20. nóvember - 27. nóvember - Tbl 47
Orkuveita Húsavíkur verði bakhjarl Völsungs
Á fundi stjórnar Orkuveitu Húsavíkur (OH) í gær var samþykkt að Orkuveitan yrði sérstakur bakjarl íþróttafélagsins Völsungs til næstu þriggja ára og að gerður verði viðauki við fjárhagsáætlun upp á 1,5 milljónir króna.
Ekki var þó full eining um tillöguna innan stjórnar OH en Valdimar Halldórsson, varaformaður greiddi atkvæði á móti. Í bókun hans kom m.a. fram að hann teldi óeðlilegt að OH styrki eitt tiltekið samfélagsverkefni utan fjárhagsáætlunar og framhjá Samfélagssjóði OH.
„Samfélagssjóður Orkuveitunnar var stofnaður í samfélagslegum tilgangi og er með til úthlutunar 2,5 milljónir króna árlega. Völsungur ættu með réttu að sækja um í þann sjóð fyrir tiltekin verkefni sem samrýmast úthlutunarreglum sjóðsins. Með því að styrkja eitt samfélagsverkefni af fjárlögum félagsins er komið fordæmi sem eykur líkur á að aðrar umsóknir muni berast Orkuveitunni um langtíma bakhjarlastyrki sem þýðir að þá þarf mögulega aftur að gera viðauka við fjárhagsáætlun,“ segir í bókuninni.
Sigurgeir Höskuldsson, formaður stjórnar og Eysteinn Heiðar Kristjánsson greiddu atkvæði með tillögunni og létu bóka að æskulýðsstarf væru mikilvægt í öllum sveitarfélögum.
„Flest ungmenni af starfsvæði OH stunda íþróttir á vegum Völsungs. Sú starfsemi ýtir undir heilbrigði og er liður í forvörnum ungmenna á svæðinu. Það ætti því að vera með stolti að OH geti styrkt þessa starfsemi,“ segir í bókuninni.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
