13.nóvember - 20.nóvember - Tbl 46
Róttæk landbúnaðarstefna
Björgvin E. Vídalín, oddviti Frjálslynda Lýðræðisflokksins í Norðausturkjördæmi
Landbúnaðarstefna Frjálslynda Lýðræðisflokksins er róttæk en er einnig mjög góð byggðastefna.
Stefna okkar gengur út á að styrkir til landbúnaðar fari á lögbýli en ekki afurð.
Það gefur ábúanda frelsi til að vinna að þeirri framleiðslu sem hentar best hverjum ábúanda sem og hentar best á þeirri jörð sem búið er á.
Þetta þýðir t.d. að ekkert kvótabrask verður til staðar og frelsi til athafna eykst til muna. Til að lifa af landinu þarf ekki endilega að fjölga skepnum, heldur að auka verðmæti afurðar þeirri sem býlið gefur af sér.
Það gerir einnig ungu fólki auðveldra með að setjast að um landið allt.
Samhliða þessu verður að einfalda það regluverk sem við búum við til að greiða fyrir því að bændur geti fullunnið sýnar afurðir.
Því það gengur ekki lengur að afkoma bænda standi og falli með afurðaverði því sem afurðastöðvar skammta.
Bóndinn getur hins vegar auðvitað ákveðið að leggja inn sína afurð hjá afurðastöðum ef vilji er til þess. En með því að setja styrkinn á býlið er það bóndinn sem ræður hvort hann er með sauðfé, kýr, fiskeldi, garðyrkju, ylrækt, svínabú, eggjabú eða einfaldlega hvað eina sem hugurinn ber viðkomandi.
Slík stefna er einnig góð stefna í nýsköpun hvers konar því mikil tækifæri eru á landinu í t.d. matartengdri ferðaþjónustu sem og upplifunar ferðaþjónustu.
Okkar útfærsla á þessu gerir ráð fyrir, að til að fá slíkan styrk þarf í það minnsta að skila sem svarar einu ársverki og ef þau eru fleiri ársverkin þá sé gulrót á endanum í formi auka styrks. Við verðum nefnilega að fá landið allt í byggð og nýtingu, það er besta umhverfisstefnan að yrkja landið.
Okkar stefna gengur líka út á að ef þú átt jörð, þá skaltu eiga þar lögheimili og greiða þína skatta og skyldur til þess samfélags og hugsa um jörðina.
Það nefnilega gengur ekki lengur að svokallaðir fjárfestar hvort sem þeir eru erlendir eða innlendir geti safnað jörðum eins og servíettum. Það einfaldlega verður að stoppa.
Við teljum hefðbundin fjölskyldubú vera þá stærð sem passar best í okkar landi og okkar ímynd og um leið umhverfisvænast. Slíkir styrkir munu EKKI verða veittir til fyrirtækja sem reka svokölluð verksmiðjubú.
Okkar stefna er til þess fallinn að efla byggðir sem og að koma þeim jörðum sem nú standa og grotna niður í byggð að nýju og þar með eflir það menningu og samfélag hvers svæðis sem nú stendur víða höllum fæti.
Bændur stunda margir hverjir mjög orkufreka framleiðslu og þeir verða að fá rafmagnið á eðlilegum kjörum og virkja verður svokallaða stóriðju taxta þeim til handa.
Við viljum banna innflutning á fersku kjöti. Fæðuöryggi landsmanna á að vera heilnæm íslensk framleiðsla hvaða nafni sem hún nefnist.
Við teljum að ekkert væri mikilvægara fyrir unga og nýja bændur en að landbúnaðarstefna Frjálslynda lýðræðisflokksins yrði að veruleika.
Björgvin E. Vídalín, oddviti Frjálslynda Lýðræðisflokksins í Norðausturkjördæmi
Nýjast
-
16 ára aldurstakmark á samfélagsmiðlum
Er ekki kominn tími til þess að við tökum umræðu um það fyrir alvöru á Íslandi að hækka aldurstakmarkið á samfélagsmiðlum? Hér er um að ræða málefni sem snertir lýðheilsu barna og ungmenna beint og því nauðsynlegt að gefa þessu málefni rými í aðdraganda kosninga. -
Öruggari samgöngur í Fjallabyggð
Á undanförnum árum hefur Fjallabyggð staðið frammi fyrir krefjandi áskorunum tengdum veðurfari. Foktjón hefur orðið í óvæntum ofsaveðrum og úrkomumynstur virðist vera að breytast með tilheyrandi álagi á innviði. Endurteknir úrkomuviðburðir hafa leitt til flóða, nú síðast síðsumars þegar vatn flæddi inn í fjölmörg hús. Þá var Siglufjarðarvegi um Almenninga lokað í nokkra daga vegna skriðufalla og tjóns sem hlaust ef þessu mikla vatnsveðri og hættu á grjóthruni. Sprungur í veginum vegna viðvarandi jarðsigs opnuðust enn frekar. Þessi atburðarrás hefur undirstrikað mikilvægi þess að styrkja og bæta samgöngur inn í sveitafélagið, sem eru lífæð samfélagsins. -
Uppruni jólakorta - Lauslega þýtt úr dönsku
Þegar fyrsta jólakortið var búið til um það bil árið 1800 á Englandi þá fékk það mikla athygli og með byr því að mörgum fannst það leiða athygli að jólum og sýna rétta jólaandann og varð það fjótt nokkuð vinsælt meðal Breta. Við þekkjum öll að jólin eru hátíð ljóss og friðar og á jólum sameinast fjölskyldur og vinir og við hugsum meira til vina og kunningja en á öðrum tímum. Jólakort hafa verðið þessi góði máti til þess að senda jóla- og vinarkveðju til þeirra sem við viljum gleðja á þessum tíma. Þessar kveðjur eru óskir um gleðileg jól og farsælt komandi ár, þetta er afar fallegur og góður siður og það gleður marga að fá fallega kveðju á fallegu jólakorti í svartasta skammdeginu. Það er talið að Kínverjar og Egyptar hafi byrjað að senda kveðjur á kortum fyrir 3000 árum og þaðan hafi þessi siður borist til Evrópu og hins vestræna heims. Í upphafi voru þessar kveðjur sendar í byrjun desember svo að þau gætu staðið á arinhillunni svo að fólk gæti notið þess alla aðventuna og jólin og fram á nýtt ár. Það sem á þeim stóð var oftast eitthvert biblíuvers, bæn, lítið kvæði eða eitthvað sem að minnti á vorið eða birtuna sem fólk var farið að bíða eftir á þessum dimmasta tíma. Oft voru líka send kort í tilefni árstíðaskipta svo sem um vor og sumar. -
Alvöru byggðarstefnu takk!
