20. nóvember - 27. nóvember - Tbl 47
Ómetanlegt að eiga þessa sögu
Ragnar Sverrisson kaupmaður með bókina Höndlað við Pollinn – saga verslunar og viðskipta á Akureyri frá öndverðu til 2000. Mynd: MÞÞ
-
Höndlað við Pollinn – saga verslunar og viðskipta á Akureyri frá öndverðu til 2000 komin út
„Ég er virkilega ánægður með að hugmynd verða að veruleika. Það er ómetnalegt að eiga þessa sögu á bók, söguna alveg frá fyrstu tíð,“ segir Ragnar Sverrisson sem staðið hefur vaktina sem kaupmaður á Akureyri í 56 ár. Þar vísar hann til bókarinnar Höndlað við Pollinn – Saga verslunar og viðskipta á Akureyri frá öndverðu til 2000. Jón Þ. Þór sagnfræðingur er höfundur bókarinnar, en Hið íslenska bókmenntafélag gefur hana út.
Hugmyndin að bókinni kviknaði þegar frændur, Ingólfur Sverrisson og Jón Þ. Þór áttu saman tal og ræddu yfirlitsgrein sem Ragnar hafði tekið saman um verslunarsögu Akureyrar og birtist í Morgunblaðinu árið 2014. Bræðurnir fengu í lið með sér þau Sigurð Jóhannesson fyrrverandi aðalfulltrúa KEA og Úlfhildi Rögnvaldsdóttur sem þá var formaður Félags verslunar- og skrifstofufólks á Akureyri og í sameiningu hófust þau handa við að safna fé til að koma verkinu í gang.
Bæjarhlutar urðu til í kringum verslun
Í bókinni er farið yfir sögu verslunar og viðskipta á Akureyri síðastliðnar fjórar aldir og sem skiptist í nokkur afmörkuð tímabil. Hvert og eitt hefur sín einkenni og öll settu þau svip sinn á kaupstaðinn, tilurð hans, vöxt og ásýnd. Fram kemur í formála að náin tengsl hafi verið á milli verslunar á Akureyri og þróunar byggðar. Þrír elstu bæjarhlutarnir urðu til í kringum verslun, fyrst Innbærinn síðan byggð á syðsta hluta Oddeyrar og loks miðbærinn. „Í öllum þessum bæjarhlutum var verslunarrekstur áberandi, reyndar aðalatvinnugreinin og náin tengsl voru milli verslunar og hafnarframkvæmda.“
Tímar breytast og ný hverfi verða til, verslanir voru gjarnar opnaðar í nýju hverfunum til að auðvelda íbúum að útvega sér nauðsynjar. Þær liðu svo flestar undir lok með tímanum og breyttum ferðavenju fólks. Dagvöruverslun fluttist að mestu í verslunarmiðstöðvar eða stórverslanir. Þá skipti, líkt og höfundur segir, framboð bílastæða við verslanir viðlíka miklu máli og vöruúrvalið innandyra.
/MÞÞ
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
