Ringulreiðin í Hagahverfi
Eins og það er yndislegt að búa í jafn fallegum bæ og Akueyri og tiltölulega gott mannlíf er ömurlegt til þess að vita að heilt hverfi sé gjörsamlega
eyðilagt skipulagslega miðað við skipulag fyrri hverfa á Akureyri yfirleitt þar sem vel hefur til tekist. Á góðviðrisdegi fyrir nokkru hringdi í mig góður kunningi og vildi bjóða mér í bíltúr.
Allt í lagi sagði ég, án þess að spyrja frekar út í það því mér datt í hug fram í Eyjafjarðarsveit (gamla Saurbæjarhreppinn) þar sem ég er alinn upp að miklu leyti fram að fermingu og kunninginn vissi að mér var ákaflega kær sú sveit. En það var öðru nær, því eftir að hafa náð í mig á nýjum, flottum bílnum tók hann stefnuna á Naustahverfið, nánar tiltekið þar sem kallað er Hagahverfi og er sunnan við Naustabæina.
Það kom sér vel að í nýja, flotta bílnum var GPS tæki, sem kom í veg fyrir að við villtumst í þessari skipulagslegu ringulreið, sem þetta hverfi er. Kunningjanum var mikið niðri fyrir þegar að GPS tækið vísaði okkur á einhverja götumynd sem hafði verið gefið nafnið Geirþrúðarhagi og benti mér á lágreist einnar hæðar raðhús sem hann og sambýliskonan hefðu ætlað að kaupa íbúð í. En við nánari athugun og eftir að hafa ráðfært sig við fagmenn hefði komið í ljós að þegar yrði búið að fela það inn á milli hárra íbúðablokka yrði útsýnið ekki neitt og varla sæist til sólar, þá yrði þetta ekki spennandi heimili.
Þau hættu auðvitað við að kaupa og sagði kunninginn að þau væru ekki eina dæmið þar sem einnar hæðar raðhús væru falin eins og ofan í laut, háhýsum raðað allt um kring og ekkert útsýni yrði fyrir íbúana í einnar hæðar húsunum. Ömurlegt skipulag og niðurröðun húsa.
Bæjarstjórnin svarar ekki
Í gangi eru samningar á milli húsnæðissamvinnufélagsins Búfesti annars vegar og EBAK hins vegar, en það er Félag eldri borgara á Akureyri, um að byggja m.a. leiguíbúðir fyrir lágtekjufólk og sérgreinda hópa og leiguíbúðir í samstarfi við hagsmunafélag eins og EBAK. Flestar íbúðir yrðu á bilinu 50-90 fm. Aðilarnir að málinu hafa augastað á og bent á lóð í Naustahverfi nyrðra, sem er laus en eins og í mörgum öðrum málum hjá bæjarstjórninni dregur hún lappirnar og svarar ekki.
Þetta er gott og markvert framtak hjá EBAK og Búfesti því vitað er um sára vöntun á m.a. ódýru húsnæði og sérlega leiguhúsnæði, enda upp í 4 ára biðlistar hjá Akureyrabæ þar sem ekkert raunhæft hefur verið gert í þeim málum. Bærinn hefði t.d. getað keypt þó nokkuð margar íbúðir til útleigu fyrir þær 500 milljóna óráðssíu sem umframeyðslan nam í sambandi við Listasafnið og verður lengi í minnum haft. Fleira mætti til taka og enginn gerður ábyrgur.
Heyrst hefur að bæjarstjórnin ætli að taka út slagorðið „Akureyri öll lífsins gæði“ og er það auðvitað til marks um arfalélega stjórn bæjarins að það sé ekki lengur gott að búa á hinni yndislegu Akureyri ef rétt væri haldið á spöðunum. Svo vælir bæjarstjórnin um sífækkandi íbúa hér, en er það einhver furða þegar vísað er til frámuna lélegra bæjarfulltrúa, sem virðast vera í allt öðru en að stjórna bænum af einhverju viti? Meira seinnna.
