Sjávarútvegurinn er háþróuð alþjóðleg
„Það sem gefur starfinu líf og lit eru mikil og góð samskipti við fólk. Viðfangsefnin eru skemmtileg og fjölbreytt, oftar en ekki kemur eitthvað óvænt upp þannig að fyrirfram veit maður ekki hvað vinnudagurinn ber í skauti sér,“ segir Anna María Kristinsdóttir mannauðsstjóri Samherja. Eiginmaður hennar er Friðrik Kjartansson og eiga þau tvö börn, Maríu Björk 19 ára og Kjartan Inga 15 ára. Anna María lauk stúdentsprófi frá Menntaskólanum á Akureyri og rekstrarfræði frá Háskólanum á Akureyri árið 1999, en því námi hefur nú verið breytt í viðskiptafræði. Viðtal við Önnu Maríu birtist í sjávarútvegsblaðinu Ægi og er það birt hér með góðfúslegu leyfi ritstjóra blaðsins.
Anna María á að baki langan starfsferil hjá Samherja en hún var ráðin til fyrirtækisins árið 2001 og gegndi í fyrstu stöðu launafulltrúa. „Í framhaldinu var mér boðið að taka við nýju starfi starfsmannastjóra. Ég sló til og hef upp frá því verið að sinna starfsmannamálum hjá Samherja. Fyrir örfáum misserum var þetta starfsheiti nútímavætt og kallast nú mannauðsstjóri,“ segir hún.
Anna María sér meðal annars um að öll skip félagsins, átta að tölu séu mönnuð, en sjómenn á þeim eru í allt um 200 talsins. „Það þarf alltaf að vera klár áhöfn fyrir næsta túr og stundum kemur eitthvað upp og menn geta af ýmsum ástæðum ekki tekið túr, þá þarf að finna staðgengla. Þetta getur oft verið púsluspil en sem betur fer erum við með gott fólk og yfirleitt er hægur vandi að manna skipin,“ segir hún en bætir við að skipin séu á sjó allan sólarhringinn, nánast alla daga ársins. „Mannauðsstjórinn þarf þess vegna að vera alltaf til taks á öllum tímum sólarhringsins. Í landvinnslunum hins vegar sjá yfirverkstjórar að mestu um mannaráðningar.“
Fólk með margvíslega menntun að baki
„Það er mikil áhersla lögð á allar tækninýjungar, allt sem gerir vinnuumhverfið betra og auðveldar störfin. Sömu sögu er að segja um öryggismálin og er stöðugt unnið að umbótum varðandi öryggi starfsmanna. Við erum alltaf að huga að því sem betur má fara á öllum sviðum, heilbrigðis- og vinnuverndarmál eru ofarlega á baugi og sífellt verið að leita leiða til að tryggja slysalausa starfsemi,“ segir Anna María.
„Það er að mörgu að hyggja í stóru fyrirtæki, við þurfum á fólki að halda sem aflað hefur sér fjölbreyttrar menntunar og reynslu af öllu tagi,“ bætir hún við og nefnir að það séu alls ekki bara sjómenn og fiskvinnslufólk að störfum í fyrirtækinu.
„Mikið er um að fólk hafi iðnmenntun af einhverju tagi, sem bæði tengist vélum, rafmagni og fleiru. Þá má nefna að hjá fyrirtækinu starfa t.d. vélstjórar, skipstjórnarmenn, dýralæknar, líffræðingar, fiskeldisfræðingar, verkfræðingar, sjávarútvegsfræðingar, hag- og lögfræðingar og er þá fátt eitt talið,“ segir hún um fjölbreytileika starfanna.
Mikilvægt að hafa öfluga skóla í heimabyggð
„Við höfum verið að benda ungu fólki á þau tækifæri sem eru fyrir hendi í sjávarútvegi en þeim standa ýmsar dyr opnar í þeim efnum eins og sést á því hversu fjölbreyttur bakgrunnur okkar starfsfólks er. Það eru sem dæmi mikil og spennandi tækifæri fyrir fólk, sem hefur menntað sig í tæknigreinum, að starfa við sjávarútveg. Við rekum fullkomnar fiskvinnslur og skipaflotinn hefur farið í gegnum mikla endurnýjun á undanförnum árum. Þessi misserin er mikil uppbygging í fiskeldi og Samherji er með stór áform í þeim efnum. Núna er til dæmis verið að ljúka við stækkun Silfurstjörnunnar í Öxarfirði og stór landeldisstöð er í undirbúningi á Reykjanesi. Þessi vaxandi atvinnugrein kallar á starfsfólk, oft á tíðum með umtalsverða menntun eða sérþekkingu,“ segir Anna María.
