20. nóvember - 27. nóvember - Tbl 47
Sérnám í hjúkrun við SAk
Á myndinni er Valdís Ösp hjúkrunarfræðingur ásamt Kristínu Ósk Ragnarsdóttur deildarstjóra bráðamóttöku SAk. Mynd SAk
Leiðsagnarár til sérfræðiviðurkenningar eða „sérnám“ í hjúkrun er nú í boði árlega á Sjúkrahúsinu á Akureyri. Markmið sérnáms er að hjúkrunarfræðingar fái tækifæri til að þróa sérfræðiþekkingu á ákveðnu klínísku fræðasviði sem nýtist skjólstæðingum SAk. Að því tilefni skrifuðu tveir hjúkrunarfræðingar ásamt deildarstjórum, fræðslustjóra SAk og framkvæmdastjóra hjúkrunar undir samning á dögunum um að hefja sitt sérnám við SAk.
„Þetta tækifæri styrkir stöðu hjúkrunar á SAk til muna og eflir starfið í heild sinni. Með þessu erum við að leggja enn meiri áherslu á framgang sérfræðiþekkingar í hjúkrun á sjúkrahúsinu sem mun skila sér í auknum gæðum hjúkrunar,“ segir Hulda Sigríður Ringsted framkvæmdastjóri hjúkrunar.
Sérnámshjúkrunarfræðingar fá í samráði við deildarstjóra allt að 20% svigrúm af sínum vinnutíma yfir vetrarmánuðina til að vinna að markmiðum sínum í sérfræðináminu. Skipuð er tveggja til þriggja manna leiðsagnarnefnd fyrir hvern nema. Í henni á sæti að lágmarki einn sérfræðingur í hjúkrun en aðrir geta verið heilbrigðisstarfsmenn sem tengjast áherslum á klínísku sviði nemans.
Meginþættir sérfræðinámsins eru klínískt starf, fræðsla, ráðgjöf, rannsóknir, gæða- og þróunarstörf. Einnig er rík áhersla á leiðtoga- og forystuhlutverk sérfræðinga í hjúkrun.
-
Í fyrri hluta sérfræðinámsins er lögð áhersla á klínískt starf, öflunar sérþekkingar, fræðslu og gæðavinnu.
-
Í seinni hluta námsins er lögð aukin áhersla á fræðilega vinnu, m.a. rannsóknarvinnu og innleiðingu á nýjungum í klínísku starfi í samræmi við bestu þekkingu sem völ er á.
Gert er ráð fyrir að hluta sérfræðinámsins sé rannsókna- og fræðastarf í víðum skilningi, s.s. virk þátttaka í rannsókn á viðkomandi sérsviði, greinaskrif úr rannsóknarverkefni, gerð rannsóknaráætlunar, þátttaka í gerð gagnreyndra leiðbeininga, þar með talið gæðaskjala og þátttaka í Vísindadegi SAk.
Heimasíða SAk sagði frá.
Nýjast
-
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni.
