13.nóvember - 20.nóvember - Tbl 46
Bakþankar bæjarfulltrúa Því ekki að gera tilraun?
Jón Hjaltason skrifar
Það snjóaði um daginn. Götur urðu flughálar. Og ég dreif mig með bíl konu minnar í dekkjaskipti. Þú kemst að eftir tíu daga, var svarið sem ég fékk.
Og það stóð heima, þegar naglarnir voru komnir undir voru götur bæjarins orðnar marauðar. Og þó ekki. Í köntum mátti víða sjá mósku-skít-gráan snjó og rykský lá víða yfir svo engu var líkara en að bíll konu minnar færi um gömlu góðu malarvegina – og það í miðjum kaupstaðnum. Talandi um svifryksmengun.
Og enn sjáum við leifar hálkuvarnanna, sand-drullu-manir á götunum okkar.
Ég spyr: Skýtur það ekki skökku við að setja niður götu-þröskulda víðs vegar um bæinn einmitt til að drepa niður umferðarhraða en þegar náttúran leggur okkur lið bregðumst við öndvert við og gerum allt sem í okkar valdi stendur til að ökumenn geti farið sem hraðast um?
Því ekki að gera tilraun, látum vera einn vetur að sandbera?
Nei, það gengur ekki hefur mér verið bent á. Sjúkrahúsið mun þá troðfyllast af beinbrotnu fólki.
Allt í lagi, hálkuverjum gangstéttir en ekki umferðargötur.
Nei, það gengur ekki heldur, sjáðu bara öll gilin.
Við bara lokum þeim þessa örfáu daga sem þau eru til vandræða. Höfum líka hugfast að ætla má að 80% bílaflota bæjarbúa sé búinn nagladekkjum þegar vetrar. Akureyri er nagladekkjabær.
Hvernig væri nú að bæjaryfirvöld og Vegagerðin tækju höndum saman um að prófa einn sandlausan vetur? Látum náttúruna hafa sinn gang og hættum að menga umhverfið með öllum þeim kostnaði og heilsuspillandi áhrifum sem svifrykið hefur.
Jón Hjaltason
Óháður
Nýjast
-
50 ára afmælisfagnaður Geðverndarfélags Akureyrar
Geðverndarfélag Akureyrar hélt upp á 50 ára afmæli sitt nýverið, en félagið var stofnað þann 15. desember 1974. Um 50 manns mættu í fagnaðinn, hlýddu á fróðleg erindi, nutu lifandi tónlistar og glæsilegra veitinga. -
Tónkvíslin, söngkeppni Framhaldsskólans á Laugum fer fram í kvöld
Tónkvíslin, söngkeppni Framhaldsskólans á Laugum er meðal stærstu menningarviðburða á Norðausturlandi. Tónkvíslin verður haldin í 18. skipti í kvöld 16. nóvember. Sigurvegari keppninnar keppir fyrir hönd skólans í söngkeppni framhaldsskólanna, þar sem margar stjörnur hafa einmitt stigið sín fyrstu skref. Þar má meðal annars nefna Birgittu Haukdal sem flestum landsmönnum er vel kunn. -
Bakþankar bæjarfulltrúa Því ekki að gera tilraun?
Það snjóaði um daginn. Götur urðu flughálar. Og ég dreif mig með bíl konu minnar í dekkjaskipti. Þú kemst að eftir tíu daga, var svarið sem ég fékk. -
Það sem Húsavíkingar gera best
Bjóða íbúa Manchester velkomna í bæinn -
Dagur íslenskrar tungu í Nonnahúsi
Barnabókarithöfundurinn Jón Sveinsson, Nonni, fæddist 16. nóvember 1857. Af þessu tilefni er boðið til afmælis á æskuheimili hans, Nonnahúsi, á afmælisdaginn milli 12 og 14. -
Fyrirséð að álag á fráveituna verður mikið
Talsverður viðbúnaður er á Akureyri vegna veðurs sem nú gengur yfir svæðið. Líkur eru á að svipað ástand geti skapast og í september 2022 þegar sjór gekk á land á Eyrinni með umtalsverðum afleiðingum. Margt er líkt með veðrinu sem spáð er í kvöld og þeim aðstæðum sem þá sköpuðust. -
Úrslit í ritlistakeppni Ungskálda 2024
Dómnefnd mun kunngera úrslit í ritlistasamkeppni Ungskálda 2024 við hátíðlega athöfn í Amtsbókasafninu á Akureyri. Athöfnin fer fram á degi íslenskrar tungu, laugardaginn 16. nóvember kl. 14. Léttar veitingar verða í boði að athöfn lokinni og einnig verður tónlistarflutningur frá Elíasi Dýrfjörð sem leikur á kontrabassa. Öll velkomin á athöfnina. -
Þrír konungar frá Skarðaborg
Haustið er að baki og vetur konungur hefur tekið völdin amk. fyrst um sinn Sauðfé hefur haft það gott á beitinni, enda fyrri hluti nóvember óvenju hlýr. Hrútar fara á gjöf í vikunni á flestum bæjum og sumir bændur eru farnir að rýja féð inn. Þessir „konungar“ í Skarðaborg í Reykjahverfi eru vel ullaðir og þó næði kuldaél þá verður þeim ekki kalt í sinni kápu. Vonandi verður veturinn mildur, en bæði bændur og búalið þurfa á því að halda eftir kalt og rigningasamt sumar. -
Um 200 manns kynntu sér starfsemi Pharmarctia á Grenivík
Um 200 manns komu við á opnu húsi hjá fyrirtækinu Pharmarctia á Grenivík um liðna helgi. Þá var formlega tekið í notkun 1500 fermetra viðbótarhúsnæði sem gestum og gangandi bauðst að skoða jafnframt því að kynna sér starfsemi félagins.