Hún bendir einnig á að konur hafi á undanförnum árum haslað sér völl innan sjávarútvegs og í vaxandi mæli gegni konur ýmsum stjórnunarstörfum hjá Samherja, þar séu allir vegir færir. Fyrirtækið fékk jafnlaunavottun í fyrsta sinn árið 2019 og segir Anna María að þar hafi mikilvægum áfanga veri náð.Um 30 sjávarútvegsfræðingar menntaðir hjá Háskólanum á Akureyri starfa hjá Samherja við margvísleg störf og eins eru fjölmargir starfsmenn sem lokið hafa námi frá framhaldsskólum bæjarins. „Það er mikilvægt fyrir fyrirtæki eins og Samherja að hafa þessa öflugu skóla í bænum og til að mynda hafa margir sem lært hafa vélstjórn eða aðra iðn hjá Verkmenntaskólanum á Akureyri komið til starfa hjá okkur.“
Sjávarútvegurinn spennandi alþjóðleg atvinnugrein
Anna María segir að áhersla sé lögð á sí- og endurmenntun starfsfólks og eigi það við um námskeið af öllu tagi sem fólki standi til boða að sækja, hvort heldur sem tengist leik eða starfi. Þá hafi starfsfólki sem tali annað tungumál verið boðið upp á íslenskunámskeið sem hafi gagnast því vel við að fóta sig í íslensku samfélagi. „Við höfum líka hvatt okkar sjómenn til að sækja sér menntun í vél- og skipsstjórn, sem hefur skilað góðum árangri. Við bjóðum upp á námssamninga sem auðvelda mörgum að auka við menntun sína. Það er okkur mikils virði að starfsfólk sé ánægt og líði vel í sinni vinnu og fái tækifæri til að efla sig í starfi. Ég hvet ungt fólk eindregið til að huga að sjávarútvegi, störfin í greininni eru svo margþætt auk þess sem þetta er háþróuð alþjóðleg atvinnugrein sem nýtir fullkomnustu tækni á flestum sviðum,“ segir Anna María Kristinsdóttir, mannauðsstjóri Samherja.
Nýjast
-
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns. -
Pólarhestar eru fyrirtæki ársins
Markaðsstofa Norðurlands veitir viðurkenninguna Fyrirtæki ársins til fyrirtækis sem er búið að slíta barnsskónum og hefur skapað sér sterka stöðu á markaði. Fyrirtækið hefur unnið að stöðugri uppbyggingu, vöruþróun og nýsköpun og er með höfuðstöðvar á Norðurlandi. -
Íslenska kerfið framleiðir afbrotamenn
Að refsa einstaklingi fyrir alvarleg afbrot með fangelsisvist, er eitthvað sem flestir geta verið sammála um að sé nauðsynlegt. Fæstir átta sig hins vegar á hve frelsissviptingin ein og sér hefur gríðarleg áhrif á einstakling sem dæmdur hefur verið til vistar í fangelsi og ef betrunarúrræðin eru ekki til staðar er næsta öruggt að sá einstaklingur er lýkur afplánun, kemur út í samfélagið aftur í verra ástandi en hann var í þegar afplánun hófst. Stundum held ég að þessi hópur samfélags okkar sé álitinn hin skítugu börn Evu sem flestir vita af en enginn vill af þeim vita. Eins og að vandamálin hverfi um leið og kveðinn er upp dómur. Allir þeir einstaklingar sem fá á sig dóma eru synir, dætur, bræður, systur og barnabörn einhverra. Að afplána dóm hefur ekki bara gríðarleg áhrif á fangann heldur líka hans nánustu aðstandendur sem ég tel vera algjörlega týndan hóp innan kerfisins. Kerfis sem fyrir löngu er molnað í sundur. Kerfi sem nær ekki að eiga samskipti. Kerfi sem þarf að taka alvarlega til í og snýst hreinlega um líf eða dauða fólksins okkar. -
KOSNINGARÉTTUR
Við vanmetum oft það sem þykir sjálfsagt! Árið 1843 rak kosningaréttur fyrst á fjörur okkar Íslendinga með tilskipun Kristjáns VIII, en eingöngu til karlmanna eldri en 25 ára sem áttu jörð. Það var um 2% íslensku þjóðarinnar. Árið 1857 var ekki lengur þörf á að eiga jörð, nægjanlegt að búa á eigin heimili og borga skatta. Konur virtust ekki vera landsmenn á þessum tíma. -
Afleitt að Sæfari verði í slipp í apríl
Grímseyingar óska eftir aðstoð við að fá aðra tímasetningu en nú er þegar fyrirhugað er að ferjan Sæfari sem siglir milli lands og eyjar fer í slipp, sem er „afleit tímasetning bæði hvað varðar sjávarútveg og sérstaklega slæmt fyrir ferðaþjónustu í eynni,.“ segir í bókun frá íbúafundi sem haldinn var í eyjunni. -
Framkvæmdir að hefjast við innisundlaugina
Framkvæmdir eru hafnar við talsvert umfangsmiklar breytingar á innisundlaugin í Sundlaug Akureyrar. Umhverfis- og mannvirkjaráð hefur samþykkt að taka lægstu tilboðum í lagnir, raflagnir og múrverk en hafnaði aftur á móti tilboðum sem bárust í útboði á verkefnum í húsasmíði og blikksmíði þar sem þau voru hátt yfir kostnaðaráætlun. -
Nytjamarkaður Norðurhjálpar er eins árs
„Þetta var dásamlegur dagur og við erum þakklátar öllu því góða fólki sem styður við bakið á okkur, við erum eiginlega alveg vissar um að við er með langbesta fólki í kringum okkur,“ segir Sæunn Ísfeld Guðmundsdóttir ein þeirra fjögurra kvenna sem reka nytjamarkaðinn Norðurhjálp. -
Fjármagn í hugmyndavinnu við 50 metra innilaug áætluð árið 2028
Ellert Örn Erlingsson forstöðumaður íþróttamála hjá Akureyrarbæ segir að í framkvæmdaáætlun Akureyrarbæjar sé gert ráð fyrir fjármagni árið 2028 til að fara í formlega vinnu við að skoða möguleika og hugmyndir um 50 metra innisundlaug á Akureyri. „Það verður spennandi og skemmtilegt verkefni,“ segir hann. Um tíðina hafi af og til verið umræður við og innan Akureyrarbæjar um hugmyndir um nýja 50 metra innisundlaug.
