20. nóvember - 27. nóvember - Tbl 47
Ólíkt er aðhafst
"Rænuleysi bæjarstjórnarinnar er algjört. Gefins bílhlössin úr Vaðlaheiðargöngum óhreyfð," segir í grein Hjörleifs. Mynd/HH
Í fréttum fyrir stuttu var sagt frá framtakssemi Siglfirðinga og bæjarstjóra Fjallabyggðar, Gunnars Birgissonar, sem reyndur er að því að láta verkin
tala. Allt að því landsfrægur fyrir atorkusemi og dugnað. Flugvöllur þeirra Siglfirðinga hafði verið ófær og lokaður allri flugumferð af ýmsum ástæðum um árabil, en fyrir tilstuðlan heimamanna með bæjarstjórann, Gunnar Birgisson, í broddi fylkingar er svo komið að búið er að opna flugvöllinn til notkunar og hefur hann verið gerður í nothæft ástand með öll tilskilin leyfi.
Þetta er auðvitað stórt og mikið framtak og á eftir að veita Siglfirðingum og allri Fjallabyggð ómældan uppgang t.d. í ferðamennsku og öðru
með tilkomu öruggra flugsamgangna. Mér datt þetta svona í hug þegar ég sá og myndaði vörubílshlössin í tugum, sem keyrð hafa verið gefins úr Vaðlaheiðargöngum. Ekki einu sinni ræna hjá bæjarstjórn að fara með jarðýtu á hlössin og jafna úr þeim, hvað þá heldur að halda áfram og klára flughlaðið, sem myndi stórauka flugumferð frá útlöndum með tilheyrandi streymi farþega í bæinn og allir myndu græða og Akureyrarbær líka.
Undarleg hagfræði
Ég og fleiri hafa ekki skilið þá hagfræði, sem liggur að baki hugsunarhætti og vinnubrögðum bæjarstjórnar með peningaaustrinum í Listasafnið sem engu skilar. Og raunar fleiru þegar svo margt annað nauðsynlegt situr á hakanum. Stundum er talað um að verið sé að
henda krónunni en hirða eyrinn. Við hefðum þurft að hafa annan Gunnar Birgisson hér sem bæjarstjóra, frekar en sum dauðyflin sem á undan hafa verið. Vonum að nýr bæjarstjóri reynist röggsamur, en það skal ég láta þá ágætu konu vita að hún er lent í úlfahjörð.
Það er vitað að Isavia á að borga fyrir flughlaðið en væri ekki nær að bæjarstjórnin setti eins og 150-200 hundruð milljónir í verkið til að klára
það og fá þá peninga margfalt til baka þó Isavía borgaði aldrei neitt, þó væru þeir líklega frekar tilbúnir að borga frekar en Svandís Svavarsdóttir.
Að lokum kemst ég ekki hjá að minnast á tengibygginguna frægu á milli Ketilhússins og Listasafnsins, sem kostar vart undir 100 milljónum. Þar er
státað af kaffihúsi en á sama tíma eru ekki færri en 10 kaffihús og veitingastaðir bara í miðbænum. Á þetta kaffihús bara að hýsa listasnobbið?
Það hefði verið óvitlaust að setja nokkrar krónur í að opna salernin undir kirkjutröppunum þó ekki væri nema til að létta á blessuðu guðsfólkinu, prestunum, sem eiga fullt í fangi með að vísa óvelkomnum túristum frá því eina salerni, sem í kirkjunni er og einn presturinn hefur nýverið tjáð sig um í fjölmiðlum.
-Hjörleifur Hallgríms
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
