Sífellt fleiri ná ekki endum saman og leita aðstoðar hjá Matargjöfum
„Ástandið hefur aldrei verið eins slæmt og núna, það er vaxandi neyð í samfélaginu og því miður alltof margir sem þurfa á aðstoð að halda,“ segir Sigrún Steinarsdóttir sem heldur utan um félagið Matargjafir á Akureyri og nágrenni. Félagið hefur aðstoðað þá sem ná ekki endum saman með matargjöfum og eða innlögnum á kort í matvöruverslun. Fyrir jólin í fyrra nutu 128 manns eða fjölskyldur aðstoðar Matargjafa og höfðu aldrei verið fleiri. Strax fyrstu vikuna í desember höfðu fleiri óskað eftir aðstoð en fengu í fyrra.
Sigrún segir stöðuna virkilega slæma hjá mörgum nú, og í þau níu ár sem hún hefur verið með Matargjafir á sinni könnu hafi hún aldrei séð það svartara. „Við veittum mörgum aðstoð í fyrra, og þá hafði talan aldrei verið jafn há. Ég átti von á aukningu milli ára miðað við hvernig efnahagsástandið hefur þróast, en staðan er þannig að það er ekkert lát á umsóknum og ég veit satt best að segja ekki í hvað stefnir,“ segir hún.
Versnandi efnahagsástand kemur niður á öllum
Versnandi efnahagsástand, verðbólga, hækkandi matarverð og háir vextir gera líka að verkum að þeir sem lagt hafa Matargjöfum lið finna líka fyrir því að æ erfiðara verður að framfleyta sér og sínum. „Við höfum mjög góðan hóp bakhjarla sem lagt hafa okkur lið og án þeirra hefði þetta ekki tekist öll þessi ár. En því er ekki að neita að þetta ástand sem ríkir kemur niður á öllum, það finna allir fyrir þessu og það eru margir sem hafa lítið aflögu til að gefa. Við finnum fyrir því líka.“
Sigrún segir að í fyrsta sinn nú í ár hafi verið efnt til viðburða þar sem aðgangseyrir rennur til Matargjafa, það sé ánægjuleg nýjung og hún mjög þakklát fyrir það. Sem dæmi var á dögunum Gong slökun og þá eru tónleikar í kvöld þar sem ágóði er eyrnamerktur Matargjöfum. „Við höfum ekki áður notið góðs af slíkum en félagið er sýnilegra núna en áður og þetta er breyting sem við njótum góðs af og þökkum fyrir.“
Hátt í 250 beiðnir á mánuði
Þeim sem óska aðstoðar hefur smám saman farið fjölgandi og segir Sigrún að hún hafi nú síðustu mánuði fengið hátt í 250 beiðnir á mánuði. Reynt er að leggja fólki lið með innlögnum á bónuskort og matargjöfum. Sigrún leggur mikið upp úr því að þeir sem þiggja og þeir sem gefa hittist ekki og henni hugnast ekki að sjá fólk í neyð í biðröð eftir matarúthlutun.
„Það er mikið um beiðnir núna fyrir jólin en ég held í bjartsýnina og vona svo sannarlega að líkt og áður nái ég að klóra mig fram út þessu með aðstoð frá öllu því góða fólki sem býr hér í samfélaginu. Það er sem betur fer margt fólk hér um slóðir sem vill láta gott af sér leiða,“ segir Sigrún.
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
