Skarpur kemur út í dag
Meðal efnis í Skarpi sem kemur út í dag eru tvö ítarleg viðtöl við kjarnakonur með tengingu við Húsavík. Annars vegar er opnu viðtal við Kaylu Grimsley, þjálfara kvennaliðs Völsungs. Hún hefur heast mjög af Íslandi og gæti vel hugsað sér að setja hér að. Hún segir það mjög gefandi að sjá ungar knattspyrnukonur bæta sig og smella saman sem lið.
- Hins vegar er langt viðtal við Elsu Maríu Jakobsdóttur en hún sýndi stuttmynd sýna, Atelier á virtri alþjóðlegri kvikmyndahátíð í Tékklandi á dögunum. Þá telur hún að konur í kvikmyndabransanum þurfi að leggja meira á sig en karlar til að sanna sig. „Áhuginn vaknaði alveg örugglega fyrst við að liggja yfir spólum á Billanum hjá Krilla á Húsavík og svo síðar þegar Cult vídjó var og hét. Ótrúlegt að slík leiga og menningarstofnun hafi verið starfrækt á Húsavík en þá fór ég að skilja að bíó var ekki bara afþreying heldur að það voru til myndir sem höfðu sterka rödd og höfundareinkenni leikstjóra,“ segir Elsa Marí m.a.
- Steinsteypir ehf. og fleiri einkaaðilar hafa lýst yfir áhuga á að kaupa Leigufélagið Hvamm ehf. sem leigir út íbúðir til eldri borgara að Útgarði 4. Fjallað er um málið í blaðinu þar sem rætt er við Kristjá Þór Magnússon, sveitarstjóra Norðurþings. „Það er hluthafasamkomulag um að auglýsa og selja félagið ef viðunandi tilboð berst þá í hlutafé,“ segir hann m.a.
- Daníel Guðjónsson lét nýverið af störfum yfirlögregluþjóns á Akureyri, því er gert skil í blaðinu.
- Hjónin Birna Kristín Friðriksdóttir og Guðbergur Egill Eyjólfsson hafa nýlega opnað Húsdýragarðinn Daladýrð, sem staðsettur er í Brúnagerði Fnjóskadal.
- Ferðalag tunglfara um svæðið, Þingeyingur í þaula, gjaldfrjáls grunnskóli og margt fleira í blaði vikunnar. Áskriftarsíminn er 464-2000. Einnig er hægt senda póst á skarpur@skarpur.is eða smella hér
- Skarpur, 6. júni 2017
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
