Saga Kennedybræðra í nýrri bók
„Fyrst og fremst var afskaplega gaman að vinna þessa bók með þeim bræðrum. Þeir eru húmorískir og taka sig ekki alltaf mjög hátíðlega og það er nokkuð ljóst að þessi eiginleiki hefur nýst þeim vel í öllum þeirra störfum,“ segir Óskar Þór Halldórsson um nýja 370 blaðsíðna bók sem hann hefur skrifað um hina akureyrsku Kennedybræður; Baldur, Vilhelm, Birgi, Skúla og Eyjólf. Bókin, sem Almenna bókafélagið gefur út, er væntanleg á markaðinn í lok nóvember.
Frá Þórshöfn til Akureyrar
„Fyrir utan fjölskyldutengslin er fyrirtækið sem þrír þeirra byggðu upp, Höldur/Bílaleiga Akureyrar, sem rauður þráður í lífi bræðranna. Þann rekstur settu þrír þeirra, Villi, Skúli og Biggi, á stofn árið 1974 og Baldur og Eyfi störfuðu einnig við fyrirtækið. Eyfi meira og minna frá byrjun hér á Akureyri en Baldur stýrði útibúi Bílaleigu Akureyrar í Reykjavík þegar það var sett á stofn snemma árs 1977. Skúli byrjaði að leigja út bíla árið 1966, til hliðar við sín daglegu störf í Landsbankanum á Akureyri, og einnig fóru Villi og Biggi líka að leigja út bíla til hliðar við sín störf. Þetta jókst stig af stigi og að því kom árið 1974 að þeir ákváðu að henda sér út í djúpu laugina og stofna um þetta fyrirtæki. Eitt leiddi af öðru og á undraskömmum tíma var þetta orðin stærsta bílaleiga landsins og svo er enn.
Auðvitað er þessari viðskiptasögu gerð skil í bókinni og á margan hátt er hún stórmerkileg og mikilsverður kafli í atvinnusögu Akureyrar. En þeir bræður segja líka frá mörgum öðrum áhugaverðum hlutum. Fjölskyldan flutti frá Þórshöfn á Langanesi til Akureyrar á haustdögum 1945 en þar höfðu þrír bræðranna, Villi, Biggi og Skúli, fæðst. Baldur, sá elsti, fæddist á ættaróðali móðurættar þeirra á Ásgrímsstöðum í Hjaltastaðaþinghá, en Eyfi, sá yngsti, fæddist á Akureyri. Það var ýmislegt brallað í uppvextinum á Þórshöfn og síðar eftir að fjölskyldan fluttist til Akureyrar. Þeir bræður bregða upp skemmtilegri mynd af Akureyri á sínum uppvaxtarárum þar sem kraftmiklir krakkar fengu útrás í leikjum og íþróttum daginn út og inn. Þeir komu heldur betur við sögu í íþróttum, t.d. skíðum, skautum og fótbolta, og það er dregið fram í bókinni,“ segir Óskar Þór.
Dramatískir atburðir
Frá ýmsum dramatískum hlutum er einnig sagt ítarlega í bókinni, t.d. þegar Villi steyptist á vélsleða sínum ofan í gljúfur Skjálfandafljóts og því kraftaverki að hann skyldi komast lífs af úr þeim raunum. Einnig segir frá tveimur ótrúlegum slysum sem Eyfi lenti í. Í öðru þeirra fékk hann loftsnetsstöng upp í nefið og var með bút úr henni í höfðinu í þrjá mánuði án þess að hafa hugmynd um það.
„Það er von mín að lesendur muni hafa ánægju af því að lesa bókina. Ég hef haft það að leiðarljósi að frásagnargleði bræðranna skili sér á síðunum og einnig er að finna í bókinni frásagnir fjölmargra annarra sem hafa unnið með þeim bræðrum í gegnum tíðina. Ég legg mikið upp úr myndum og því eru í bókinni um þrjú hundruð ljósmyndir. Þær styðja mjög við frásögnina enda er það nú svo að myndir segja alltaf meira en mörg orð. Fjölmargar þessara mynda hafa ekki birst áður,“ segir Óskar Þór Halldórsson.
