20. nóvember - 27. nóvember - Tbl 47
Opið bréf til bæjarstjórnar
Fyrir rúmu ári síðan fór ég á fund sveitarstjóra okkar vegna hækkunar á leigu hjá Norðurþingi. Ég tek fram að ég var búin að reyna leita eftir svörum hjá bæjarstarfsmönnum en fékk aldrei almennileg svör við þessari hækkun svo ég ákvað að fara og biðja um fund hjá æðsta manninum (sveitastjóra) og fékk það.
Að sjálfsögðu gat hann útskýrt þessa hækkun á leigunni, sem er veruleg. Við leigjendur hjá Norðurþingi urðum að taka þessari hækkun þegjandi og hljóðalaust því ekki getum við farið neitt annað (allavega flest okkar). Á þessum góða fundi hjá sveitarstjóranum okkar, Kristjáni sem ég ber mikla virðingu fyrir, áttum við gott spjall um fjölskyldur og hve oft er erfitt fyrir suma að ná endum saman.
Ég ber svo upp spurningu fyrir hann; hvort Norðurþing hafi aldrei hugsað út í að vera með svokallaðar „sérstakar húsaleigubætur?“ ( eins og sum sveitarfélög eru með). Ég fæ þá svar um að það sé nefnd (veit ekki hvaða nefnd) sem hafi tekið þetta fyrir og því hafi verið hafnað en þetta yrði tekið fyrir aftur síðar. Það var svo gert og þetta samþykkt, get ekki alveg sagt til um hvenær þetta var samþykkt en mig minnir síðasta vor (2016). Að sjálfsögðu þurfti manneskjan sem sótti um að uppfylla viss skilyrði sem og undirrituð gerði.
Um áramótin síðustu þá breyttust hjá ykkur viðmiðin og reglurnar um þennan sérstaka stuðning og langar mig að vita og reyna að skilja hvað það var sem þið breyttuð og hvaða önnur viðmið þið eruð með? Vegna þess að ég get ekki skilið þessar útskýringar sem ég hef fengið og var að vona að einhver ykkar gæti útskýrt fyrir mér og öðrum hvaða viðmið og reglur þið eruð með.
Með von um góð og skjót viðbrögð
Harpa Steingrímsdóttir
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
