„Skapar tækifæri til að nýta innviði í ferðaþjónustu lengur“
Ný flugleið EasyJet frá London til Akureyrar og tækifærin sem henni fylgja voru umræðuefni fundar Lilju Alfreðsdóttur menningar- og viðskiptaráðherra í London í síðustu viku með fulltrúum EasyJet, Markaðsstofu Norðurlands, Íslandsstofu og sendiherra Íslands í Bretlandi. Flug EasyJet til Akureyrar hófst síðastliðið haust og mun standa fram á veturinn en flogið er tvisvar í viku. Þetta kemur fram í tilkynningu á vef Stjórnarráðsins.
Samhliða fundinum fór fram fjölmennur kynningarviðburður í sendiráði Íslands fyrir breska ferðaheildsala og fjölmiðla um áfangastaðinn Norðurland þar sem þjónusta og afþreying á svæðinu var kynnt.
Bretlandsmarkaður er mikilvægur markaður fyrir íslenska ferðaþjónustu en á tímabilinu ágúst 2022 til júlí 2023 heimsóttu rúmlega 268.000 breskir ferðamenn Ísland, en meðaldvalarlengd þeirra var 5, 1 nótt.
Ráðherra hvatti meðal annars fulltrúa EasyJet til að halda áfram þróun sinni á flugi til landsbyggðarinnar, en bæði flugvellirnir á Akureyri og Egilsstöðum eru skilgreindir alþjóðaflugvellir. Þannig hefur EasyJet hefur nú þegar tilkynnt um áframhald á flugi flugleiðinni London - Akureyri fyrir veturinn 2025.
Fyrir helgi undirritaði menningar- og viðskiptaráðherra samning um áframhaldandi stuðning við uppbyggingu alþjóðaflugs á landsbyggðinni. Að auki ákvað ráðherra að veita Markaðsstofu Norðurlands og Austurbrú 20 m.kr. framlag hvorri til þess að kynna og undirbúa Norður- og Austurland undir komu væntanlegra ferðamanna með beinu millilandaflugi.
„Beint millilandaflug til Akureyrar breytir miklu fyrir ferðaþjónustu á Norðurlandi, sér í lagi utan háannar. Það skapar tækifæri til að nýta innviði í ferðaþjónustu lengur og betur, og er liður að því að efla ferðaþjónustuna sem heilsársatvinnugrein á svæðinu. Við munum halda áfram að styðja við uppbyggingu millilandaflugs til landsbyggðarinnar, en það er skilvirkasta leiðin til að dreifa ferðamönnum um landið,“ sagði Lilja Alfreðsdóttir menningar- og viðskiptaráðherra.
Fyrrnefndir fundir voru hluti af dagskrá ráðherra í London og voru skipulagðir í samstarfi við Markaðsstofu Norðurlands, Íslandsstofu og sendiráð Íslands í London.
