Ráðdeild í fjármálum – Stöndum undir sterkri þjónustu við fjölskyldur og velferðarmál
Aldey Unnar Traustadóttir skrifar
Nýlega var samþykktur í sveitarstjórn ársreikningur fyrir árið 2021. Lítilsháttar hagnaður varð af rekstri sveitarfélagsins á A og B hluta eftir taprekstur á árinu 2020 þegar Covid áhrifa gætti sem mest. Hið jákvæða varðandi árið 2021 er að atvinnulífið varð mun sterkara á ýmsum sviðum í fyrra heldur en búist var við líkt og sást til dæmis í ferðaþjónustu í sumarblíðunni í Þingeyjarsýslum. Eins komst kísilver PCC á Bakka af stað á nýjan leik. Þetta olli því að tekjur voru sterkari en gert var ráð fyrir.
Skuldahlutfall er um 77% í árslok 2021 sem er ágætlega viðunandi í samanburði við mörg önnur sveitarfélög. Tekjur Norðurþings hafa aukist mikið á síðustu árum í tengslum við uppbyggingu á iðnaðarsvæðinu á Bakka. Heildar skuldir Norðurþings námu 7,3 milljörðum sem er lítilsháttar hækkun frá fyrra ári. Á eignahliðinni var handbært fé óvenjulega mikið í lok árs 2021 eða 927 milljónir króna sem er jákvætt.
Fjárfrek verkefni framundan
Þessi skuldastaða Norðurþings er samt sem áður býsna há fyrir tiltölulega lítið sveitarfélag sem búið er að skuldbinda sig fyrirfram í mörg verkefni á komandi árum. Þar vegur þungt nýtt hjúkrunarheimili en einnig er búið að samþykkja nýjan slökkviliðsbíl. Þar við bætast framkvæmdir við golfskála, frístundahúsnæðis barna og ýmislegt annað. Einnig liggur fyrir að talsvert viðhald er framundan hjá Norðurþingi, til dæmis á skólabyggingum. Eins má búast við því að ýmsar aðrar fjárfestingarbeiðnir í sveitarfélaginu muni koma fram á næstu árum en þá gildir að missa ekki tökin og sýna aga. Norðurþing er víðfemt sveitarfélag sem er með fjárfreka innviði sem þarf að reka og viðhalda. Sveitarfélagið rekur hafnir á þremur ólíkum stöðum, nokkur íþróttamannvirki, sundlaugar og skóla. Allt kostar þetta mikla fjármuni og því mikilvægt að reka ábyrga stefnu í fjármálum.
Stöðumat í upphafi næsta kjörtímabils
Til þess að geta staðið undir sterkri þjónustu við fjölskyldur og velferðarmál þarf þétt utanumhald fjármálanna. V-listinn telur skynsamlegt að mörkuð sé sú stefna að Norðurþing fari varlega í fjármálum á komandi árum og ráðdeild verði í fyrirrúmi. Í ljósi þess að fjárfrek verkefni eru framundan er nauðsynlegt að sveitarfélagið fari með sameiginlega fjármuni samfélagsins af einstakri ábyrgð og tryggi að þeir þjóni íbúum þess eins og þeim er best ætlað að gera.
Öflugt atvinnulíf er grunnurinn
Við hjá V-listanum viljum standa með fyrirtækjunum á svæðinu og vinna að því að nýjum grænum verkefnum á iðngarðinum á Bakka fjölgi enda eru innviðir þar sterkir eftir mikla uppbyggingu síðustu ára. Varðandi ferðaþjónustu þá höfum við fulla trú á því að hún muni blómstra nú þegar heimurinn er að opnast í lok faraldurs. Nýlegur Dettifossvegur, fjölbreytileg ferðaþjónustufyrirtæki og allar náttúruperlurnar í sveitarfélaginu munu verða segull fyrir ferðafólk á komandi árum. Eins er mikilvægt að hlúa að nýsköpunarmálum í sveitarfélaginu því þá erum við að styrkja okkur til framtíðar. Landbúnaður er og verður grunnatvinnugrein í sveitarfélaginu og spennandi hlutir eru að gerast við uppbyggingu á fiskeldi á landi í norðursýslunni. Öflugt atvinnulíf er mikilvægt til að tryggja góð og aðlaðandi búsetuskilyrði fyrir fólk og fjölskyldur í sveitarfélaginu öllu.
Aldey Unnar Traustadóttir, hjúkrunarfræðingur og forseti sveitarstjórnar Norðurþings, höfundur skipar 1. sæti V-listans í Norðurþingi.
Nýjast
-
Viðreisn íslensks landbúnaðar?
