20. nóvember - 27. nóvember - Tbl 47
Salan á Norðlenska Kjarnafæðis rædd á starfsmannafundi í dag
Frá kjötvinnslu Norðlenska Kjarnafæðis. Mynd úr safni.
Eins og Vikublaðið greindi frá í gær fyrst miðla samþykktu hluthafar í Kjarnafæði Norðlenska hf. tilboð Kaupfélags Skagfirðinga um kaup á allt að 100% hlutafjár í Kjarnafæði Norðlenska hf.
Í tilkynningu sem birt var á vef Morgunblaðsins kemur fram að Hluthafar Búsældar ehf., félags bænda sem er eigandi rúmlega 43% hlutafjár, munu ákveða hver fyrir sig hvort þeir selji sína hluti en Eiður Gunnlaugsson, eigandi rúmlega 28% hlutafjár, og Hreinn Gunnlaugsson, eigandi rúmlega 28% hlutafjár, munu selja allt sitt hlutafé.
Morgunblaðið hefur eftir tilkynningunni að meginmarkmið viðskiptanna sé að auka hagkvæmni, lækka kostnað við slátrun og úrvinnslu kjötafurða og auka þannig skilvirkni og samkeppnishæfni innlendrar matvælaframleiðslu bændum og neytendum til hagsbóta.
Kjarnafæði Norðlenska rekur í dag sláturhús og kjötvinnslustöðvar á Húsavík, Svalbarðseyri, Akureyri og Blönduósi. Kaupfélag Skagfirðinga er í samskonar starfsemi á Sauðárkróki, Hvammstanga, Reykjavík og Hellu.
Haft er eftir Ágústi Torfa Haukssyni, framkvæmdastjóra Kjarnafæðis Noðrlenska að viðskiptin séu rökrétt framhald af nýlegum lögum sem heimila framleiðendafélögum að sameinast og hafa með sér verkaskiptingu. „Nú er það verkefni starfsfólks félaganna að raungera þessa hagræðingarmöguleika íslenskum landbúnaði og neytendum til heilla,“ er haft eftir Ágústi Torfa í tilkynningunni.
Boðað hefur verið til starfsmannafundar vegna viðskiptanna klukkan 11:30 í dag en samkvæmt heimasíðu Kjarnafæðis starfa á fjórða hundrað starfsmenn hjá sameinuðu félagi Kjarnafæðis Norðlenska.
Uppfært eftir starfsmannafund:
Haft er eftir Ágústi Torfa á RÚV að engar uppsagnir séu í farvatninu hjá fyrirtækinu. „Nei, það væri mjög einkennilegt. Ég held að fyrirtækið sé afskaplega gott, ágætlega rekið og hefur á að skipa mjög góðu starfsfólki. Þannig ég held það verði engar breytingar hvað það varðar,“ segir hann í viðtali við fréttastofu RÚV.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