Nýjast
-
Geðverndarfélag Akureyrar fagnar 50 ára afmæli
„Geðverndarfélag Akureyrar hefur ekki verið mjög áberandi undanfarin ár, en á sér engu að síður merka sögu og hefur staðið fyrir mikilvægum framförum í geðheilbrigðismálum í bænum og ýmislegt sem til bóta er í þessum viðkvæma málaflokki,“ segir Valdís Eyja Pálsdóttir formaður Geðverndarfélags Akureyrar. Félagið var stofnað 15. desember árið 1974 og verður því 50 ára gamalt innan tíðar. Haldið verður upp á tímamótin næstkomandi laugardag. -
Verðandi sjávarútvegsfræðingar kynna sér starfsemi Samherja til sjós og lands
Hátt í fjörutíu nemendur í sjávarútvegsfræðum við Háskólann á Akureyri hafa á undanförnum dögum heimsótt skip og landvinnslu Samherja. Nemendur auðlindadeildar skólans hafa um langt árabil átt þess kost að skoða og kynnast starfsemi félagsins, sem hluta námsins. Magnús Víðisson brautarstjóri segir afar mikilvægt að öflug sjávarútvegsfyrirtæki séu starfandi í námunda við skólann, sem geri nemendum kleift að kynnast betur sjávarútvegi og haftengdri starfsemi. -
Aðeins fleira fé slátrað þetta haustið miðað við í fyrra
„Heilt yfir hefur gengið mjög vel, auðvitað hafa rafmagnstruflanir, nettruflanir, veðurtruflanir og ýmislegt af því tagi, stungið sér niður hjá okkur, en sem betur fer gekk allt upp að lokum,“ segir Sigmundur Hreiðarsson framleiðslustjóri Kjarnafæði Norðlenska á sláturhúsinu á Húsavík. -
Að þora að vera hræddur
Nú haustar og í haustmyrkrinu leynast oft myrkraverur og alls konar furðuleg fyrirbæri sem skjóta okkur stundum skelk í bringu. Flest tengjast þau reyndar hrekkjavöku og ýmiskonar skálduðum hryllingi þannig að það er lítið mál að sýna hugrekki og láta sem ekkert sé. Eða hvað, erum við kannski hræddari en við sýnumst, og hvenær erum við annars hugrökk? -
Ferðast landa á milli til að taka þátt í lotu Viðskiptadeildar
Í þarsíðustu viku var lota hjá Viðskiptadeild og þá gafst stúdentum tækifæri á að hitta kennara, samstúdenta og annað starfsfólk Háskólans. Þannig tengjast þeir betur innbyrðis og í lotum er horfið frá hefðbundinni kennslu, til dæmis með því að bjóða gestum úr atvinnulífinu að vera með innlegg í námskeiðum. -
Gefur lífinu aukalit og við hefðum alls ekki viljað missa af honum
„Rúben hefur verið okkur dýrmætur kennari í lífinu og gefið því fallegan auka lit. Við hefðum alls ekki vilja missa af honum,“ segir Arnheiður Gísladóttir móðir Rúbens Þeys, sem fæddist í janúar árið 2020, með Downs heilkenni. Október er mánuður vitundarvakningar um Downs heilkenni á alþjóðavísu. Einstaklingar sem fæðst hafa með heilkennið hafa fylgt mannkyni frá upphafi vega. Þeim fer fækkandi og um tíma hélt Arnheiður að Rúben Þeyr yrði með þeim síðustu hér á landi sem fæddist með heilkennið. Sú hafi þó ekki orðið raunin. Faðir Rúbens er Vífill Már Viktorsson smiður og átti Arnheiður fyrir Karítas Von sem verður 11 ára gömul í nóvember. Fjölskyldan býr á Akureyri. -
Flokkur fólksins er fyrir þig
Ég er þakklátur fyrir að vera sýnt það traust að fara fyrir frábærum frambjóðendum Flokks fólksins í Norðausturkjördæminu í komandi Alþingiskosningunum. Öll mín orka og þrek mun fara í að standa vörð um kjördæmið okkar. Flokkur fólksins hefur verið einarður málsvari landsbyggðarinnar og talað óhikað fyrir framtíð sjávarbyggðanna og jöfnun búsetuskilyrða. -
Hvaða þjónusta skiptir þig máli?
Maskína er um þessar mundir að gera þjónustukönnun fyrir hönd Byggðastofnunar meðal íbúa um land allt (utan höfuðborgarsvæðis) vegna rannsókna á þjónustusókn og væntingum til breytinga á þjónustu. -
Uppeldi á Íslandi í dagsins önn
Sigurbjörg Anna Þorleifsdóttir, stúdent í meistaranámi við Sálfræðideild, vinnur þessa dagana að meistaraverkefni sínu og rannsókn sem skoðar mismunandi uppeldisaðferðir í tengslum við hegðun barna á Íslandi. Dr. Hilal Sen, lektor við Sálfræðideild, er leiðbeinandi Sigurbjargar.
