20. nóvember - 27. nóvember - Tbl 47
Öflugir VMA-nemar í stærðfræðinni
Víkingur Þorri Sigurðsson, þriðji frá vinstri, í keppnisliði Íslands í Eystrasaltskeppninni í stærðfræði sem fram fór í Flensborg í Þýskalandi. Síðastliðið sumar tók hann þátt í Ólympíuleikunum í stærðfræði í Japan Mynd vma.is
Árangur tveggja nemenda í VMA, Orra Sigurbjörns Þorkelssonar og Víkings Þorra Sigurðssonar, í forkeppni stærðfræðikeppni framhaldsskólanna sem fór fram 3. október sl. tryggði þeim þátttökurétt í úrslitakeppninni sem fer fram síðla vetrar. Orri Sigurbjörn keppir á neðra stigi en Víkingur Þorri á efra stigi.
Víkingur Þorri keppti einnig í fyrra og var þá efstur í forkeppninni á neðra stigi. Árinu eldri keppir hann nú á efra stigi.
Síðasti vetur og allt þetta ár hefur verið viðburðaríkt hjá Víkingi Þorra í stærðfræðinni því sem fyrr segir tryggði hann sér fyrir ári sæti í úrslitum stærðfræðikeppni framhaldsskólanna sem fram fór í Reykjavík í mars sl. Systir hans, Theodóra Tinna, sem einnig stundar nám í VMA, var einnig í úrslitum.
Í úrslitunum varð Víkingur Þorri efstur á neðra stigi og í kjölfarið tók hann þátt í Norrænu stærðfræðikeppninni, sem var veflæg, 30. mars sl. Góður árangur þar tryggði Víkingi Þorra síðan keppnisrétt í sex manna liði Íslands í Ólympíuleikunum í stærðfræði í Chiba í Japan 2.-13. júlí sl. sumar sem að vonum var mikið ævintýri og ógleymanleg upplifun.
Núna í nóvember tók Víkingur Þorri þátt í Eystrasaltskeppninni í stærðfræði í þýsku borginni Flensborg, skammt sunnan landamæra Þýskalands og Danmerkur. Í liði Íslands, sem lenti í tíunda sæti í keppninni, voru auk Víkings Þorra Hrafnkell Hvanndal Halldórsson, Merkúr Máni Hermannsson, Ragna María Sverrirsdóttir og Valur Georgsson. Hrafnkell Hvanndal, Merkúr Máni og Valur eru nemendur Menntaskólans í Reykjavík en Ragna María er í Verslunarskólanum.
Frá þessu er sagt á heimasíðu VMA
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
