13.nóvember - 20.nóvember - Tbl 46
„Sáum möguleikana þarna í skóginum“
Skógarböð munu opna í Eyjafirði. Tölvuteikning/Basalt Arkitektar
Hjónin Sigríður María Hammer og Finnur Aðalbjörnsson festu kaup á landi austan við Eyjafjörð í september á síðasta ári og hafa nú ráðist í miklar framkvæmdir. Þann 11. Febrúar á næsta ári hyggjast þau opna svo kölluð Skógarböð og nýta þannig heitt vatn sem rennur frá Vaðlaheiðargöngum og út í sjó.
Sigríður segir í samtali við Vikublaðið að framkvæmdirnar gangi vel. Undanfarið hafi verið unnið í lögnum og til standi að reisa á næstunni.
Gamall draumur
„Þetta er eitthvað sem er búið að blunda í okkur hjónunum lengi. Við erum svoddan vatnskempur bæði. Við höfum ferðast víða um heiminn og innan lands og skoðað mörg svona böð,“ segir Sigríður aðspurð um hvers vegna þau ráðist í þessa miklu fjárfestingu. „Svo kannski fæddist þessi hugmynd þegar við keyptum þetta land og sáum möguleikana þarna í skóginum.“
Þau keyptu landið reyndar ekki með það í huga að opna náttúruböð í skóginum. „Þetta er fallegt land og þegar við fórum að labba þarna um í skóginum þá var þetta bara svo brilljant staður og hentar svona vel. Auðvitað er þetta vatn sem rennur frá göngunum búið að renna þarna í mörg ár og það hafa verið áform hér í bænum um að gera eitthvað. En það hefur ekki drifið neitt og öllum fundist það mjög leiðinlegt að vatnið haldi bara áfram að renna út í sjó,“ útskýrir Sigríður.
Hún segir að vatnið sem rennur úr göngunum henti mjög vel í þessa starfsemi. „Miðað við mælingar sem snúa að vatninu þá mun vatnið vera um 38 til 40 gráður í pottinum.“
Góð viðbót í heilsársferðaþjónustu
Náttúruböð hafa verið vinsæl á Íslandi undanfarin ár og er þau að finna víða um land. Sigríður segir að öll þessi böð styðji bara við hvert annað og að Skógarböðin verði góð viðbót í flóruna. „Þetta verður ekki bara fyrir erlenda ferðamenn. Það er oft mikið um að vera á Akureyri, alls konar íþróttamót og alls konar viðburðir allt árið þar sem fólk streymir hingað af suðvesturhorninu. Þá held ég að skógarböðin verði kærkomin viðbót við afþreyingaframboðið á Akureyri.“
Nýjast
-
50 ára afmælisfagnaður Geðverndarfélags Akureyrar
Geðverndarfélag Akureyrar hélt upp á 50 ára afmæli sitt nýverið, en félagið var stofnað þann 15. desember 1974. Um 50 manns mættu í fagnaðinn, hlýddu á fróðleg erindi, nutu lifandi tónlistar og glæsilegra veitinga. -
Tónkvíslin, söngkeppni Framhaldsskólans á Laugum fer fram í kvöld
Tónkvíslin, söngkeppni Framhaldsskólans á Laugum er meðal stærstu menningarviðburða á Norðausturlandi. Tónkvíslin verður haldin í 18. skipti í kvöld 16. nóvember. Sigurvegari keppninnar keppir fyrir hönd skólans í söngkeppni framhaldsskólanna, þar sem margar stjörnur hafa einmitt stigið sín fyrstu skref. Þar má meðal annars nefna Birgittu Haukdal sem flestum landsmönnum er vel kunn. -
Bakþankar bæjarfulltrúa Því ekki að gera tilraun?
Það snjóaði um daginn. Götur urðu flughálar. Og ég dreif mig með bíl konu minnar í dekkjaskipti. Þú kemst að eftir tíu daga, var svarið sem ég fékk. -
Það sem Húsavíkingar gera best
Bjóða íbúa Manchester velkomna í bæinn -
Dagur íslenskrar tungu í Nonnahúsi
Barnabókarithöfundurinn Jón Sveinsson, Nonni, fæddist 16. nóvember 1857. Af þessu tilefni er boðið til afmælis á æskuheimili hans, Nonnahúsi, á afmælisdaginn milli 12 og 14. -
Fyrirséð að álag á fráveituna verður mikið
Talsverður viðbúnaður er á Akureyri vegna veðurs sem nú gengur yfir svæðið. Líkur eru á að svipað ástand geti skapast og í september 2022 þegar sjór gekk á land á Eyrinni með umtalsverðum afleiðingum. Margt er líkt með veðrinu sem spáð er í kvöld og þeim aðstæðum sem þá sköpuðust. -
Úrslit í ritlistakeppni Ungskálda 2024
Dómnefnd mun kunngera úrslit í ritlistasamkeppni Ungskálda 2024 við hátíðlega athöfn í Amtsbókasafninu á Akureyri. Athöfnin fer fram á degi íslenskrar tungu, laugardaginn 16. nóvember kl. 14. Léttar veitingar verða í boði að athöfn lokinni og einnig verður tónlistarflutningur frá Elíasi Dýrfjörð sem leikur á kontrabassa. Öll velkomin á athöfnina. -
Þrír konungar frá Skarðaborg
Haustið er að baki og vetur konungur hefur tekið völdin amk. fyrst um sinn Sauðfé hefur haft það gott á beitinni, enda fyrri hluti nóvember óvenju hlýr. Hrútar fara á gjöf í vikunni á flestum bæjum og sumir bændur eru farnir að rýja féð inn. Þessir „konungar“ í Skarðaborg í Reykjahverfi eru vel ullaðir og þó næði kuldaél þá verður þeim ekki kalt í sinni kápu. Vonandi verður veturinn mildur, en bæði bændur og búalið þurfa á því að halda eftir kalt og rigningasamt sumar. -
Um 200 manns kynntu sér starfsemi Pharmarctia á Grenivík
Um 200 manns komu við á opnu húsi hjá fyrirtækinu Pharmarctia á Grenivík um liðna helgi. Þá var formlega tekið í notkun 1500 fermetra viðbótarhúsnæði sem gestum og gangandi bauðst að skoða jafnframt því að kynna sér starfsemi félagins.
