvæmdastjóri Skógræktarfélags Eyfirðinga. Menn frá Lettlandi með skógarhöggsvélar sérhannaðar til grisjunar hafa verið að störfum í reitum félagsins undanfarið. Þeir verða um það bil einn mánuð við störf nú í haust og vonast eftir að þeir taki upp þráðinn á næsta ári enda ærið verkefni fyrirliggjandi. -
Akureyrarkirkja á morgun laugardag Litróf orgelsins
Eyþór Ingi Jónsson flytur verk eftir Johann Sebastian Bach, Petr Eben, Joseph Haydn, Hauk Guðlaugsson, Hildi Guðnadóttur, Ghislaine Reece-Trapp, Robert Schumann, Smára Ólason og Johann Ulrich Steigleder. Eyþór er að hefja tónleikaverkefni fyrir næstu misserin sem hann kallar Litróf orgelsins, en hann mun leggja metnað í að sýna fjölbreytileika hljóðfærisins með því að spila afar fjölbreytta orgeltónlist og umritanir á öðrum verkum fyrir orgel -
Samherji hlýtur Íslensku sjávarútvegsverðlaunin fyrir „eitt fullkomnasta fiskvinnsluhús heims á Dalvík.“
Íslenska sjávarútvegssýningin 2024, Ice Fish 2024, var formlega sett í gær en fjörutíu ár er liðin frá því sýningin var fyrst haldin hér á landi. Að þessu sinni mæta sýnendur frá rúmlega tuttugu þjóðlöndum til að kynna allt það nýjasta og besta í alþjóðlegum sjávarútvegi. -
Dansaðu vindur
Á Íslandi er eftirspurnin eftir raforku mikil. Það er jákvætt að atvinnulífið sé svo blómlegt að umframeftirspurn hafi myndast en neikvætt ef stjórnvöld ná ekki að tryggja að af framkvæmdum verði vegna seinagangs í uppbyggingu á raforkukerfinu. Til mikils er að vinna svo hugmyndir og tækifæri renni ekki úr greipum okkar.