„Lækkun tollahindrana skapar tækifæri fyrir landbúnaðinn.” Já, þetta fullyrðir Viðreisn í stefnuskrá sinni. Bætir við: “Endurskoða þarf reglulega áhrif tolla á frjáls viðskipti og matvælaverð.” Svo reyndar ekki bofs meir. Punktur. -
Ekki benda á mig
Brátt göngum við til kosninga einu sinni enn. Í annað skipti á þessu ári. Síðast tókst okkur vel til og völdum við okkur forseta sem við verðum stolt af. Núna eru vonbiðlarnir þeir sem vilja setjast á Alþingi Íslendinga og sýna þar hvað í þeim býr. -
Matur handa öllum.
Nýlega hafa Eyjólfur Ingvi formaður sauðfjárdeildar BÍ og Margrét Ágústa framkvæmdastjóri Bændasamtaka Íslands kallað eftir því að stjórnmálaöfl skýri sjónarmið sín í málefnum landbúnaðarins. Það var athyglisvert að heyra málflutning þeirra því staðreyndin er sú að bændum á Íslandi hefur fækkað mikið, sérstaklega í mjólkurframleiðslu þótt að á sama tíma hafi orðið talsverð framleiðsluaukning. -
Látum ekki blekkjast.
Kosningarnar eftir mánuð munu snúast um að skapa betri lífskjör fyrir venjulegt fólk hér á landi. Fyrir mér ættu framboðin nú að leggja fram sínar leiðir til að taka á verðbólgu, skapa tækifæri, efla velferðarkerfið og standa vörð um náttúruna, en sum hafa valið að spila á okkar lægstu hvata; ótta og andúð. -
Sjúkrahúsið á Akureyri
Ísland er fámennt en stórt land. Íbúaþróun síðustu áratugi hefur á margan hátt verið óskynsamleg. Samkvæmt gögnum frá Hagstofunni búa nú nálægt 80% landsmanna á stórhöfuðborgarsvæðinu en 20% landsmanna á gríðarlega víðfeðmu landsvæði utan þess. Fá dæmi eru um slíka samþjöppun búsetu í nokkru landi og fyrir vikið er það flókið verkefni að tryggja öllum landsmönnum fyrsta flokks lögbundna þjónustu, þótt sannarlega sé það bráð nauðsynlegt. Það á ekki síst við um réttinn til heilbrigðisþjónustu. -
Hvar er fjárveitingin í Húsavíkurflugið?
Þingeyingar hafa lengi barist fyrir því að áætlunarflugi milli Húsavíkur og Reykjavíkur verði viðhaldið enda um mikilvæga samgöngubót að ræða, ekki síst fyrir heimamenn, ferðamenn og blómlegt atvinnulíf í Þingeyjarsýslum. -
Kosningaloforð og hvað svo?
Landssamband eldri borgara LEB eru samtök 56 aðildarfélaga sem eru dreifð um allt land með um 36.000 félaga. Þeir sem eru orðnir 60 ára geta gengið í félögin. -
Íslenska kerfið framleiðir afbrotamenn
Að refsa einstaklingi fyrir alvarleg afbrot með fangelsisvist, er eitthvað sem flestir geta verið sammála um að sé nauðsynlegt. Fæstir átta sig hins vegar á hve frelsissviptingin ein og sér hefur gríðarleg áhrif á einstakling sem dæmdur hefur verið til vistar í fangelsi og ef betrunarúrræðin eru ekki til staðar er næsta öruggt að sá einstaklingur er lýkur afplánun, kemur út í samfélagið aftur í verra ástandi en hann var í þegar afplánun hófst. Stundum held ég að þessi hópur samfélags okkar sé álitinn hin skítugu börn Evu sem flestir vita af en enginn vill af þeim vita. Eins og að vandamálin hverfi um leið og kveðinn er upp dómur. Allir þeir einstaklingar sem fá á sig dóma eru synir, dætur, bræður, systur og barnabörn einhverra. Að afplána dóm hefur ekki bara gríðarleg áhrif á fangann heldur líka hans nánustu aðstandendur sem ég tel vera algjörlega týndan hóp innan kerfisins. Kerfis sem fyrir löngu er molnað í sundur. Kerfi sem nær ekki að eiga samskipti. Kerfi sem þarf að taka alvarlega til í og snýst hreinlega um líf eða dauða fólksins okkar. -
Gleðilega töfrandi kosningabaráttu
Snörp og spennandi kosningabarátta er að hefjast og eru stjórnmálaflokkar í óðaönn að draga fram helstu stefnur og forgangsmál. Ýmislegt bendir til þess, eins og oft áður, að komandi kosningar muni að þónokkru leyti snúast um efnahagsmál og fjármál heimila og fyrirtækja. Verðbólga og vextir bíta fast og fólk vill svör um framtíðina. Eðlilega.