-Hjörleifur Hallgríms
Nýjast
-
FVSA kannar áhuga stéttarfélaga á Norðurlandi til sameiningar
„Þetta er hugmynd sem vert er að skoða og fróðlegt að sjá hver viðbrögð félaganna verða,“ segir Eiður Stefánsson, formaður Félags verslunar- og skrifstofufólks á Akureyri og nágrenni (FVSA). Nýlega sendi hann erindi til tíu stéttarfélaga á Norðurlandi til að kanna vilja þeirra til samtals um útfærslu á öflugu deildarskiptu stéttarfélagi á svæðinu. -
Reynsla mín af smíðakennslu á Akureyri. Aldarfjórðungur í baksýn.
Í Menntastefnu Akureyrarbæjar segir: „Verkviti er gert hátt undir höfði til þess að börn nái í síauknum mæli að tengja saman hug og hönd í skapandi umhverfi. Akureyrarbær hefur ríkan metnað til þess að í hverjum skóla starfi hæft og öflugt fólk og að eftirsóknarvert sé að starfa þar. Stuðningur skólayfirvalda við starfsþróun leikur þar stórt hlutverk“. Skipulag skóla gerir ráð fyrir samvinnu starfsfólks, sveigjanleika í skipulagi, teymiskennslu og samþættingu námsgreina“ (Menntastefna Akureyrarbæjar, 2020-2025). -
Örugg skref um allt land.
Heilbrigðiskerfið okkar er hjartað í því velferðarsamfélagi sem tekist hefur að byggja upp á Íslandi. Á yfir 40 fundum sem Samfylkingin bauð til um allt land til að ræða heilbrigðis- og öldrunarmál var ljóst að sinnuleysi og fyrirhyggjuskortur undanfarinna ríkisstjórna er að hola innan öryggistilfinningu fólks. Ekki síst í okkar kjördæmi þar sem vegalengdir eru langar, veður viðsjál og langt til Reykjavíkur. Að heilsugæslan neyðist til að reiða sig á íhlaupalækna til að bjarga vandanum tímabundið stoðar lítt. Það byggir ekki upp það traust og samfellu sem þarf til að fólk njóti þess margháttaða ávinnings sem rannsóknir hafa sýnt að fylgi því að hafa fastan heimilislækni. Enda settum við það sem okkar fyrsta heit í nýju framkvæmdaplani heilbrigðismála til tveggja kjörtímabila. Við erum tilbúin. -
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Svik við launafólk: Loforð um samráð brotin með gegndarlausum gjaldskrárhækkunum
Anna Júlíusdóttir formaður Einingar Iðju skrifar bréf til bæjarstjórnar Akureyrar í dag sem birt er að heimasíðu félagsins, það lætur hún í ljós mikla óánægju með boðaðar hækkanir hjá hinum ýmsu fyrirtækjum og stofnunum bæjarins og er óhætt að segja að Önnu sé misboðið. „Við erum tilbúin til uppbyggilegs samtals,“ sögðum við í júlí þegar bæjaryfirvöld á Akureyri boðuðu breytingar á gjaldskrám. Við fögnuðum loforðum um samráð, um víðtækt samtal við hagsmunaaðila og um reglulegt endurmatsferli þar sem allir kæmu að borðinu. Nú aðeins fjórum mánuðum síðar stendur eftir sársaukafullt svik á trausti launafólks. Í stað samtals og samráðs virðast vera að raungerast víðtækar gjaldskrárhækkanir sem eru hrein árás á kaupmátt launafólks. -
Vegamálin liggja þungt á Grímseyingum
Vegamál liggja þungt á heimamönnum í Grímsey. Bundið slitlag var sett á götur þar árið 1994 og aftur árið 2014, en þá var verkið ekki klárað almennilega, „því það mátti bara setja á ákveðið marga kílómetra,“ eins og það er orðað í bókun hverfisnefndar. -
Gripmælar, róbótar og ratleikur á Opnum degi Um 300 framhaldsskólanemendur lögðu leið sína í Háskólann á Akureyri
Stuðið var gífurlegt á dögunum þegar um 300 framhaldsskólanemendur heimsóttu Háskólann á Akureyri á Opnum degi. Skólinn hefur gert þetta í mörg ár í góðu samstarfi við náms- og starfsráðgjafa í framhaldsskólum á norðaustursvæðinu. -
Óska eftir frambjóðendum sem eru tilbúnir í alvöru breytingar!
Ég óska eftir breytingum svo að ég og allir aðrir menntaðir Heilsunuddarar viti hvað við eigum að kjósa í komandi alþingiskosningum. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni.