Nýjast
-
FVSA kannar áhuga stéttarfélaga á Norðurlandi til sameiningar
„Þetta er hugmynd sem vert er að skoða og fróðlegt að sjá hver viðbrögð félaganna verða,“ segir Eiður Stefánsson, formaður Félags verslunar- og skrifstofufólks á Akureyri og nágrenni (FVSA). Nýlega sendi hann erindi til tíu stéttarfélaga á Norðurlandi til að kanna vilja þeirra til samtals um útfærslu á öflugu deildarskiptu stéttarfélagi á svæðinu. -
Reynsla mín af smíðakennslu á Akureyri. Aldarfjórðungur í baksýn.
Í Menntastefnu Akureyrarbæjar segir: „Verkviti er gert hátt undir höfði til þess að börn nái í síauknum mæli að tengja saman hug og hönd í skapandi umhverfi. Akureyrarbær hefur ríkan metnað til þess að í hverjum skóla starfi hæft og öflugt fólk og að eftirsóknarvert sé að starfa þar. Stuðningur skólayfirvalda við starfsþróun leikur þar stórt hlutverk“. Skipulag skóla gerir ráð fyrir samvinnu starfsfólks, sveigjanleika í skipulagi, teymiskennslu og samþættingu námsgreina“ (Menntastefna Akureyrarbæjar, 2020-2025). -
Örugg skref um allt land.
Heilbrigðiskerfið okkar er hjartað í því velferðarsamfélagi sem tekist hefur að byggja upp á Íslandi. Á yfir 40 fundum sem Samfylkingin bauð til um allt land til að ræða heilbrigðis- og öldrunarmál var ljóst að sinnuleysi og fyrirhyggjuskortur undanfarinna ríkisstjórna er að hola innan öryggistilfinningu fólks. Ekki síst í okkar kjördæmi þar sem vegalengdir eru langar, veður viðsjál og langt til Reykjavíkur. Að heilsugæslan neyðist til að reiða sig á íhlaupalækna til að bjarga vandanum tímabundið stoðar lítt. Það byggir ekki upp það traust og samfellu sem þarf til að fólk njóti þess margháttaða ávinnings sem rannsóknir hafa sýnt að fylgi því að hafa fastan heimilislækni. Enda settum við það sem okkar fyrsta heit í nýju framkvæmdaplani heilbrigðismála til tveggja kjörtímabila. Við erum tilbúin. -
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Svik við launafólk: Loforð um samráð brotin með gegndarlausum gjaldskrárhækkunum
Anna Júlíusdóttir formaður Einingar Iðju skrifar bréf til bæjarstjórnar Akureyrar í dag sem birt er að heimasíðu félagsins, það lætur hún í ljós mikla óánægju með boðaðar hækkanir hjá hinum ýmsu fyrirtækjum og stofnunum bæjarins og er óhætt að segja að Önnu sé misboðið. „Við erum tilbúin til uppbyggilegs samtals,“ sögðum við í júlí þegar bæjaryfirvöld á Akureyri boðuðu breytingar á gjaldskrám. Við fögnuðum loforðum um samráð, um víðtækt samtal við hagsmunaaðila og um reglulegt endurmatsferli þar sem allir kæmu að borðinu. Nú aðeins fjórum mánuðum síðar stendur eftir sársaukafullt svik á trausti launafólks. Í stað samtals og samráðs virðast vera að raungerast víðtækar gjaldskrárhækkanir sem eru hrein árás á kaupmátt launafólks. -
Vegamálin liggja þungt á Grímseyingum
Vegamál liggja þungt á heimamönnum í Grímsey. Bundið slitlag var sett á götur þar árið 1994 og aftur árið 2014, en þá var verkið ekki klárað almennilega, „því það mátti bara setja á ákveðið marga kílómetra,“ eins og það er orðað í bókun hverfisnefndar. -
Gripmælar, róbótar og ratleikur á Opnum degi Um 300 framhaldsskólanemendur lögðu leið sína í Háskólann á Akureyri
Stuðið var gífurlegt á dögunum þegar um 300 framhaldsskólanemendur heimsóttu Háskólann á Akureyri á Opnum degi. Skólinn hefur gert þetta í mörg ár í góðu samstarfi við náms- og starfsráðgjafa í framhaldsskólum á norðaustursvæðinu. -
Óska eftir frambjóðendum sem eru tilbúnir í alvöru breytingar!
Ég óska eftir breytingum svo að ég og allir aðrir menntaðir Heilsunuddarar viti hvað við eigum að kjósa í komandi alþingiskosningum. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni.
