13.nóvember - 20.nóvember - Tbl 46
Sitthvað um Glerárbrýrnar
"Það er auðvitað til skammar að láta gömlu brúna grotna svona niður," segir Hjörleifur Hallgríms.
Eftir því hefur verið tekið að gamla Glerárbrúin, sem einu sinni var þjóðleiðin inn í bæinn og byggð var fyrir um 100 árum, hefur ekkert viðhald fengið síðustu mörg ár og er í skelfilegu og ömurlegu ástandi. Töluverð umferð er enn um brúna, t.d. gangandi og hjólandi vegfarendur og þó ekki væri annað en að halda þessu gamla mannvirki við í þokkalegu ástandi, sem þjónaði landsmönum öllum í áraraðir, væri það bara til sóma þeim sem um þetta eiga að sjá.
Ekki hefði t.d. verið úr vegi að nota nokkrar krónur af þeim hundruðum milljóna, sem fóru í umframeyðslu við svokallað Listasafn og eða kaffistofu upp á tugi milljóna, sem virðist hafa verið byggð upp á punt fyrir listaelítuna, og er nú auglýst til leigu vegna þess að sagt er að ekkert er þar að gera, enda um 8-10 kaffihús í næsta nágrenni. Fyrrverandi bæjarfulltrúi, sem var mjög ötull í starfi í sinni tíð í bæjarstjórn og var vanur að láta hendur standa fram úr ermum, tjáði mér að staðið hefði til að gera umbætur á brúnni en þá kom til skjalanna peningamafían, sem hvað upp úr með að 20 milljónir kostaði bara að útfæra lagfæringarnar sem hvert leikskólabarn hefði getað sagt fyrir um.
Nýja Glerárbrúin
Gangandi vegfarendur um nýju brúna þessa, sem tengir Glerárgötu og Hörgárbraut, hafa kvartað undan því að ekki eru sett handrið á gangstéttina, sérstaklega vestan megin á brúnni akbrautarmegin. Þarna sé mikil hætta á ferðum, t.d. á veturnar þegar um snjó og hálku er að ræða að fólki skriki fótur og hættan er þá sú að renna út í akbrautina og verða fyrir næsta bíl.
Hjörleifur Hallgríms
Minni hætta er austan megin á brúnni þar sem gangbrautin er þó ívið breiðari, en hætta samt og væri gott að gera fyrirbyggjandi ráðstafanir þar líka og koma þar einnig upp handriði. Ekki veit ég hvort er við bæjarstjórn að sakast eða Vegagerðina, en brýnt er verkefnið samt og hef ég þá
trú að bæjarstjórnin hafi eitthvað um málið að segja eins og þegar að sett voru upp viðvörunarljós við gangbraut rétt norðar. En auðvitað ekki gert fyrr en slys hafði orðið. En nægur tími er enn til að setja upp handriðin fyrir næsta vetur. Það er nefnilega of seint að birgja brunninn þegar barnið er dottið ofaní.
Og að allt öðru
Eins og flestir vita voru nýverið gerðir kjarasamningar, svokallaðir lífskjarasamningar, þar sem verkafólk og aðrir, sem hafa skammarlega lítið á milli handanna til að lifa af, fengu nokkra kjarabót. Þessir samningar þóttu takast nokkuð vel en ofsjónum sáu nokkrir atvinnurekendur yfir þeim nokkrum krónum sem láglaunafólkinu áskotnaðist og voru fljótir að taka til sinna ósvífnu ráða, m.a. í sambandi við kaupgreiðslur og jafnvel uppsagnir á starfsfólki. Einnig voru sumir í bakarastétt a.m.k. að hluta staðnir að því að áður en blekið var þornað af samningum höfðu þeir hækkað brauðmetið um 6-7% - og það án þess að skammast sín.
Kristjánsbakarí hér í bæ er ekki undanskilið, enda ekki lengur í eigu Akureyringa því það var selt fyrir nokkrum árum til sunnanmanna. Hér vil ég taka skýrt fram að Kristjánsbakarí var stofnað af athafnamanninum Kristjáni heitnum Jónsssyni og var rekið hér á Akureyri í 104 ár af miklum myndarskap af honum og síðar syni hans Snorra og en síðar af sonum Snorra, þeim Birgi og Kjartani, þar til fyrirtækið var selt eins og fyrr segir. Fólk fór að velta þessum brauðhækkunum fyrir sér og þá kom í ljós að Axelsbakarí hér í bæ hafði ekki tekið þátt í þessum ljóta leik.
Undirritaður fór að kynna sér málið og komst að raun um að Axelsbakarí selur mjög góð matarbrauð, m.a. á ekki uppsprengdu verði og fást þau líka víðar. Ekki væri úr vegi að Verkalýðssamtökin og Neytendasamtökin gæfu þessu meiri gaum.
Nýjast
-
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Svik við launafólk: Loforð um samráð brotin með gegndarlausum gjaldskrárhækkunum
Anna Júlíusdóttir formaður Einingar Iðju skrifar bréf til bæjarstjórnar Akureyrar í dag sem birt er að heimasíðu félagsins, það lætur hún í ljós mikla óánægju með boðaðar hækkanir hjá hinum ýmsu fyrirtækjum og stofnunum bæjarins og er óhætt að segja að Önnu sé misboðið. „Við erum tilbúin til uppbyggilegs samtals,“ sögðum við í júlí þegar bæjaryfirvöld á Akureyri boðuðu breytingar á gjaldskrám. Við fögnuðum loforðum um samráð, um víðtækt samtal við hagsmunaaðila og um reglulegt endurmatsferli þar sem allir kæmu að borðinu. Nú aðeins fjórum mánuðum síðar stendur eftir sársaukafullt svik á trausti launafólks. Í stað samtals og samráðs virðast vera að raungerast víðtækar gjaldskrárhækkanir sem eru hrein árás á kaupmátt launafólks. -
Vegamálin liggja þungt á Grímseyingum
Vegamál liggja þungt á heimamönnum í Grímsey. Bundið slitlag var sett á götur þar árið 1994 og aftur árið 2014, en þá var verkið ekki klárað almennilega, „því það mátti bara setja á ákveðið marga kílómetra,“ eins og það er orðað í bókun hverfisnefndar. -
Gripmælar, róbótar og ratleikur á Opnum degi Um 300 framhaldsskólanemendur lögðu leið sína í Háskólann á Akureyri
Stuðið var gífurlegt á dögunum þegar um 300 framhaldsskólanemendur heimsóttu Háskólann á Akureyri á Opnum degi. Skólinn hefur gert þetta í mörg ár í góðu samstarfi við náms- og starfsráðgjafa í framhaldsskólum á norðaustursvæðinu. -
Óska eftir frambjóðendum sem eru tilbúnir í alvöru breytingar!
Ég óska eftir breytingum svo að ég og allir aðrir menntaðir Heilsunuddarar viti hvað við eigum að kjósa í komandi alþingiskosningum. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka.