Um aldamótin 1900 bjuggu í Reykjavík ríflega 6000 manns, um 8% landsmanna en 11% á höfuðborgarsvæðinu. Nú 124 árum síðar býr 37% þjóðarinnar í Reykjavík og 65% á höfuðborgarsvæðinu. Og ef allt áhrifasvæði höfuðborgarinnar er tekið með, búa þar 80% landsmanna. Við hin 20% landsmanna búum svo utan þess. -
Flug til framtíðar
Fyrsta flug easyJet frá Manchester lenti á Akureyrarflugvelli í gær en flogið verður á þriðjudögum og laugardögum frá nóvember út mars. Samtals verða þetta því 40 flug í vetur með 186 sætum hvert og því má búast við 6-7 þúsund farþegum í þessu flugi. Flug frá London Gatwick hófst í síðustu viku og stendur það fram á vor með sömu tíðni og fjölda sæta. Ætla má að flug á þessa áfangastaði geti skilað um 40 þúsund gistinóttum á landinu og aukningu landframleiðslu um 700 milljónir króna. Flugið frá London Gatwick til Akureyrar síðastliðinn vetur gekk framar vonum. Nýting var góð, stöðugur vöxtur í komum erlendra ferðamanna og heimamenn nýttu flugið mjög vel í helgarferðir eða tengingar lengra út í heim. Aðstæður á flugvellinum voru erfiðar vegna þrengsla en starfsfólkið þar á hrós skilið fyrir að veita frábæra þjónustu. Lendingar gengu vel á Akureyrarflugvelli og þurfti easyJet aldrei að nota varaflugvellina. Það sýndi sig að í slæmu veðri þar sem innanlandsflug lá niðri var þrátt fyrir það hægt að fljúga út í heim án vandkvæða. Þannig gat ferðaþjónustan tekið á móti ferðafólki og sýnt Norðurland í fallegum vetrarbúningi. -
Kvenfélagið Hjálpin gefur 1.100.000 kr
Nú á haustdögum varð kvenfélagið Hjálpin í Eyjafjarðarsveit 110 ára. Í kvenfélaginu starfa tuttugu og fjórar konur auk nokkurra heiðursfélaga. Við erum á aldrinum 24 ára til 76 ára og meðalaldur okkar er 48 ár. Við erum vinkonur, nágrannar, bekkjarsystur, systur og í félaginu starfa í dag 3 pör af mágkonum, 3 pör af mæðgum og 5 pör af tengdamæðgum. Í tilefni af 100 ára afmælinu gáfum við út bókina Drífandi daladísir þar sem eru myndir og upplýsingar um allar 231 félagskonurnar ásamt sögu félagsins í máli og myndum. -
Atvinnulíf og uppbygging í Norðurþingi
Það eru spennandi tímar í atvinnulífinu í Norðurþingi en sveitarstjórn hefur unnið ötullega í þessum málaflokki á kjörtímabilinu, m.a. með áherslu á Grænan iðngarð á Bakka. -
Ungt fólk er meira en bara meme og sketsar á TikTok
Ungt fólk er meira en bara einn hópur. Ungt fólk samanstendur af mörgum mismunandi hópum, með mismunandi skoðanir, áhugamál og þarfir. Að reyna að ná til þeirra einungis með stuttum sketsum, meme-um og „brain rot “ efni á TikTok er mikil einföldun. Ungt fólk hefur líka áhuga á pólitík, vill fara á dýptina í málum og kynna sér stefnur flokka áður en það mótar sér skoðun. Ungt fólk á betra skilið en efni í litlum gæðum sem er of stutt til að geta talist upplýsandi. -
Það er ekki allt að fara til fjandans!
Af hverju tölum við niður kennara og annað starfsfólk sem vinnur með börnunum okkar? Hvers vegna köllum við ábyrga foreldra leiðinlega og tökum umræðu um börn og ungmenni stöðugt útfrá neikvæðustu rannsóknargögnum sem völ er á? Það tapa allir þegar að við tölum niður framtíð landsins.
