SAk - Færri ferðamenn hafa leitað á bráðamóttöku í ár
„Það eru alltaf sveiflur í starfseminni. Árið 2023 einkenndist af miklu álagi og gríðarlega mikilli rúmanýtingu en árið í ár er nær því sem eðlilegt þykir á bráðadeildum en oft er talið að um 85% rúmanýting sé eðlilegt viðmið,“ segir Hildigunnur Svavarsdóttir forstjóri Sjúkrahússins á Akureyri.
Töluverð fækkun hefur verið í komum og innlögnum ósjúkratryggða á Sjúkrahúsið á Akureyri, þ.e. ferðamanna miðað við sama tíma í fyrra. Tæplega 400 slíkir hafa leitað á bráðamóttökuna og 54 verið lagðir inni á tímabilinu frá janúar til loka júlí. Á sama tímabili í á liðnu ári höfðu 460 ósjúkratryggðir einstaklingar leitað á bráðamóttöku og 69 verið lagðir inn. Helsta skýring þar á er að færri ferðamenn eru á ferðinni nú í ár en var í fyrra.
Getur breyst
„Fækkun ferðamanna á landsvísu endurspeglast í komum til okkar en það má ekki heldur gleyma því að sumarið er ekki búið og allt getur breyst,“ segir Hildigunnur.
Í starfsemistölum frá Sjúkrahúsinu á Akureyri fyrir fyrstu sjö mánuði ársins kemur fram að um 15% fækkun er á milli ári þegar kemur að fjölda dvalardaga. Þeir voru ríflega 15.100 og að sama skapi fækkar sjúklingum sem þurftu að leggjast inn á þessu tímabili um 10% Einstaklingar dveljast einnig skemur á sjúkrahúsinu en var og er meðalfjöldi dvalardaga 4,5 dagar samanborið við 4,7 í fyrra.
Að meðaltali eru um fimm til sex sjúklingar inniliggjandi á hverjum tíma sem eru búnir í meðferð og bíða eftir endurhæfingu eða plássi á hjúkrunarheimili.
Færri sjúklingar og betri rúmanýting
Ef horft er til rúmanýtingar deilda þá er hún mun minni á öllum deildum. Lyflækningadeild er með 90% nýtingu, skurðlækningadeild með rúmlega 79% og geðdeild með tæplega 65% yfir tímabilið janúar til júlí. Ástæðan er sú sama að útskriftir eiga sér stað fyrr en áður og rúmanýting þannig betri auk þess sem sjúklingar eru færri.
Tæplega 7.700 einstaklingar hafa fengið þjónustu á göngudeild, þar af 1.410 vegna krabbameinslyfjagjafar, samanborið við 1.270 lyfjagjafir í fyrra en stöðug aukning hefur verið í þessari þjónustu.
Fram kemur í starfsemistölum Sjúkrahússins á Akureyri að fæðingum hefur fjölgað í ár, á fyrstu sjö mánuðum ársins höfðu 336 börn fæðst en voru 229 í fyrra.
Nýjast
-
Verðkönnun vegna Húsavíkurflugs
Vegagerðin hefur sent út verðkönnun til nokkurra flugfélaga hér á landi varðandi áætlunarflug á milli Húsavíkur og Reykjavíkur. Frestur til að skila inn svörum rennur út á morgun, fimmtudag og samkvæmt upplýsingum frá Vegagerðinni verður ákvörðun tekin í framhaldi af því. -
Framtíðin er núna
Það er áhugavert að heyra hvernig flestir stjórnmálamenn tala um „málefni ungs fólks“. Þeir setja mynd á Instagram um námslán eða halda málfund um fæðingarorlof. Kannski er þessi umfjöllun upplýsandi fyrir einhvern, en fyrir flestum sem tilheyra hópnum „ungt fólk“ eru hún frekar undarleg – vegna þess að hagsmunir ungs fólks afmarkast ekki við einstök loforð, þeir eru hagsmunir allra. -
Styrkur frá starfsmönnum ÍME
Starfsmannafélag Íþróttamiðstöðvar Eyjafjarðarsveitar stóð fyrir fjársöfnun í bleikum október til handa Krabbameinsfélagi Akureyrar og nágrennis. -
Stóri fýlupósturinn eða allt er gott sem endar vel :-)
Í Kjarnaskógi hafa starfsmenn Skógræktarinnar tekið gleði sína á ný og við þá líka en ekki hvað, enda fátt betra en það sem endar vel. Þetta hér fyrir neðan má lesa á Fb vegg þeirra í morgun. -
Safnar gripum sem framleiddir voru á Plastiðjunni og Iðjulundi
Sigurrós Tryggvadóttir, iðjuþjálfi á Plastiðjunni Bjargi Iðjulundi (PBI) er í viðtali á heimasíðu Akureryarbæjar þar sem hún segir frá söfnun sem hún stendur fyrir á gömlum framleiðsluvörum frá PBI. -
Æi stundum er fólk alltof upptekið af þvi að sýna að það sé fxxl
Tilgangslaus skemmdarverk sem gera ekkert annað en svekkja saklausa fara í taugarnar á öllu venjulegu fólki. Það er þvi engin furða að starfsfólk Skógræktarfélagsins hafi verið pirrað í dag eins og lesa má hér fyrr neðan. -
Hagnaður bankanna gríðarlegur en samfélagsleg ábyrgð engin
Trúnaðarráð Félags verslunar- og skrifstofufólks Akureyri og nágrenni (FVSA) og Sjómannafélag Eyjafjarðar ítreka nauðsyn þess að sveitarfélögin sýni ábyrgð og styðji við kjarasamninga með því að halda aftur af hækkunum á gjaldskrám. -
Hver verður þingmaður þinn?
Þegar kosningabaráttan nær hámarki og fjöldi kjósenda er enn óákveðinn, er eðlilegt að spyrja sig: „Hvernig tek ég rétta ákvörðun á kjördag?“ Margir kjósendur eru orðnir þreyttir á óljósum kosningaloforðum sem gætu aldrei orðið að veruleika. Þrátt fyrir það þurfa stjórnmálaflokkar að kynna stefnu sína og sýna hvernig þeir vilja leiða þjóðina til betri vegar. En er það nóg? Er rétt að treysta eingöngu á kosningapróf eða stór loforð? Kannski er kominn tími til að horfa meira til fólksins sem við setjum í lykilstöður. -
Grímseyingar fá 300 tonna viðbótar aflaheimildir án vinnsluskyldu
Byggðastofnun hefur auglýst viðbótaraflaheimildir án vinnsluskyldu fyrir Grímsey, allt að 300 þorskígildistonn fyrir fiskveiðiárin 2024/2025, 2025/2026 og 2026/2027.
